Amos 1:3 - Bible en Guidar

³ An Yawe apel yaŋka: «Aka əɓoŋ an ɗiy na Damas aɓoŋgoŋ ɗayɗayəŋ na, nəppan na wən an nəziwgin ɓa, vi andepetinik ɗiy na Galad də təbəz nawziyan təkiya

Amos 1:3 ပူးပေါင်းရင်းမြစ်များ

1Milyeŋge 19:17

Ɗəf an dəlkõh səma masalam na Hazayel, Yehu wabaya, ɗəf dəlkõh səma masalam na Yehu pak Elisa wabaya,

2Milyeŋge 13:3

Gədəv Yawe adək aka Israyel diyɗa, appanək ammba va Hazayel məlĩ na Aram gəm ammba va Ben-Hadad, wətən Hazayel pay pakə.

2Milyeŋge 13:7

Məzəlpaŋ tahəŋ dəppaŋ sənən Yohakaz, abbər kiyit məpeŋgeŋ pilseŋge kaklaw sle'i, mawteɗ nawgay kəlawə, gəm məzəlpaŋ mədawaŋ də tilit gabal kəlaw ɓa, vi meɓɓet pak məlĩ na Aram azetike: akkpeŋgetik va burɗuk nawndapani.

2Milyeŋge 16:9

Məlĩ na Asiri aprəməka, ndən sən kiyən dəmbat a Damas amohõ, ande ɗiy nadak ake a Kir, ndən bay əbay Resin.

2Milyeŋge 8:12

Hazayel amna: «Vimi daya naw adawhəm di?» Elisa azlan sən na: «Vi nəsənək mbərayən an kədawgəɗ sit mə Israyelɗe: wakəzle walaŋgəleɗe na korgu neti, wakəbey kirin gewleɗ net də masalam, wakəŋkin kirtit kirtiti, wakəbek gil net en də daway.»

Ɗerewel na Yob 19:3

Agəɗək təl kəlaw kədarawən yaŋka. Wil adukumənən dawraw ɓa sa?

Ɗerewel na Yob 5:19

Wakõhguk səddivit tatwãhɗe pay pakə. Əgrak nan na əray aruhuk na ɓa.

Wənməkkpaŋga 6:16

Zəgeɗ tahəŋ sləre məs Yawe azeli, gəm buhul məs daryawɗe arani.

Məsmaɗula 11:2

Azaɓet deleɗ nok gap gəlet buhul də dədopoɗo, vi kəsən mə tatwãh miy dədazzan pumo aka dəlvafuŋ di ɓa.

Isaya 28:27

Arganən teɓ də tandaŋ ɓa; aŋgriwnin kirtin meslene də wət buwən ɓa. Dət zlaŋki adattusun mehẽyĩt teɓi.

Isaya 41:15

Awla nəɗikuk va mawta narga haya, məs slayən meleketeni. Wakəsir mossorgoɗe gugriɗe, wakətekeɗe, wakəkkpeŋget mossorgoɗe va eslesle.

Isaya 7:16

Tak wiyən van dəgapgən nawsən əzel mbərayən gəm əwel moggon na, ɗiy naket dəlveŋge sula məs kədawgeslne' sit milyeŋge net nak wappanəni.

Isaya 7:8

Vi ki Aram na Damasi, ki Damas na Resin; addəv wəzva kaklaw sləre kiyən sle' abeŋ na ɗiy wassoŋ addəv Efrayim ɓa.

Isaya 8:4

Vi tak wiyən van dəsəngən ənah na əbba awaniɓa əmma na, kawkani arya na Damas gəm ərah səma əgay na Samari sən məlĩ na Asiri.»

Amos 1:11

An Yawe apel yaŋka: «Aka əɓoŋ an ɗiy na Edom aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi arɓahanək məlmən də masalam appanək ulasahã nani arbanək ədagədəv nan məza agrak ɓa. Asanək dit herɗe nan məza meŋge ɓa.

Amos 1:13

An Yawe apel yaŋka: «Aka əɓoŋ an ɗiy na Ammon aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi abekinik gil na Galad də daway vi kazlzleten dələv neti.

Amos 1:6

An Yawe apel yaŋka: «Aka əɓoŋ an ɗiy na Gaza aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi asimgitinik ɗiy diyɗa appet sitin Edom.

Amos 1:9

An Yawe apel yaŋka: «Aka əɓoŋ an ɗiy na Tir aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi asimgitinik ɗiy diyɗa appet sitin Edom. Dəɗɗumoŋ aka wənmiyna na məlma ɓa.

Amos 2:1

An Yawe apel yaŋka: «Aka əɓoŋ an na Mo'ab aɓoŋ təl hoku gəm aka əɓoŋ poɗo, nəppan na wən an nəziwgin ɓa, Vi azlek sleŋsleŋɗe na məlĩ na Edom ka ɗama.

Amos 2:4

An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.

Amos 2:6

An Yawe apel yaŋka: Aka əɓoŋ an Israyel aɓoŋ təl hoku gəm aka əɓoŋ poɗo, nəppan na wən an nəziwgin ɓa: vi avilinik ɗiy en təstəs ammbet koɓeɗi, məzuray tam ka hensek təl ɗəf taka.

Zakarya 9:1

Ətəlma. Əpel na Yawe adek aka dələv na Hadrak gəm a Damas təki an aziwi, vi hara Yawe tay aka ɗəf titir pak gəm aket mahəlfaɗe na Israyel pakə.

Zakarya 9:2

Gəm aka dələv na Hamat meggeni, də Tir gəm Sidon, vi maɗɗulet tay diyɗa.