Amos 5:5 - Bible en Guidar

⁵ Ya kədawkayawən addəv Gəla na Maŋgəlva na Betel ɓa, may kədaddoŋ addəv Gəla na Maŋgəlva na Gilgal ɓa, kədawtoŋgoŋ a təki salala na Ber-Seba ɓa'e. Vi isim adawsimginin Gilgal: Betel tam ka zəga ɗar adakkpaŋga.

Amos 5:5 ပူးပေါင်းရင်းမြစ်များ

Va'Atəŋ 21:31

Ndəni miya təki nan na Ber-Seba, vi adaki aswayaŋ sulegiti.

Va'Atəŋ 21:33

Ampək wəlaŋga adawyaŋ na Esel a Ber-Seba adak akkaman Yawe Maŋgəlva an faɗ də iya nani.

Va'Atəŋ 26:23

Sədak ambat a Ber-Seba.

Va'Atəŋ 26:33

Aya vov van na Sibe'a; vini yi, walaŋgəla van adawyanən na Ber-Seba, hã dəpaŋka'e, va wənəh na vov net iŋkile na Əswaya.

1Milyeŋge 12:28

Məlĩ arahək əɗɗum mbərən, avotuk kirit wasliɗe mezeŋgleket na meleŋge sula, yaŋ aɓsit ɗiy na: «Ədda nokum a Yerusaleməŋ məki; meŋgilveɗ nok yeŋ məs dəgilgukun səka dələv na Eziptə Israyel.»

1Milyeŋge 12:29

Ndən ta' taka a Betel, ndən ta' maɓɓan a Dan,

2Milyeŋge 23:8

Akiyik məsdəlveŋge naka dələv na Yuda pakə; arnoketik gəleɗe-nettuyeŋge məs məsdəlveŋge adawzlaŋ tursan aket adak təŋ sə Geba hã gap a Ber-Seba. Aɓzluwik gəleɗe-nettuyeŋge na maddambeɗe, an nawtoŋ də maddamba na Yosuwa daya na walaŋgəla-metiŋ, an naka zlaɓay an ɗəf tay ətoŋ də maddamba na walaŋgəla-metiŋ.

Ɗerewel na Yob 8:22

Wil wadenin məzuzelkuni, gizlirke net məsdarawɗe asan na ɓa.

Gəlyaɗe 33:10

Yawe azanək əɗɗum net ɗiy ɗaɗarɗe, azlzlaɓanək an na mekret ɗiyi.

Isaya 29:20

Vi məsdaraw wazə, əzelen ɗəf wabay mani, məkayaŋ əɗɗa mambray wazaŋ pakə.

Isaya 8:10

Miynan an naɗɗa, wazlzlaɓə. Məpel va kədawpeleŋ pakə, ya agəɗ na ɓa, vi Maŋgəlva tay də mənamə.

Yeremiya 48:13

Wil wada Mo'ab sən Kemos maŋgəlva nan va wil ade mə Israyelɗe sən zəgakamaŋgəlva net na Betel məs aɗiyən əɗɗum net pak akani.

Hose'a 10:8

Kawzeti gəleɗe-nettuyeŋge na Awen, mambray na Israyel; gedirgeɗ dit dewregeɗe waslerneheŋ aket matuyeɗe neti, wanahaŋ sitin mossorgoɗe gugriɗ na: məɗupmə! May sit mossorgoɗe na: Məɓəsl akamə!

Hose'a 12:11

Wanəpel sit məskəleŋɗe, wanuwan ula, gəm də met məskəleŋɗe nədawsla kiyva wəna.

Hose'a 4:15

«An is Israyel, is tat əɗɗa polkoyo, na Yuda adaɗɗa ɓa! Kədaddoŋ a Gilgal ɓa, kəpeŋgeŋ a Bet-Awen ɓa, kədaswayaŋ na: Də Yawe madarani ɓa.»

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Amos 1:5

Wanəŋzliw təbzeŋge nawkəɗəsl maddamba na Damas, wanəzan ɗəf dəsan də gəla a Bike'at-Awen, ana məzəm məlĩ a Bet-Eden. Ɗiy na Aram na, kawketi aka balam a Kir,» Yawe anahə.

Amos 3:14

Vi pay nədawsilyaw ətawwən aka kiɓəɓəl na Israyel, wanətaw aka wən net matuyaɗe na Betel, kaŋzluti mohoŋɗe na matuya vani, wabətaŋ afuŋ.

Amos 4:4

«Məddoŋ a Betel məraygən matuya na Gilgal; məsok zukum aza əraygən matuya. Də mompumo pak, mənokum əke zəgeɗ nawzaɓ-Maŋgəlva nokum, makəlaw na ərəh nokum tam aza əvoŋ mahokon pakə.

Amos 7:10

Amatsiya, məsdələv na Betel agapgənək alabaraŋ sən Yerobo'am məlĩ na Israyel, də wənah na: «Amos tay əŋgla ərɓohok səka məlĩ na Israyel. Dəlvəŋ aɓəs na əpel na man əmpa ɓa.

Amos 7:13

Ahəŋ a Betel na, kədawtəpsən əpel na kəleŋ əmpa ɓa, vi gəla salala ndak na məlĩ yi, gəla nani yi.»

Amos 7:17

An Yawe anah yaŋka: Guluk nok watəkkpaŋ məpolkoyok a walaŋgəla-metiŋ, kirtuk mezeŋgleket dit muguluŋgit pak waskotoŋ ama masalam. Gulyeŋge nok pak kawɗeketi əslet dəsle də helege. Is sən kiyuk kpak wakəmtə aka dələv net ɗiy dəsənən Maŋgəlva ɓa, ɗiy na Israyel tam kawsimgiti disim səka dələv neti.»

Amos 7:9

Wanəɓzlu gəla net tuyeŋge net kirtin Isak. Gəm gəleɗe salalaɗe na Israyeləŋki wassoŋ ka kiməskiya, Ya wanəsil əwak sən gəla na Yerobo'am də masalam.

Amos 8:14

Ɗiy məzəswayaŋ də mambray na Samari gəm ənahaŋ na: Də iya na Maŋgəlva noko, Dan: “awaniɓa də iya na tive na matuya na Ber-Seba!” Ɗiyis pak wazbəraŋgə asilyoŋ na əmpa ɓa.»

1Korintus 1:28

Maŋgəlva awelik zəgeɗ ɗar naka dəlva gəm zəgeɗ məzelti, en məs tahəŋ ɓa vi kawzet en məs dəssoŋgu.

1Korintus 2:6

Ya maɗɗula mədarba a walaŋgit məzutafaŋ məsɓeti, maɗɗula na pay an kakaŋkəŋki ɓa, net deyeɗe na pay an kakaŋkəŋki məs nawzaŋgəŋ ɓa.

Əmsak aka Mahenziŋ 28:41

Wakuwə kirin mezeŋgleket dit mugluŋgiti, assoŋ na azok ɓa, kawketi yi aka balamə.

Yosuwa 5:9

Yaŋ Yawe aɓsən Yosuwa na: «Dəpaŋ na nətor sukumək wil məs kəkiyaŋ sə Eziptəŋ sərokum.» Vini kan məya təki van na Gilgal hã pay dəpaŋka.

Hənhən 18:17

Addəv ler taka kaka'ə aryeɗ nok pak azaŋka. Migilit bəlayɗe, məzəddoŋ təki dənɗaŋ dit məzəŋkorotini ndəɗaŋ pak arəhaŋ na ərəh net də malaka aket iŋkile a pehe əmpa ɓa, waziweŋ faraɗa,

1Samiyel 11:14

Samiyel anah sit ɗiy na: «Məde, mədam a Gilgal məsɓangən wən na məlĩ adaka.»

1Samiyel 7:16

Aza wəzva pak tay əbbal aka waleŋgit gəleɗe na Betel, na Gilgal gəm an na Mispa, wətaw wən net mə Israyelɗe na təkiɗes pakə.

1Samiyel 8:2

Iya na wətən an daya na Yo'el, an dəzban tam na, Abiya. A Ber-seba assoŋ mətawaŋwəna.