Amos 1:13 - Bible en Guidar

¹³ An Yawe apel yaŋka: «Aka əɓoŋ an ɗiy na Ammon aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi abekinik gil na Galad də daway vi kazlzleten dələv neti.

Amos 1:13 ပူးပေါင်းရင်းမြစ်များ

2Samiyel 12:31

Agilgitik ɗiy en naddəvən azi əɗɗa wəza dit slohoŋɗe nantar wəleŋɗe, təbəzɗe nawziyan təkiya gəm zlimbeɗi. Akek əbay menekeɗe. Vaski adaɗɗa dit walaŋgəleɗe gugriɗ net mə Ammonɗe meɓɓet pakə. Davit amndanək dit məzəlpaŋ nan pak a Yerusalem.

2Milyeŋge 15:16

Vasna, Menahem, awak sən Tifsa, abey ɗiy naddəvən pakə, azəm kiyva nan pakə, təŋ sə Tirsa; vi dəkolnən memeŋgle na walaŋgəla-metiŋ səban ɓa, abekik gil dədawayɗe nadak pakə.

2Milyeŋge 24:2

Yawe aslin ngaɓeɗ net mə Kaldiyeɗi, net mə Aramɗe, net mə Mo'abɗe, net mə Ammonɗe, ake aka Yuda vi kawzan va əpel na Yawe anah də met məɗɗaŋ wəza nan məskəleŋɗe.

2Milyeŋge 8:12

Hazayel amna: «Vimi daya naw adawhəm di?» Elisa azlan sən na: «Vi nəsənək mbərayən an kədawgəɗ sit mə Israyelɗe: wakəzle walaŋgəleɗe na korgu neti, wakəbey kirin gewleɗ net də masalam, wakəŋkin kirtit kirtiti, wakəbek gil net en də daway.»

2Alabaraɗe Də Mabərkiziti 20:1

Siske na, mə Mo'abɗe dit mə Ammonɗe gəm mə Ma'onɗe azet sap azzoŋguk əgay də Yosafat.

2Alabaraɗe Də Mabərkiziti 20:10

Ya gəgaŋ na, mə Ammonɗe, may mə Mo'abɗe gəm ɗiy mossorgo metiŋ na Se'ir məs kətak met mə Israyelɗe dawtoŋ anetda sə dərɓaga əgulyo net sə Eziptə nak yeŋki, adan amzləhaŋgək səket məza dəzetin ɓa!

Nehemi 2:19

Adan may Sanballat mə Horon, də Tobiya mə Ammon ɗəf naka wəza gəm mə Arab adawyaŋ Gesem aprəmən na, yaŋ amasaŋ akamə; adawlaŋ azam də əzelemə, yaŋ aɓɗaŋ na: «Mə zəga miy aŋ kədaɗɗaŋgəŋ di? Aka məlĩ kədawɓoŋgoŋ sa?»

Gəlyaɗe 83:7

Ɗiy na Edom dit mə Ismayelɗe, en na Mo'ab dit kirtət Hagar,

Isaya 5:8

Əray azet ɗiy en məzəzlzletenin gəla aza mbərən məsapanən guli aza gulyo! Hã gap təki tay ɓa, ndəɗaŋgə kaka dəssoŋ addəv dəlva.

Yeremiya 25:21

Sit mə Edomɗe, sit mə Mo'abɗe gəm sit mə Ammonɗe.

Ezekiyel 21:28

Wawlanən azet va helig nawwa wən ɗarə: ndəɗaŋ məs dəswayaŋgə. Nan tay əɗɗumon sit əmpa na, karmeti aka heslepe neti.

Ezekiyel 25:1

Əpel na Yawe ade suwək dawnəh na:

Ezekiyel 35:10

Vi kənahək na: “Vanday naket dəlveŋge na guw sula gəm dəlveŋge suleŋ wassoŋ suwəni, wanəgim ka nawa,” ya mbara na Yawe tay aŋka.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Amos 1:3

An Yawe apel yaŋka: «Aka əɓoŋ an ɗiy na Damas aɓoŋgoŋ ɗayɗayəŋ na, nəppan na wən an nəziwgin ɓa, vi andepetinik ɗiy na Galad də təbəz nawziyan təkiya

Əmsak aka Mahenziŋ 2:19

Kəgapgən dakadaka də dələv net mə Ammonɗe, kədawrəŋgit ɓa, kədawgay dənɗaŋ ɓa; vi zəga tay nədapsuk səka dələv net kirtin Ammon ɓa, vi sit kirtin Lot nəpsit ka neti.»