Əgilye 8:20 - Bible en Guidar

²⁰ Yawe aɗɗak vaska. Bembirɗe azzoŋguk gədak addəv gəla na Farawən, addəv gəleɗe net məɗɗaŋ wəza nani gəm aka dələv na Eziptə pakə; dələv arayək viyit bembirɗe.

Əgilye 8:20 ပူးပေါင်းရင်းမြစ်များ

Gəlyaɗe 105:31

Maŋgəlva peli, yaŋ ɓaɓaramɗe dit birteŋɗe awaŋ aka dələv net pakə.

Gəlyaɗe 78:45

Aslənik bembirɗe aketi, ahertini, eŋgeleŋɗe araygənənək dələv neti;

Əgilye 2:5

Yaŋ wətən Farawən təprik kaslslay a Nil, gorɗeŋge nammbat tam azbanən ma məlpa. Ndət təm keggəl addəvit vəlarɗe, yas təslənət balamək nat əgəmən.

Əgilye 3:18

Waprəmən moko, kətoŋgoŋgən, ana məlĩ na Eziptə da, isi, gəm ɗiy məsɓet na Israyel; kənahaŋ sənəngən na: Yawe, Maŋgəlva net mə Ibriɗ, arbanək zən azamə; ya kakaŋ na, kamə, mam aka əmbat malaka nasɓəta hoku aka ədaw a kapta-muyã, ətaw wəla zəga nawzaɓ-Maŋgəlva sən Yawe, Maŋgəlva namə.

Əgilye 4:23

nənah sukuk na: Appan wətu dəmbat əgəɗ su wəza, yaŋ kəɓoŋ dappan əmbata! Ya asna wanəbay wutuk uwa maddaabəŋ noko.»

Əgilye 5:1

Sissiŋgi may Moyis də Aron azzoŋ anah sənən Farawən na: «Yaŋ an Yawe Maŋgəlva na Israyel anahə: Appet ɗiy naw dəmbataŋ wəɗɗa əzləra a kapta-muyã aka iya nawa.»

Əgilye 5:3

Aɓɗaŋ na: «Maŋgəlva net mə Ibriɗe arbanək zən azamə; kamə appam əmbat malaka nasɓəta hoku aka ədaw a kapta-muyã, kawzaɓ-Maŋgəlv sən Yawe, Maŋgəlva namə, an vaski ɓa na wabayəm də gəbay merma awaniɓa də masalam.»

Əgilye 7:15

Alvəɗ aza Farawən pumu, pay adawgilyen əmbat a met iŋkile. Aziw kələmsəngən a mabuzgum na Nil. Zleŋge məs dəkkpaŋ dohõ əŋ, kəgəmgən avoko.

Əgilye 8:1

Yawe aɓsən Moyis na: «Anah sən Aron na: Atəl vok də zleŋge nok aket məlpeŋge, lolohẽɗi gəm aket bobokɗe, agilgit eŋgeleŋɗe aka dələv na Eziptə.»

Əgilye 8:21

Farawən ayek may Moyis də Aron, aɓsit na: «Məddoŋ məzaɓ-Maŋgəlva sən Maŋgəlva nokum aka dələv aŋka!»

Əgilye 9:13

Yawe aɓsən Moyis na: «Asil pumu, dok aziw aba Farawən. Kənah səngən na: An Yawe, Maŋgəlva net mə Ibriɗ anah yaŋka: Appet ɗiy naw dəmbataŋ əgəɗ su wəza.