Amos 1:4 - Bible en Guidar

⁴ Wanəslən offo aka gəla na Hazayel, offo van wazla gəla na məlĩ Ben-Hadad.

Amos 1:4 ပူးပေါင်းရင်းမြစ်များ

1Milyeŋge 19:15

Yawe aɓsən na: «Amndok dəka tive nok nawmbat kəla kapta-muyã na Damasə. An kəgapəka, Kəpeslgən mẽl aka Hazayel, ka məlĩ aka Aram.

2Milyeŋge 13:25

Yo'as, wətən Yohakaz, amohĩk walaŋgəleɗe gugriɗ en Ben-Hadad wətən Hazayel amõh lahəŋ səva Yohakaz, afəni. Yo'as, askak wəla Ben-Hadad təl hoku, amndegetik walaŋgəleɗe na Israyel pakgiti.

2Milyeŋge 13:3

Gədəv Yawe adək aka Israyel diyɗa, appanək ammba va Hazayel məlĩ na Aram gəm ammba va Ben-Hadad, wətən Hazayel pay pakə.

2Milyeŋge 6:24

Dərɓaga asna, Ben-Hadad məlĩ na Aram, akkeletik məzəlpaŋ nan pakə, al əsərŋgəsl Samari.

2Alabaraɗe Də Mabərkiziti 16:2

Asa andək təbəz babar gəm meleŋge səra ərəh naddəv gəla na Yawe gəm an nana məlĩ da, aslən a Damas, sən Ben-Hadad məlĩ na Aram, də ənah sən amban na:

Yeremiya 17:27

An kəprəmwən ɓa, kəgagdakanən pay naffet ɓa, kəkiyaŋgək zəga nawsla kəla maddambeɗe na Yerusalem pay naffet na, asna wanəɗi offo sit maddambeɗe nani. Wazle gəleɗe lelewɗe na Yerusalem, amtə na ɓa.

Yeremiya 49:27

Wanəɗi sən offo sən zlava na Damas; wazəm gəla na məlĩ na Benhadad.

Ezekiyel 30:8

Wasənnən na intə Yawe pay nədawɗi offo sən Eziptə, məzəbbahaŋ sənən pak kawzeti yi.

Ezekiyel 39:6

Wanəslən offo aka Magog gəm aket ɗiy dəssoŋ aket mətuwəraɗe fendeŋgi; wasənnən na intə Yawe.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Amos 1:10

Wanəslən offo aka zlava na Tir; dəzlegin gəleɗe nawzəm məlĩ nani.»

Amos 1:12

Wanəslən offo a Teman; dəzlegin gəleɗe nawzəm məlĩ na Bosra.»

Amos 1:14

Wanəsɗa offo sən zlava na Rabba; dəzlegin gəleɗe nawzəm məlĩ nani, addəv vaŋvəl nawgay pay nalpa, addəv buwən də səmyã pay na barkataŋ.

Amos 1:7

Wanəslən offo aka zlava na Gaza; dəzlegin gəleɗe nawzəm məlĩ nani.

Amos 2:2

Wanəslən offo aka Mo'ab, wazim gəleɗe mogget na Keriyot. Mo'ab wamtə addəv hoyohoyo diyɗa, addəv vaŋvəl nawgaya may ɓaɓəlma gozloro.

Amos 2:5

Wanəslən offo aka dələv na Yuda; wazim gəleɗe mogget na Yerusalem əŋki.»

Mətawaŋwəna 9:57

Vas Maŋgəlva amndagan sit mbərayən net ɗiy na Sikem bayman aketi. Mefɗeke na Yotam wətən Yerub-Ba'al armeninke.