Amos 5:2 - Bible en Guidar

² Waŋ ŋgbuɓɓo na Yerusalem təskotko, təsil na əmpa ɓa, Israyel lelew naka, tat ɓulohõ aka dəlvafuŋgu, ɗəf tay nawsilgit ɓa!

Amos 5:2 ပူးပေါင်းရင်းမြစ်များ

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

2Milyeŋge 17:16

Appetinik wəsəɓɗe na Yawe Maŋgəlva neti, avotoŋguk kirit wasliɗe sula; ampaŋgək Astera, appu'oŋguk abet məzəlpaŋ na disiŋ gəm aɗɗaŋ wəza sən Ba'al.

Isaya 14:21

Məzaɓan wən nawbay kirni vi mambray net efigiŋɗti, vi adawsilyoŋ kawtaf dəlva, kaknəh mammba dələv dit walaŋgəleɗe gugriɗe ɓa.

Isaya 24:20

Geŋgeɗ-geŋgeɗ dəlvafuŋ aɓəl va məs mbazla abayə, tay əɓla va gizlirge nawga. Mambray nan tay gədak akani, askotko, asil na əmpa ɓa.

Isaya 3:8

Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.

Isaya 37:22

Aŋki an Yawe apəl akani: Waŋ gbuɓɓo na Siyon tat əzeloko, tat əmas akoko Senakerib, Yerusalem tat əɓlan kiyən galagala dərɓogoko.

Isaya 43:17

Ndən məs dəgilgit mawteɗe net pilseŋge dit pilseŋge neti, məzəlpaŋ dit guromɗe neti. Tahəŋ ɓəlohɓəloh asilyoŋ na əmpa ɓa, azlaŋgək va gabaga na lalam. Amtaŋgək gipi.

Yeremiya 14:17

Ya kəpel sitgin əpeliŋka: Sin dəssoŋ araw sliɓsliɓ məza ərsla ɓa dəfəɗ də kapay pakə, vi tatwãh metiŋgin aɗiyək vamvi azet ɗiy nawa vamvi məza anzaɗ kpak ɓa.

Yeremiya 18:13

An Yawe anah yaŋka: Məttoket ɗiy naka dələv mbərən: Naway dəprəm ɗah zev wən vas di? Ɗiy na Israyel aɗɗaŋgək zəga daryaw sawɓa.

Yeremiya 2:27

Tay ənah sən wəlaŋga məzaɓən na: istə afuwa! Gəm sən gərəm na: istə kəwuwa! Istə kəwəmə! Vi doŋgbolit akkpaŋgan suwən ɓa na hereti ɓa. Ya pay na tatwãh net na, ndəɗaŋ ənahaŋ na: Asil akõhgəmə!

Yeremiya 31:4

Wanəmsak əsilguko, wakəsili Israyel wakəgəm dəgəla nok əmpa wakəgil aret en məzumasaŋgə.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Yeremiya 50:32

Məkkeshara ataŋgbayka yaŋ askotu; ɗəf tay nawsilgin ɓa. Wanəɗi sit offo sit walaŋgəleɗe gugriɗ nani, wazəm təki kiyən tərwəsl pakə.

Yeremiya 51:64

kənahgən na: Vaski Babilon adawtəpani, agil na səddəv tatwãh məs nədawki akan ɓa. Zit adawyanəni: eskey əpel na Yeremiya abaymani.

Yeremiya 8:4

Kənah sitgin na, aŋki məs Yawe anahə: An ɗəf askotko, asil na ɓa sa? An ɗəf azək ki tive, amilyen aka təlni aka təlni ɓa sa?

Yeremiya 9:21

Apel na! Vaŋki Yawe aɗiymani: Gəbeyit ɗiy wasan sokosloɓ afuŋ va ba'ar a gulyo, va maŋgav məvoŋgən dərɓaga məzubəla, ɗəf tay nakkelet ɓa.

Yeremiya 9:9

Wanəhəmə, wanənɗəs aka wən net mossorgoɗe; wanəɓuh maw ammba təki nawtaɗ na kapta-muyã, vi məɗi siti offo. Ɗəf tay dədawtoŋ kəla dak ɓa. Əhəm na wasli tay dədaprəm adak ɓa. Təŋ səzet biŋgeɗ na disiŋ hã gap azet zəgeɗ nawra anzoŋko, addoŋko.

Əɓuhma 2:13

Də Mi nədassak suk di? Mi nədaŋɗa nawsla də is di, walaŋgəla-metiŋ na Yerusalem? Mi nədawsluk dəndən naffeten suk mokrok di, walaŋgəla-metiŋ na Siyon? Vi əray nokuŋ diyɗay va pehe; Naway nawmbəlguk di?

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 6:2

Dərɓaga əvoŋ sula, wambəlgəmə, pay mahokon na, wasilgəmə, waməsam madaram abani.

Amos 8:14

Ɗiy məzəswayaŋ də mambray na Samari gəm ənahaŋ na: Də iya na Maŋgəlva noko, Dan: “awaniɓa də iya na tive na matuya na Ber-Seba!” Ɗiyis pak wazbəraŋgə asilyoŋ na əmpa ɓa.»

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.