Amos 4:13 - Bible en Guidar

¹³ Vi yaŋkəŋ na: an dəɗɗe mossorgoɗe gugriɗe, dəzəməɗ səmyã, məzərban an məs ɗəf titir aynan naɗɗa. Tay əkkpaŋgan guzli na dəfəɗ ka təki məddaŋgən. Tay ədaw aka təki an məɓayən ləklək naka dəlvafuŋ. Yawe, Maŋgəlva Məzuɓappaki iya nani.

Amos 4:13 ပူးပေါင်းရင်းမြစ်များ

Ɗerewel na Yob 9:7

Ndən məzunah sən pay adawgilyen ɓa, net ŋgirzleɗ na ndən əɗi sit tampoŋ.

Gəlyaɗe 135:7

Tay əsilgən slaybuwən sə metteɓ ma dəlvafuŋ, də iwiɗ na buwən vi dəzigəni; tay əgilgən səmyã səddəv bətəŋ nani.

Gəlyaɗe 139:2

kəsənək va nədawsawa, va nədawsilyewa; kəsənək əɗɗum naw səka faraɗa;

Gəlyaɗe 147:18

Tay əslən əpel nani, tay əlyuɓti; tay əɓlan səmyã, iŋkile ədawaŋgə.

Gəlyaɗe 65:6

Maŋgəlva məkõhgəmə, də təstəs kədawzlan səm dit zəgeɗ na sekene, avoki yi mammba dələv gboŋ faraɗa hã met peheɗi.

Əgilye 10:22

Moyis atələk van a disiŋ, guzli titir agəɗək aka dələv na Eziptə dəwənnan pay hoku.

Əgilye 14:20

Slaybuwən van adek ətoŋ a walaŋ dibirgidik net mə Eziptiɗ də an net mə Israyelɗe. Dahah guzliyo; dahah əkekeɓe' dəfɗa. Kim awzaraŋ go'o aza zit ɓa.

Isaya 40:12

Naway dəsle iŋkile nammba dələv də gədəv vani, dəsla təki a disiŋ dit kirtin van paparə, dəsla burɗuk na dəlvafuŋ addəvət huloŋku, dəsla gagdak net mossorgoɗe gugirɗe gəm net mossorgoɗe də zəga nawsla gagdak di?

Isaya 45:7

Nəzəməɗək əkeɗeɗe'e, nəɗɗak guzliyo. Nəɗɗak zazaya, nəɗɗak tatwãha'e. Naw intə Yawe, məzəɗɗe zəgeɗis pakə.

Isaya 47:4

Iya na məzukõhgəm na Yawe Məzuɓappakə, Salala na Israyel.

Isaya 48:2

Mənokum tat əya kizukum də iya na walaŋgəla-metiŋ salala, mənokum məzugeseŋ aka Maŋgəlva an Israyel, məs adawyaŋ na Yawe Məzuɓappakə.

Isaya 5:30

Pay dəpaska, wahẽyẽti, wasan va məlpa məknahən, paysən adəgədəva. Kawkayani dələv van kawlani, ya kawla yi, guzliyə ɗəkɗəkə; slaybuwən gbimgbimi dədawki guzli aka əkeɗeɗe'e.

Yeremiya 10:13

Dəka əpel nan iŋkile adawbayaŋ gəgay a disiŋ, adawsilgin slaybuwən hã sə təki dələv abaymani adaɗɗa əwiɗ na buna adawgilgin səmyã siddivit bətəŋɗe nani.

Yeremiya 10:16

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Yeremiya 13:16

Məgagdakan Yawe Maŋgəlva nokum tak adawki guzliyo, tak təlkum adaŋgbay azet mossorgoɗe sən guzliyo. Əkeɗeɗe kədawgaŋ kəta, ya akkpaŋganən ka guzli tiɗimi kpaŋgən va guzli na buna.

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Yeremiya 51:16

Dəka əpel nan iŋkile adawbayaŋ gəgay a disiŋ, adawsilgin slaybuwən hã sə təki dələv abaymani adaɗɗa əwiɗ na buna adawgilgin səmyã siddivit bətəŋɗe nani.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 2:30

Naw na, vi nəsaw də wəsən daykiyit ɗiy membirtiyə nəsən wən məɗama van ɓa; vi ɗəf dəɓapgən wəboton sən məlĩ va əssine nan aŋgəl kawnahĩ yi ka dəsəngən əɗɗum na makrani.

Hose'a 12:6

Yawe Maŋgəlva net məzəlpaŋ na disiŋ, Yawe yi vaski iya nani.

Yo'el 2:2

Pay na guzli yi gəm na guzli titire pay na slaybuwni gəm na guzli tigbizlimi. Ɗiy hõnyo' hõnyo' gboŋgboŋ tay əzzoŋ va təki ɓihhe adaɗɗa aket mossorgoɗe gugriɗe, mulay ɗah vas ɓa, asan na dərɓagan ɗah vas ɓa, hã gap wəzveɗe na sayit ɗiy kpototo.

Amos 3:13

Yawe Maŋgəlva Məzuɓappak aɗiymani. «Məpak sləmokum, məprəman sit kirtin Yakob an məpel aketi:

Amos 5:27

Vi aski kan nədawsimgukum balsən Damas, Yawe anahə. Iya nan na: Maŋgəlva Məzuɓappakə.

Amos 5:8

Ndən dəɗɗe ŋgay net ŋgərzleɗi, gəm duŋgusu. Akkpaŋgan dəfəɗ tikiɗim ka təki məddaŋgən; dədakkpaŋgan kapay ka dəfɗa. Ndən məzuye iŋkile sə pehe əfloŋgit aka dəlvafuŋ. Iya nan na Yawe.

Amos 6:8

Yawe, Maŋgəlva aswayək ndən sən kiyən Yawe Maŋgəlva Məzuɓappak aɗiyman na: «Maw tay aka əkaɓ na Yakob ɓa, nəzelik gəleɗe lelewɗe nani. Wanəppan walaŋgəla-metiŋ van də an naddəvən pak avet məzuzelɗe.»

Amos 8:9

Pay dəpas na, Yawe Maŋgəlva aɗiymani: wanətəpgən pay aka tətaŋpaya; addak wəsɓəta dələv adawtoŋ ara guzluyo.

Amos 9:6

Ndən məs dəɗi təki nassa nan a disiŋ, dəɗi gabban aka dəlvafuŋ. Ayek iŋkile na pehe yaŋ ofleŋ aka dəlvafuŋ. Yawe yi iya nani.

Mika 1:3

Vi Yawe yaŋ əgilye sə təki nani tay əprikeni, tay əzban ədaw də disiŋ ki dəlvafuŋ.

Habakuk 3:19

Yawe Maŋgəlva nawi gbogboŋ nawa, tay əɗi təlu va net muneŋge gəm tay ədawgu aket mossorgoɗe gugriɗe. Səza daya na gəlya, dit kokuɗe zevit temtemi.

Zakarya 12:1

Wətəlma. Əpel na Yawe aka Israyel. Yawe məs dəppar disiŋ gəm dəɗi dəlvafuŋ aɗiymani, məs dəzəməɗ əmpəs na ɗəf titir addəvni:

Matiye 9:4

Adan Yesu awla əɗɗum neti. Amna vimi kədaɗɗumoŋ mbərayən vas a mokrokum di?

Yohanna 2:25

Wəray tay ɗəf dənah səngən wən na ɗəf ɓa, vi asənək an na makra ɗəf pakə.

Yohanna 3:8

Səmyã tay əɓla a təki məs aŋgəl pak is tat əpprəm ɓaɓəlmani, ya kawsənən na səŋga ade di awaniɓa aŋga adaddan di ɓa. Vaski an muwan də Əmpəsa.

Əmsak aka Mahenziŋ 32:13

Aziyik aket gərmeŋge naka dəlva, vi dəzəmaŋgən zəga na mabardaw: azəmgitik amama na popor gərma, gəm də mẽl səddəv hilmisi.

Əmsak aka Mahenziŋ 33:29

Mə Ibriɗe istə Israyel! Naway dəslə də mənokum, məs Yawe atərkuməŋ di? Baray nawturki yi, masalam na gbogboŋ noki yi. Məzuzelɗe nok warakokəni, ya wakəndapeti.