Amos 4:8 - Bible en Guidar

⁸ Walaŋgəleɗe gugriɗ sula may hoku addoŋguk slorslor a walaŋgəla-metiŋ maɓɓan kawsa iŋkile məza meme net bay ɓa; ya kəmulyoŋ azaw ɓa. Yawe aɗiymani.

Amos 4:8 ပူးပေါင်းရင်းမြစ်များ

1Milyeŋge 18:5

Akab aɓsən Obadiya na: «Dok əbbalan dəlva, də təki met iŋkile assoŋ gəm dit lolohẽɗ pakə. Kuzuŋ wamərah marbaza, napsit pilseŋge dit koropilseŋge, vasna, zəgeɗ memeyẽɗ nam wappaŋ səməni, waməbey zəgeɗ memeyẽɗ nam gərak ɓa.»

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Yeremiya 3:3

Ndəni buwən dəzi ɓa, buwən na mawala dəzi ɓa. Guluk hara ɓəɓəl kənan ammba ɗarɗarə, kəɓoŋko, wil dədukun ɓa.

Yeremiya 3:7

Naw nəmna, dərɓaga aɗɗa as pak na wamil azaw soko. Ya dəmil ɓa. Yuda hinzere məlmən awlaka.

Yeremiya 5:3

Yawe horok tay ɗəhərra ammba ula ədaw təstəs ɓa sa? Kərgeke, ya dəttəmanən azet va zəga ɓa. Kəkgrekke, aɓoŋgoŋguk dawtaf əzga'a. Aɓɓəlanənək heret day ki gərma, aɓoŋgoŋguk dawmilye azoko.

Hose'a 11:5

Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Hose'a 7:10

Əkaɓ na Israyel tay əpel akan tusso ama harani, ya dəmil aza Yawe Maŋgəlva nan ɓa; də as pak dəkayan ɓa.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Mika 6:14

Wakəzəmə, ya kəbə na ɓa hara, may wasan a walaŋkum! Wakəzaɓ zəga, ya asan na ɓa hara. Ya an kəzaɓə, wanəzan də masalam.

Haggay 1:6

Kəzlgaŋgək diyɗa, ya məkkalan nan siɗikke kərahaŋgə; mənokum tat əzəmaŋgə ya kawbaŋ ɓa; mənokum tat əsaŋgə ya zukum appar ɓa; mənokum tat əguloŋgu ya zukum akkpaŋ kãh ɓa, ərah na məgəɗ wəza tay əmbat addəv taɓak mətilik gabbani.

Haggay 2:17

Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.