Amos 3:12 - Bible en Guidar

¹² An Yawe anah yaŋka: «Va məzutaɗa adawmõh təl zəga sula awaniɓa metteɓ sləman səma ɓoolu, vas adawmõhnin mə Israyelɗe məs dəssoŋ də gəla a Samari, dəssoŋ aket zəgeɗ nawvoŋ may aket ontoŋɗe kukuɗɗeŋki.»

Amos 3:12 ပူးပေါင်းရင်းမြစ်များ

1Milyeŋge 20:30

En dəmbraŋ ɓak ənzoŋ a Afeki. Yaŋ zlava na walaŋgəla nak aɓəzl aket en mederet dəmbraŋ gabal kaklaw sula kiyən buhulu. Ben-Hadad sən kiyən ɓak ənzan a walaŋgəla-metiŋ, adawɗam addəvit giziŋɗe, kulo' ahã, kulo' ahã'ə.

1Milyeŋge 20:34

Ben-Hadad aɓsən na: «Walaŋgəleɗe gugriɗ en afu amõh səva afukiŋ wanəmndegeti; kəɗigən zəgeɗ nawvəl nok a Damas, va afu aɗi a Samari lahəŋka.» Də wənmiynas nədappok əmbata, yaŋ aynə wənmiyna dəndəni, appan ambatə.

1Milyeŋge 22:25

Mika amna: «Ha'aw! Wakula, pay kədaddok egziŋ ãhã kulo' ãhã kulo' əɗama.»

2Milyeŋge 16:9

Məlĩ na Asiri aprəməka, ndən sən kiyən dəmbat a Damas amohõ, ande ɗiy nadak ake a Kir, ndən bay əbay Resin.

Ester 1:6

Gabagaɗe na helege na ŋgərayã bəbarɗe may en preŋpreŋ, tahəŋ mətokit dit helegeɗ bəbarɗe kukuɗɗe azet ndemeɗ na təbəz babar aket dədəkeɗ na ɗoro; argaŋguɗe na meleŋge gəm na təbəz babar tahəŋ pak pak aka təki məkkəɗən dit gərmeŋge məslmet məzuwiɗeŋgi, bəbarɗe, preŋpreŋgi may tuturɗe.

Ester 7:8

Məlĩ pay sə guli net wəleŋɗe nak əŋgil a təki nawzəma. Haman tay ɓəloho aka zəga nawvoŋ məs Ester təsat akani. Məlĩ amna: «Karmət ma'ãyək vat əmpa karaw əŋgil anawda sa?» Əpel əggrak səma məlĩ ləŋgə məsərətni hara Haman.

Gəlyaɗe 132:3

«Sessel nətoŋna a gizlirke anawda ɓa, sessel nəlna əvoŋ aka zəga nawvoŋ naw ɓa,

Isaya 17:7

Pay dəpaska, ɗəf wakkpaŋgan haran aka an dəzəməɗa, haran wawəl kəlaka Maŋgəlva Salala na Israyel.

Isaya 31:4

Aŋki an Yawe anah suwa: An ɓoolu awaniɓa wət ɓoolu tay əhay ammba zəga nampər nani, awgeslne sən vaŋvəl net məzuteɗeŋɗe məs dərɓəzlaŋ akan ɓa, appan zən sən ərga net ɓa. Vas Yawe Məzuɓappak adawpirken aka mossorgo metiŋ na Siyon gəm aka mossorgo kaɗɗa əgaya.

Isaya 8:4

Vi tak wiyən van dəsəngən ənah na əbba awaniɓa əmma na, kawkani arya na Damas gəm ərah səma əgay na Samari sən məlĩ na Asiri.»

Amos 6:4

Mənokum məvoŋgoŋ aket ɓərzləmeɗ na gozlobekne, may məkəɗəŋgəlaŋ aket antoŋɗe nokum vi kampər botolɗe dit kirit wasli məwelit sə gazlaŋ.

Amos 9:8

Awle, hara Yawe Maŋgəlva tay aka dələv net milyeŋge en dəraygənəni. «Wanəzan səka dəlvafuŋgu, də as pak na, nəzan na gəla na Yakob ɓa, Yawe aɗiymani.