Amos 4:11 - Bible en Guidar

¹¹ Nəzokumək va Maŋgəlva azan Sodom gəm Gomorra. Kəssoŋguk va seseme məkdəhən sə koffo, ya kəmulyoŋ azaw ɓa. Yawe aɗiymani.

Amos 4:11 ပူးပေါင်းရင်းမြစ်များ

Isaya 13:19

Babilon, dələv məzaɓan moggon lalaw day məs mə kaldiyeɗ adawɓaygənən kiyzit dəndənəŋ Maŋgəlva waslaŋgan va Sodom də Gomorra.

Isaya 7:4

Kənah səngən na: Asla zuko! Asok ɓatɓatə, kəgeslne ɓa, kədawŋgəm əppan mokrok əddak səbet motoffoɗe sula məzuzlaŋgən ɓa, səba ədagədəv net may Resin ɗəf na Aram də wətən Remalya ɓa.

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Yeremiya 49:18

Va Sodom, Gomorra gəm walaŋgəleɗe meggegiɗin arayaŋgə, ɗəf tay nassan adak də gəla ɓa, ɗəf titir asan na akan ɓa Yawe anahə.

Yeremiya 5:3

Yawe horok tay ɗəhərra ammba ula ədaw təstəs ɓa sa? Kərgeke, ya dəttəmanən azet va zəga ɓa. Kəkgrekke, aɓoŋgoŋguk dawtaf əzga'a. Aɓɓəlanənək heret day ki gərma, aɓoŋgoŋguk dawmilye azoko.

Yeremiya 50:40

Va Maŋgəlva araygən Sodom, Gomorra gəm walaŋgəleɗe meggegiɗin ɗəf tay nassan adak də gəla akan ɓa Yawe aɗiymani.

Ezekiyel 24:13

Ərba wil tay addəv ərnok noko; vi nəbburkuko, ya ərnok nok dəbbur səzok ɓa, ya kəbbur na əmpa ɓa hã gap in mah əke herɗe naw akoko.

Hose'a 11:5

Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Haggay 2:17

Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.

Zakarya 3:2

Maslay aɓsən Məzəmkiya na: «Yawe dəslaŋguko Məzəmkiya; kəta Yawe məs dəwel Yerusalem dəslaŋguko. Ɗəf aŋ van motoffo məgdəhən səkoffo yi ɓa sa?»

Roma 9:29

Ya vaŋki Isaya anah dafsəni: Va Daya Məzuɓappak dəpəl səm zeŋvəm ɓa na, waməkkpaŋ kəta va Sodom, kəta waməslə də Gomorra.

1Korintus 3:15

Ya an wəza na ɗəf van ahhətka, nan tay an adawrəh ɓa. Wakõhu, ya va əkkaɗ ki offo yi hara.

Əmsak aka Mahenziŋ 28:24

A gəla buwən aka dələv noko, moŋglo gəm alogudum Yawe adawpike; waprik akok hã gap is kakãhə.

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»

2Piyer 2:6

Gəm azet walaŋgəlaɗe gugriɗ na Sodom də Gomorra azlak kpaŋ moŋglo, vi məɗɗaŋ mambray pak dulanəngən an dədazzan aket tamə.

Zuda 1:23

Məkõhgiti, migilgit səddəv offo. Mussoŋ də ulasahã gəm də geslne', məsla zukum, məzel lukut net məs gəɓa zit arnokon daydayə.

Zuda 1:7

Va mãy Sodom də Gomorra gəm walaŋgəleɗe gugriɗ en tuwəɗ kiyit akuhwaŋ a gizbe, azbetinik maslayɗe, assoŋguk va zəga narban əzga də offo məs amta ɓa.

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.