Amos 5:4 - Bible en Guidar

⁴ Vi van Yawe apel sit mə Israyelɗe: «Məkayawa, asna wakəssoŋ madorokum.»

Amos 5:4 ပူးပေါင်းရင်းမြစ်များ

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 20:3

Geslne armak Yosafat. Ndən haran sek əkayan Yawe, aɗi əɗɗa meme addəv Yuda baymani.

2Alabaraɗe Də Mabərkiziti 20:4

Ɗiy na Yuda akkalaŋgək vi kassõh əbbah na Yawe. Ɗiy azzoŋguk sə walaŋgəleɗe gugriɗ na Yuda pak vi kakkaman Yawe.

2Alabaraɗe Də Mabərkiziti 34:3

Addəv wəzva madədopoɗon nawzəm məlĩ nan, aka asan gawla ba'ə, ndən təŋ əkayan Maŋgəlva na Davit afəni. Addəv wəzva ma kəlaw kiyən sulan na, ndən təŋ əbbur gədəv Yuda gəm Yerusalem, azet gəleɗe-nettuyeŋge, Astera, zəgeɗkamaŋgəlva may zəgeɗ na təbəz məhisit dəhəs.

Gəlyaɗe 14:2

Sə disiŋ Yawe aɓe' aket ɗiyi, kawla na, məs əsən akan tay sa, tay məzukayan Maŋgəlva sa?

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 27:8

Makraw tay aka an kəpel na: «Məkayawaŋka!» In tat əkkpaŋ aboko Yawe.

Gəlyaɗe 69:32

Anani Maŋgəlva aŋgəl day ki wasliya, may medgeɗge də mohõn gəm eperkeperkeni.

Gəlyaɗe 69:33

Məɓegənən ki zit wawlanəni, wannekeŋgi. Məkayanən Maŋgəlva, ənziya nokum dəzzeki!

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Yeremiya 38:20

Yeremiya amna, appokun na avet ɓa, aprəm əpel na Yawe məs nədawnah suk ɗa. Wasan suk moggoni, wakəsok modoroko.

Ezekiyel 18:9

Tay ədaw va mahenziŋ nawa; tay əzbet tiveɗnanziya nawa; də gegesiŋ adaɗɗa zəga: ɗəf təstəsi, wasan madarani. Daya Yawe aɗiymani.

Hose'a 10:12

Məzlək təstəsə, wakəkkalaŋ zəga na mabardaw moggoni; Məkkpãy guli meleketeni; kakaŋki kan pay nawkayan Yawe, hã gap adazzan wərban sukum təstəsə.

Amos 5:6

Məkayan Yawe asna wakəssoŋ madorokum, vi adazzan va offo aka gəla na Yosef gəm kazəmən ɓa, məza ɗəf tay namtan sə Betel ɓa ɓa.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Matiye 7:8

Vi ɗəf dəssõh pak warahə. Ɗəf an dəkayani warəha. Ɗəf an dərga maddamba kawkol səni.

Əmsak aka Mahenziŋ 32:46

aɓsit na: «Mərma wən an nəziw akan dəpaŋkəŋ pak a mokrokum, məɗi sit wən nan sit kirtukum dərmanəngən əpel naddəv Mahenziŋgəŋ pak gəm dəɗɗaŋgən wəza dəndəni.

Əmsak aka Mahenziŋ 32:47

Vi əpel ɗari yi azokum ɓa, əpel van zeŋgilokumi; əpel nan wazzeken ənziya nokum aka dələv məs kədawmõhon ka nokum dəggar ki Yurden əŋka.»

Əmsak aka Mahenziŋ 4:29

Asna wakəkayanən Yawe Maŋgəlva nokum sədaka; wakərəhnən an kəkayanənək də mokrokum taka, də megenegenekum pakə.