Amos 5:21 - Bible en Guidar

²¹ Nəzelke, maw tay aket wəzləreɗ nokum ɓa, miŋginit əkkalɗe nokum tay akaw nek ɓa.

Amos 5:21 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

Wənməkkpaŋga 15:8

Əzaɓ-Maŋgəlva net məsdarawɗe daryawi ara Yawe, əkkam net ɗiy en təstəs na, neki azani.

Wənməkkpaŋga 21:27

Əzaɓ-Maŋgəlva məsdarawɗe azaɓaŋ pak daryawi yi, səsak an akiyənək də əɗɗum mbərayən.

Wənməkkpaŋga 28:9

Məs dəsuk sləman daprəm mahenziŋ na, əkkam nan pak wasan daryaw.

Isaya 66:3

Mətaw wəla wasliya, tay əbay ɗəfa; məzaɓ-Maŋgəlva də wət time, aŋzləwək wəla kəra; məgəɗ su əvəla, avəl suwək də mbel na vedem; məs dəzlə su tursan, tay əki əzaɓ aka mbərayən. Net aweleŋgik tiveɗ neti tahəŋ ənnekeŋ də wəza net daryawɗeski,

Yeremiya 14:12

An aɗɗaŋgək meme zlaŋgə, nəprəm na əkkam net ɓa. An adaŋ suwənək əvəl nawzla kurmbuɗuk gəm aɗɗaŋ suwənək əvəla, nənnek na dənɗaŋ ɓa. Ya də masalam, mayã gəm gəbaymərma nədawzeti.

Yeremiya 6:20

Mi tursan na Saba adawtər su gəm kevile məffok nek naka dələv faraɗa di? Əvəl nawzla kurmbuɗuk nokum tay əmbat su ɓa əzaɓ-Maŋgəlva kədawdaŋ tay nek azaw ɓa.

Ezekiyel 23:18

Tərbanək polkoyo nat kerekere, tərbanək zət mekeleŋ, maɗɗulaw zar səkat va azar səkat məlməta.

Hose'a 2:11

Vini wanəmndaw ənda haykəmari naw də pay nani, mbazla na meketepe naw aka pay nani, wanətor zeŋze də helege na ngərayã naw səzat məs dədawɗaman zət kəta.

Hose'a 5:6

Waddoŋ əkayan Yawe dit gilew net gəm wasliɗe neti, ya arəhnən na ɓa: vi azarək faraɗa səzeti.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Amos 4:4

«Məddoŋ a Betel məraygən matuya na Gilgal; məsok zukum aza əraygən matuya. Də mompumo pak, mənokum əke zəgeɗ nawzaɓ-Maŋgəlva nokum, makəlaw na ərəh nokum tam aza əvoŋ mahokon pakə.

Amos 4:5

Məzla peŋ mədan də wuɗo ka əzaɓ-Maŋgəlva naɗɗa soko! Mətəlma na əvəl an də makra, məprəman siti, vi vaski kəŋglaŋ mənokum mə Israyelɗe.» Yawe Maŋgəlva aɗiymani.

Amos 6:8

Yawe, Maŋgəlva aswayək ndən sən kiyən Yawe Maŋgəlva Məzuɓappak aɗiyman na: «Maw tay aka əkaɓ na Yakob ɓa, nəzelik gəleɗe lelewɗe nani. Wanəppan walaŋgəla-metiŋ van də an naddəvən pak avet məzuzelɗe.»

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Matiye 23:13

Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əmpan maddamba na məlĩ na disiŋ səbet ɗiyi. Munokum zək nokum vani, kawtoŋgoŋ ɓa, ya kəppetin ɗiy en dəŋglaŋ ətoŋ dətoŋgoŋgən ɓa. [

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.