Əgilye 7:17 - Bible en Guidar

¹⁷ An Yawe anah yaŋka: Aza aŋki kədawsənən na, intə Yawe: Awla, wanirge iŋkile də zleŋge na vawa, iŋkile na Nil wakkpaŋgaŋ mbeli.

Əgilye 7:17 ပူးပေါင်းရင်းမြစ်များ

1Milyeŋge 20:28

Ɗəf na Maŋgəlva zar go'o, aɓsən məlĩ na Israyel na: «Vaŋ Yawe anahə: Adan mə Aramɗe anahaŋ na: Yawe Maŋgəlva naket gərmeŋge yi, na təki məpəlayya yi ɓa, va wəday net adayaŋgəŋ pak wanipsuk ammba voko, vasna wakəsənnən na, intə Yawe.»

2Milyeŋge 19:19

Ya kakaŋ na, Yawe Maŋgəlva namə, akõhgəm səvani kamə, kiyva net milyeŋge naka dələv pak wasunkun na, istə Yawe Maŋgəlva kaka'ə.»

Gəlyaɗe 105:29

Akkpaŋgetik iŋkile net ka mbeli, abeyik kilfeŋge neti.

Gəlyaɗe 78:44

Akkpeŋgetik məlpeŋge net ka mbeli gəm məŋkparaɗe net vi adawsaŋ ɓa.

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Gəlyaɗe 9:16

Ɗiy na guw agəkaŋgək addəv vov aso'oŋgu, tilit arəmək aka bizwil məs aɗamanəni.

Əgilye 1:22

Farawən aɗi wən nan sit ɗiy pak də wənah na: «Wiyin muwan pak məzgan a Nil, waŋ pak na, məppat madarata!»

Əgilye 10:2

vi kəboton səngən wutuko, gəm sən wətən wutuk va mbar nəsmenyet mə Eziptiɗ dit sesergeɗe naw nəgəɗ aweleŋtiŋ di. Wakəsənən na, intə Yawe.»

Əgilye 4:9

Ya, an dətefnin sekeneɗ sules ɓa, dəprəmən mok ɓa, kəmbaɗgən iŋkile na Nil, kəggbo'gin aka dələvafuŋ; iŋkile kədawmbaɗ sə Nil əŋki, wakkpaŋgaŋ ka mbel aka dəlvafuŋ.

Əgilye 5:2

Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Əgilye 7:20

May Moyis də Aron aɗɗanənək va Yawe aɗi sit wən nani, yas aslan zleŋge arge iŋkile na Nil a mahara Farawən gəm a maheret məɗɗaŋ wəza nani, iŋkile na Nil pak akkpaŋgaŋgə mbeli.

Əgilye 7:5

Vasna mə Eziptiɗ wasənən na, intə Yawe, pay nədappar vaw aka Eziptə; nədawgilgit mə Israyelɗe sə weleŋti.»

Ezekiyel 25:17

Wanəmpəlkiya metiŋgin aketi, wanərbə sit net herɗe; wasənnən na, intə Yawe, pay nədampəlkiya naw aketi.

Ezekiyel 29:9

Dələv na Eziptə warayə, wasan kiməskiya; kawsənni na, intə Yawe. Vi anahək na: Nil nawi yi, intə nəɗɗa.

Ezekiyel 30:19

Wanətawwən temtem a Eziptə, wasənnən na, intə Yawe.»

Ezekiyel 30:8

Wasənnən na intə Yawe pay nədawɗi offo sən Eziptə, məzəbbahaŋ sənən pak kawzeti yi.

Ezekiyel 32:15

Pay nədawraygən dələv na Eziptə va kapta-muyã, pay nərɓehet ɗiy dəknəhnən səkan də əbey ɗiy nakan pakə, wasənnən na intə Yawe.

Ezekiyel 32:6

Wanəlɓan dəlvafuŋ dit mbel nok dədaymaŋ səzok aket mossorgoɗe gugriɗe, lõlõhẽɗ waknəhaŋ də isi.

Ezekiyel 38:23

Wanərban mẽmẽtiŋ nawa, wanərban salala nawa, wanərban zu a maheret ɗiy-ɗar diyɗa, wasənnən na, intə Yawe.»

Ezekiyel 39:28

Ya wasənnən na intə Yawe, Maŋgəlva neti, vi dərɓaga wəket aka balam anet ɗiy-ɗar da na, wanəsepet aka dələv net tusso, nəpəl na səzet adak əmpa ɓa.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 5:21

Mərɓahni faraɗa sə weleŋgit ɗiyi, makran kpaŋ va net zəgeɗ nawra. Ataɗək dit Korɗe nawra, azəmək kevile va net wasliɗe, minɗe aziyaŋgək akani, hã gap ataf na Maŋgəlva Məsəɗəɗə yi daya aka məlĩ net ɗiyi, tay əɗi ɗəf an aŋgəl pak aka məlyã.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Hənhən 11:6

Net tahəŋ də gagdak namsan ma disiŋ, buwən adawzi kof aka pay məs kəleŋ net atak ɓa. Tahəŋ də gagdak nakkpeŋget iŋkile ka mbeli gəm narga dəlvafuŋ dit gəbayɗe təl ɓəɓay gba va aŋglaŋgə.

Hənhən 8:8

Maslay masula'ən affonək gozloro nani: Yaŋ agəɗ va kəɓəs na mossorgo metiŋgin dərəm offo, yaŋ məzgan a pehe. Taka səddəv əprasl hoku na pehe kpaŋ mbeli.