9 Ya naw nəzetik mə Amorɗe səbeti. Mə Amorɗe məs əɓay net va na wəlaŋga na Liban, məs ɓəɓəl net va na wəlaŋga adawyaŋ Elon. Nəzanək uwa net sə disiŋ gəm səwerit sə kəlafuŋ.
Nəprik na, vi kawkõhgit səvet mə Eziptiɗi, kawgilgit səka dəlvəŋ, kawket aka dələv moggon fədiy fədiyə, aka dələv məs moŋvo də amama adawdawaŋ akan lokloku, kəlaka təki net mə Kana'anɗe, na Hitti, na Amori, na Perzi, na Hivvi, gəm na Yebusi.
Vi vaski, va adawzlaŋ tərɗa akoffo awaniɓa kevile, vaski ərəh neti wazlaŋ addəv offo, gebbet waŋgənə, uffuyõ net wammbat til va burɗuku, vi azeleninik mahenziŋ na Yawe Məzuɓappak gəm azeleninik əpel na Maŋgəlva Salala na Israyel.
«Anah na: Vaŋ Daya Yawe anahə: watər sa? Gazla maddaabəŋ aptu na suwerin ɓa sa? Ataw na uwa nan dəŋkəlgən ɓa sa? Ataw na kiyvan an dənduf temtem ka gabban dəŋkəlgən ɓa sa? Vasna əpta nan asoh na də gbogboŋ na va ɗəf ɓa, may ɗiy ŋgboŋ ɓa!
Vi Og məlĩ na Basani kaka' dəpəl səmmbet mə Rafayɗe; zəga nawvoŋ nan na təbzi, anani yi adawlaŋ a Rabba, walaŋgəla net mə Ammonɗe ɓa sa? Zezek nan wagəɗ metər poɗo də mani, slosloprok nan tam gap metər sula.
Yaŋ kan Yosuwa apel sən Yawe aka pay məs Yawe apsit mə Amorɗe sit mə Israyelɗe ammba veti, anah kara Israyel bayman na: «Is paya, aziw aka Gabawən! Is təla tam aka miktik na Ayalon!»