Amos 3:2 - Bible en Guidar

² «Anokum kaka' nəsən səddəv məlma nammba dələv pakə; vini nədawtaw wən akokum aka mbərayən nokum baymani.»

Amos 3:2 ပူးပေါင်းရင်းမြစ်များ

Va'Atəŋ 10:32

Eskiŋ mahəlfaɗe net kirtin Nuwe, ŋgbimŋgbim aza təl gəla net gəm aza əsap neti. Təŋ Səzetiski əsap net ɗiy awɗak aka dələv sə dərɓaga buwən məvekeveke.

Va'Atəŋ 18:19

Vi nəsənka, waɗi wən nan sit kirtin də gəla nan dərɓagan dəzbanəngən tive na Yawe, də wədaw təstəs məza əmzlah ɓa; vasna Yawe waknahan an anah far sən Abraham.»

Gəlyaɗe 147:19

Tay əboton wən nan sən Yakob, wən net əsərəkɗe nan dit ətawwənɗe nan sən Israyel.

Əgilye 32:34

Ya kakaŋ na, doko! Ake ɗiy a təki nənoh suko, maslay naw yaŋ wambat aboko. Ya pay nədaɗɗum aka wən nan na, asna wanəzge'sit aka mambray neti.»

Isaya 63:19

Məkkpaŋgək va ɗiy məs kəzəm məlĩ nok akam ɗah ɓa, va məyani iya nok akam ɗah ɓa! Va disiŋ kəŋgar kədawprike! Mossorgoɗe wakkereŋ səboko!

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Yeremiya 11:22

Vi vaski Yawe Məzuɓappak anah na: «In yakəŋ əsilyaw aketi. Gewleɗ wamtaŋ a ma masalam, kirtit mezeŋgleket dit muguluŋgit wamtaŋ sən mayã.

Yeremiya 13:21

Mə kədawnah pay adawgayaŋ də is di? Kəsərəkgitik də bayna nok ka kiyko, Kəttəman na tatwãh va guluk məɓay uwa ɓa sa?

Yeremiya 14:10

Aŋki an Yawe anah aket ɗiyəŋki: Vas aŋglaŋ əbbal ɓa, tilit awziw a gəlan ɓa. Ya Yawe tay ənan nek dənɗaŋ ɓa, Ya yaŋ na tay əɗɗumonən mambray neti, watawwən aka heslepe neti.

Yeremiya 9:25

aka Eziptə, aka Yuda, aka Edom, aket kirtin Ammon, aka Mo'ab gəm aket məfaɗ tapasleyit na kapta-muyã baymeti. Vi ɗiy-ɗar pak geyeɗiŋgə, ɗiy na Israyel zək net kpak geyeɗiŋ a məkreti.

Ezekiyel 5:9

Wanəgəɗ suk zəga məs nəgəɗ ɗah ɓa, zəga an məs nəgəɗ na ɗah ɓa nədaɗɗa, aka zəga naɗɗa nok daryaw gbaŋkəŋka.

Ezekiyel 9:6

Ɗəf məsɓani, gawla, gorku, muzliya dit gil pak məbey gərakə; ɗəf məs əver a mirbizin pak kədawzaraŋ azan ɓa, də gəla naw kədawtəŋgəni.» Atəŋnən aket zeli, ɗiy məsɓet naba Gəla na Maŋgəlva neki.

Daniyel 9:12

An kənah naɗɗa akamə gəm aket deyeɗe nam pakə, kəknahanək də wəki tatwãh metiŋgin aka Yerusalem, zeŋvin dəgəɗ ɗah aka dələv ɓa.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Hose'a 5:3

Naw nəsənək Efrayim, wən na Israyel dəɗam azaw ɓa. Adan kakaŋ kəpolkoyonək zuko Efrayim, Israyel pak arnokonək zəni.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Amos 2:4

An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.

Amos 3:3

Ɗiy sula wadawaŋ matak an dəslereŋ ɓa sa?

Amos 6:1

Əray aket ɗiy dədanziyaŋ kiyit foŋgo a Siyon, gəm en dəɗiyən əɗɗum net aka mossorgo metiŋ na Samari! Petmekel an daabəŋ net mahəlfaɗe. Mə Israyelɗe tay əddoŋ akokum!

Mika 2:3

Vini Yawe anahə: Nəzaɓanək tatwãh nawki aka mahəlfa məgəɗ vaska; kəkõhoŋ na ɓa, kədawaŋ na kiykum daŋga ɓa, vi pay an dədazzanəŋka pay na tatwãhi.

Nahum 3:4

Aka wən na wəday net polkoyeɗ nat məpolkoyokə məstetele gaŋgaŋ məs pepet diyɗa awan zəni, ndət məzuvil ɗiy-ɗar dit polkoyeɗ nata, gəm mahəlfaɗe dit teteleɗe nata,

Wəza net Masləŋɗe 17:26

Səza ɗəf taka yi azəmiɗ ɗiy pak dəssoŋgən aka dəlvafuŋ gboŋgu. Səza aziwgin pay nan aɗiya, azi meŋge na təki nassa neti.

Roma 2:9

Əzəm sahã də tatwãh aka ɗəf məgəɗ wəza mbərayən pakə, daabəŋ nani aka mə Yuda, asna aka mə Gərek.

1Korintus 8:3

Ya an ɗəf aŋgluwək Maŋgəlva na, asna Maŋgəlva asənəka.

Əmsak aka Mahenziŋ 10:15

Azet efiŋgiɗuk Yawe abay zən kaŋgluwit kaka'ə; gəm awelkumək mənokum kirtit dərɓeget sə weleŋgit ɗiy pak va dəpaŋkəŋka.

Əmsak aka Mahenziŋ 26:18

Yawe anah suk dəpaŋ na, wakəssoŋ ɗiy nan nawray vani, va aynan suk mani, kərmagən an aɗi naɗɗa pakə,

Əmsak aka Mahenziŋ 32:9

Vi Yawe awelike, ɗiy nanəŋgə, Yakob aɗi ka nawray vani.

Əmsak aka Mahenziŋ 4:32

Kamə assohẽt ɗiy en far daabəŋ kiyko, seza Maŋgəlva azəməɗ ɗəf titir aka dəlvafuŋ, assõh ammba dələv gboŋgu: zəga naɗɗa gərəŋ akan agəɗək ɗah vas sa? Awaniɓa məprəmi zevən ɗah sa?

Əmsak aka Mahenziŋ 7:6

Vi ɗiy salala na va Yawe Maŋgəlva nokum kənanaŋgə; istə Yawe Maŋgəlva nok awel kəsokgən kanan sə weleŋgit ɗiy nammba dəlvafuŋ pakə.

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?