Amos 4:10 - Bible en Guidar

¹⁰ Nəslənək gəbaymərma akokum va aka tive na Eziptə, nəbeyik gewleɗ nokum də masalam, də əmõh pilseŋge nokum; nəppanək məŋgən dibirgidik nokum əmbat a məŋkənkum. Yawe aɗiymani.

Amos 4:10 ပူးပေါင်းရင်းမြစ်များ

2Milyeŋge 10:32

Gala dəpaski, Yawe atəŋ ərras dələv na Israyel. Hazayel arbə sit səket meŋgeɗe na Israyel pakə.

2Milyeŋge 13:3

Gədəv Yawe adək aka Israyel diyɗa, appanək ammba va Hazayel məlĩ na Aram gəm ammba va Ben-Hadad, wətən Hazayel pay pakə.

2Milyeŋge 13:7

Məzəlpaŋ tahəŋ dəppaŋ sənən Yohakaz, abbər kiyit məpeŋgeŋ pilseŋge kaklaw sle'i, mawteɗ nawgay kəlawə, gəm məzəlpaŋ mədawaŋ də tilit gabal kəlaw ɓa, vi meɓɓet pak məlĩ na Aram azetike: akkpeŋgetik va burɗuk nawndapani.

2Milyeŋge 8:12

Hazayel amna: «Vimi daya naw adawhəm di?» Elisa azlan sən na: «Vi nəsənək mbərayən an kədawgəɗ sit mə Israyelɗe: wakəzle walaŋgəleɗe na korgu neti, wakəbey kirin gewleɗ net də masalam, wakəŋkin kirtit kirtiti, wakəbek gil net en də daway.»

Əgilye 10:27

Yaŋ Yawe aɓɓəlan makra Farawən, dəŋger əppet əmbat ɓa.

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Əgilye 14:4

Wanəɓɓəlan makra Farawən, dərɓeget na, wazbeti. Ya wanəgagdakan kiyu aka Farawən də gbogboŋ nan pakə, vasna mə Eziptiɗ wasənnən na, intə Yawe.» Aɗɗaŋgə vaska.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Əgilye 8:19

Wanəkõhgit ɗiy naw səzet ɗiy noko. Sekenes mazayən adarba.»

Əgilye 9:12

Yaŋ Yawe aɓɓəlan makra Farawən, va Yawe anah sən Moyis naka, dəprəm met ɓa.

Əgilye 9:17

Noko, əssa nok mbərayni azet ɗiy nawa, Kəppet əmbat ɓa.

Isaya 34:3

Kazgeti ki gəbeyit ɗiy net afuŋ, mogogoy net waffokoŋgu, mbelit wanzoŋ aket mossorgoɗe gugriɗe.

Isaya 50:11

Nokum, mənokum məs kəsɗanən offo pakə, kəziweŋ vender-vender dit offoɗe mətelti, məddoŋ a gulo na offo nokum, gəm a təki kətalən offoɗe. Də vawi as van agəɗ akokum; wakəmtaŋ addəv əzəmsahã.

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Isaya 9:13

Yas Daya arsla kiya də kutur sə Israyel kiva gogozlo gəm vəlar aka pay taka.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Yeremiya 11:22

Vi vaski Yawe Məzuɓappak anah na: «In yakəŋ əsilyaw aketi. Gewleɗ wamtaŋ a ma masalam, kirtit mezeŋgleket dit muguluŋgit wamtaŋ sən mayã.

Yeremiya 15:3

Tatwãhɗe temtem poɗo nədataw aketi Yawe aɗiymani; masalam wabileti, kirɗe wakdehnin ɓa'ə, mogdokɗe gəm zəgeɗ nawra wazlornin gəm wampirini tutu'u.

Yeremiya 16:4

Əmta damtaŋ sit gbəgbaɗe, kaɗɗay gəlabeyit ɓa, kawndikti ɓa. Wakkpaŋgaŋ ka ba'ar aka dəlvafuŋ. Waggrakaŋ ama masalam gəm sən mayã, kiygəbay net wasan zəga nawzəm net biŋgeɗ na disiŋ gəm zəgeɗ nawra.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 48:15

Mo'ab arayka, məderzehi aket walaŋgəleɗe gugriɗ nani tawkenin gewleɗ guromɗe nan a təki nawtaw wəleti. Məlĩ məs iya nan na Yawe Məzuɓappak aɗiymani:

Yeremiya 49:26

Vini gewleɗ adaskotoŋ aket tiveɗ nani, məzəlpaŋ nan pak wamtaŋ pay dəpaska Yawe Məzuɓappak aɗiymani.

Yeremiya 5:3

Yawe horok tay ɗəhərra ammba ula ədaw təstəs ɓa sa? Kərgeke, ya dəttəmanən azet va zəga ɓa. Kəkgrekke, aɓoŋgoŋguk dawtaf əzga'a. Aɓɓəlanənək heret day ki gərma, aɓoŋgoŋguk dawmilye azoko.

Yeremiya 6:11

Nəknahək də ədagədəv na Yawe nəyək dawɓəsən. Aggbo aket kirin appaka gəm aka əsap net gewleɗi. Karma ɗəf mizilin va gulku, mazza va mazza an kursuk kursuku.

Yeremiya 9:22

Vaŋki Yawe anahə: Məs maɗɗula akan adawkaɓ də maɗɗula nan ɓa! Məs gbogboŋ adawkaɓ də gbogboŋ nan ɓa! Məsarya adawkaɓ də arya nan ɓa!

Hose'a 11:5

Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Yo'el 2:20

An dədazzan sə kəla tapaslay na disiŋ, wanərɓahan səzokum; wanərɓahan aka dələv mukuro gəm kpõkpõhõ, ngaɓa an nabe, kəla pehe, dəmmba pay nampum, ŋgaɓa an na dərɓe, kəla pehe, dəmmba pay na moskoyo; vavrãh nan wagili, əŋgəna nan wagili: Vi aɗɗek zəgeɗ gugriɗe.»

Məsdəlveŋge 26:16

asna an nədawgəɗ sukum yaŋka: Wanəgeslne' gukum də ətara gəm gamba naddakan horokum may navviren zeŋgilokum. Wakəslgannən guli nokum sam mekeleŋ məzuzelɗe nokum dədawzəmnəni.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Amos 8:3

Pay dəpas na, gəlyeŋge neŋgil ana məlĩ da wakkpaŋgaŋ wəhəm na gəlabaya, Yawe Maŋgəlva aɗiymani. Kigəbayɗe waŋɗaŋ ɓa, kazgeti a təki pakə. Təki pak wassan sləɓɓəkə!»

Haggay 2:17

Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.

Əmsak aka Mahenziŋ 28:21

Yawe waggbo' gəbaymərma akok kawzok səka dələv kədawtoŋ adak əmõhən ka nokuŋka.

Əmsak aka Mahenziŋ 28:22

Yawe watarguko, waki wənsla akoko, mamalə, wəzla noffo, koloy, doŋgoyoŋ gəm muŋgusu, wazbokun hã is həhəyə.

Əmsak aka Mahenziŋ 28:60

Wamndeget gəbayɗe mərmaɗe na Eziptə məs kəkkot abet sən geslne, watipeŋ azoko.

Əmsak aka Mahenziŋ 7:15

Yawe watek gbəgbaɗe dit gəbeyɗe mərma na Eziptə daryawɗe səzok məs kəsənə; aki na akok ɓa, waggbo' aket məzuzelkuni.