Amos 5:14 - Bible en Guidar

¹⁴ Məkayan zəga an moggoni məza an mbərayən ɓa. Vasna wakəssoŋ madarokum, Yawe, Maŋgəlva Məzuɓappak, wasaŋ də mənokum, va kədawnahaŋgə.

Amos 5:14 ပူးပေါင်းရင်းမြစ်များ

Va'Atəŋ 39:23

Daya net məgaŋ məfərsəneɗ zəga tay adawla ɓa zəga pak ammba vani, vi Yawe tay dəndəni; an adaɗɗa pak Yawe tay ədawgən də tiveni.

1Alabaraɗe Də Mabərkiziti 28:20

Yaŋ Davit anah sən Salomoŋ wətən na: «Ampa təlko, asok zuko, aɗɗa kəgeslne' ɓa, mokrok adawzlah ɓa, vi Yawe Maŋgəlva, Maŋgəlva naw tay də isi. Appok na ɓa, azgok na firik ɓa, hã gap əgrak wəza naddəv Gəla na Yawe.

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

Gəlyaɗe 46:11

«Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

Gəlyaɗe 97:10

Mənokum məs kəŋglunən Yawe, mizel mbərayni. Tay əga zeŋgilet məzbanən mani, də wəkõhgit səvet məsdarawɗe.

Əgilye 3:12

Maŋgəlva amna ha'aw: «IN TAT də isi. Awle, zəga an narban suk na, intə nəslunko: pay kədawgilgit ɗiy naw sə Eziptə, kəgagdakanəngən Maŋgəlva aka gərməŋka.»

Wənməkkpaŋga 11:27

Ɗəf məzban əɗɗa moggon na, mbəlembəle adawkayani, məkayan mambraya, mambray wade azani.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Isaya 8:10

Miynan an naɗɗa, wazlzlaɓə. Məpel va kədawpeleŋ pakə, ya agəɗ na ɓa, vi Maŋgəlva tay də mənamə.

Amos 3:3

Ɗiy sula wadawaŋ matak an dəslereŋ ɓa sa?

Amos 5:6

Məkayan Yawe asna wakəssoŋ madorokum, vi adazzan va offo aka gəla na Yosef gəm kazəmən ɓa, məza ɗəf tay namtan sə Betel ɓa ɓa.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Əŋɗa 16:3

Akkalaŋgək aket may Moyis gəm Aron, aɓsitin na: «Mək vas də mənokum! Ɗiy naddəv əsap beymet salalaŋgə, Yawe tay aweleŋti; də tive awani kədawɗinən zukum day ki əkkal na Yawe di?»

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Matiye 6:33

Məkayan məlĩ na Maŋgəlva də təstəs nan daabəŋ, asna wapsukum zəgeɗis pakə.

2Timote 4:22

Daya dəsan də əmpəs noko, mbəlembəle na Maŋgəlva dəsan də munokum.

Yosuwa 1:9

Nəɗi suk wən nan na: asok gboŋgboŋ də zuk soksoku ɓa sa? Kədakker ɓa gəm kədaddakan zuk ɓa, vi Yawe Maŋgəlva nok wasan də is a təki kədaddok pakə.»