Amos 5:25 - Bible en Guidar

²⁵ Addəv wəzva kaklaw poɗo məs kəɗɗaŋ a kapta-muyãŋ na, kəzaɓaŋ suwənək maŋgəlva gəm kəvəlaŋ suwənək də zəga na mabardaw sa mənokum ɗiy na Israyel?

Amos 5:25 ပူးပေါင်းရင်းမြစ်များ

Nehemi 9:18

Də azaɓaŋ wət wasliyək na təbəz məhə̃sən, anəhaŋ na: Maŋgəlva nok məs dəgilguk sə Eziptə yaŋka! Gəm adansukun gəduvuk diyɗa zlaŋ;

Nehemi 9:21

Wəzva kaklaw poɗo kəzgə sləma aket a kapta-muyã. Zəga tay dəkkpap sit ɓa. Lukutɗe net dərayaŋ ɓa, tilit dəsẽ' ɓa.

Ezekiyel 20:16

Vi azeletinik tiveɗnanziya nawa, dədawaŋ va mahenziŋɗe naw aŋglaŋ ɓa, araygənək pay naffet nawa; mekret aket meŋgilveɗ neti yi.

Ezekiyel 20:24

Vi dəɗɗaŋ wəza dit tiveɗnanziya naw ɓa, azeletinik mahenziŋɗe nawa, araygənənək pay naffet nawa, aziynin heret ammbet meŋgilveɗ net efiŋgiɗti.

Ezekiyel 20:8

Yaŋ aɓoŋgoŋ akawa, dəŋgəmaŋ əprəmwən ɓa, ɗəf tay dəzgan zəga sə maharan ɓa, meŋgilveɗ na Eziptə dayday dəppetin ɓa, nəmna wanəka herɗe naw aketi, wanədəgədəv aket hã ŋgbu' aka dələv na Eziptə.

Məsdəlveŋge 17:7

vasna azaɓaŋ-Maŋgəlva sit zeŋvit porsokɗes məs adawgakdaketin də əɗɗa matuya na polkoyoŋ ɓa. Mahenziŋ aska, wasan faɗ viti addəɗ na ɓa.»

Zakarya 7:5

Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Yosuwa 24:14

Gəgaŋ na, məgeslne' sən Yawe, məgəɗ sən wəza də təstəs-gərakə. Məzergit meŋgilveɗ məs efiŋgiɗkum aɗɗaŋ sitin wəza a dəgar ki məlpa metiŋ gəm a Eziptə iŋki, məgəɗ wəza sən Yawe.