Amos 1:8 - Bible en Guidar

⁸ Wanəkkẽh ɗiy sə Asdod də məs dərma zleŋge na məlĩ na Askelon. Waməskoɓ dit ɗiy na Ekron. Madambirgit mə Filistiɗe wamtaŋgə,» Yawe Maŋgəlva anahə.

Amos 1:8 ပူးပေါင်းရင်းမြစ်များ

2Alabaraɗe Də Mabərkiziti 26:6

Oziyas alək əgay dit mə Filistiɗe: abzlu zlava dətərwəsl ki Gat, ki Yabne gəm an naka Asdod, siske arke walaŋgəleɗe gugriɗ akkiva na Asdot gəm anet mə filistiɗe da.

Gəlyaɗe 81:14

Va ɗiy naw aprəmwəni, va Israyel tay əzban tive nawa,

Isaya 1:25

Yerusalem, wanəkkpaŋ dəzoko: anəskoɓuk də bətuwa, wanətor haramba sə zoko.

Isaya 20:1

Aka əzva məs daya net məzəlpaŋ məs Sargon məlĩ na Asiri aslən agap a Asdod, arəmək makra də Asdod amõhuko.

Yeremiya 47:1

Əpel na Yawe an dəde sən Yeremiya məskəleŋ aka wən net mə Filistiɗe, tak Farawən əgul Gaza ɓa.

Ezekiyel 25:16

Vini, vaŋ Daya Yawe anahə: In yakəŋ ətəl vaw aket mə Filistiɗe, wanəzet mə Keretɗe, wanəzet en dəppaŋ a ma pehe.

Yo'el 3:4

Pay wakkpaŋ guzliyo, təla tam ka mbeli, tak əgap na pay na Daya, pay metiŋgin nawgeslne' səni yi.

Amos 1:7

Wanəslən offo aka zlava na Gaza; dəzlegin gəleɗe nawzəm məlĩ nani.

Amos 3:9

Mətəl ma azet gəleɗe mogget na Asdod gəm naka dələv na Eziptə, mənah na: «Mekkal aket mossorgeɗe gugriɗ na Samari, mula ɗarɗar naddəvən diyɗaŋka, gəm əzəmsahã an dədaɗɗa addəvən.»

Obadya 1:18

Kirtin Yakob wassoŋ va offo kirtin Yosef wassoŋ va hərzləm offo, ya kirtin Esaw wassoŋ va tərɗa, wazletini, wazetin kuɗupu, məza mbəkaŋ ɗəf madaran tətaka na Esaw ɓa. Vi Yawe dəpeli.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Zakarya 9:5

Aza ulan kaka'ə, Askelon wageslne'i, Gaza wakker diyɗa, wil wadanən Ekron vi əbbah nan tay ɓa. Kawzani məlĩ na Gaza, kassay də gəla a Askelon ɓa.

Zakarya 9:6

Sulomɗe nassoŋ də gəla a Asdod, vas nədawzan wəkaɓ net mə Filistiɗe.

1Samiyel 6:17

Wəŋɗa net məskaɗe na meleŋge məs mə Filistiɗe apsənən Yawe a gəla mambray net yeŋki: taka na walaŋgəla na Asdod, taka na Gaza, taka na Askelon, taka na Gat, taka tam na Ekron.