Əgilye 5:21 - Bible en Guidar

²¹ Aɓsitin na: «Yawe dula dətawgən wən nani, aka wən akokum, Farawən dit məɗɗaŋ wəza nan met tay aka uləm ɓa; an kəɗɗaŋgəŋ na, as əpsit masalam avet nawbaymi.»

Əgilye 5:21 ပူးပေါင်းရင်းမြစ်များ

Va'Atəŋ 16:5

Saray təɓsən Abram na: «Istə kiwən na wera adawrawən əŋka. Intə nəpsukut balamək naw aɓɓoko. Adan təɗi daway na, tawlu va zəga arat ɓa. Yawe dədawtawan wənəŋ aka walaŋgəm də isi!»

Va'Atəŋ 31:53

Maŋgəlva na Abraham də Maŋgəlva na Nahor dətawan wən nam də isi.» Ndəni yi Maŋgəlva na afiti. Yakob aswayək də məgeslne'gən Isak, afəni.

Va'Atəŋ 34:30

Yakob aɓsit may Simeyon də Levi na: «Kəkiyaŋ səwənək əray abet ɗiy naka dəlvəŋka, mə Kana'anɗe dit mə Perziɗe pakə. Ŋgbəra'a mənan aret ɗarə, wakkalaŋ akaw kawbaywəni, kawzawiy in də gəla naw pakə.»

2Samiyel 10:6

Mə Ammonɗe təm ulanən na, arayaŋgək ama hara Davit, mə Ammonɗe slən a Aram na Bet-Rehob gəm a Soba ənda məzəlpaŋ də tilit gabal kaklaw sula nawfaɗsiti, məzəlpaŋ na məlĩ Ma'aka zel gabalə, zel na Tob gabal kəlaw kiyən sula.

1Alabaraɗe Də Mabərkiziti 19:6

Adan mə Ammonɗe awlanən na, tahəŋ law ama hara Davit ɓa, Hanun dit mə Ammonɗe agəmaŋ təbəz babar kilo gabal kaklaw hoku, nalbəh mawteŋge nawgay dit məpeŋgeŋ pilseŋge, səvet ɗiy na Aram na Weleŋgit-Məlpeŋge, mə Aramɗe na Ma'aka gəm na Soba.

Əgilye 14:11

Apsənən Moyis na: «Magamasɗe dəkkpapaŋ sə Eziptə, kəkiyəm məmtəgən a kapta-muyã sa? Miy aŋ kəgəɗ səm dawgilgəm sə Eziptə əŋdi?

Əgilye 15:24

Ɗiy aɓuhənək met aka Moyis dawnahaŋ na: «Miy mədawsa kandi?»

Əgilye 16:2

A kapta-muyã na, wəsap net mə Israyelɗe pak aɓuhuk man aket may Moyis də Aron.

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

Əgilye 5:20

Yas agepin may Moyis də Aron tahəŋ ziwziw kawləm sit gala adawgilyoŋ səza Farawən.

Əgilye 6:9

Vaski Moyis apel sit mə Israyelɗe, ya dəprəmən ma Moyis ɓa, vi wəgəsa nawɓəs net gəm wəza ɓəɓəl na balam neti.

Məsmaɗula 10:1

Zikɗeɗ mimtit awvavrahanən gəm awraygənən mẽl moggon na mədə tursan. Zəga na dərwa siɗikke waraygən maɗɗula gəm gagdaka.

Isaya 30:6

Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.

Yo'el 2:20

An dədazzan sə kəla tapaslay na disiŋ, wanərɓahan səzokum; wanərɓahan aka dələv mukuro gəm kpõkpõhõ, ngaɓa an nabe, kəla pehe, dəmmba pay nampum, ŋgaɓa an na dərɓe, kəla pehe, dəmmba pay na moskoyo; vavrãh nan wagili, əŋgəna nan wagili: Vi aɗɗek zəgeɗ gugriɗe.»

Əŋɗa 14:22

taka tay səmmbet ɗiyiŋ dulanən gagdak naw may sekeneɗ naw məs nəgəɗ a Eziptə gəm a kapta-muyã, məs dulanən nazaw təl kəlaw məza əprəm maw ɓaŋka,

Əŋɗa 14:3

Kami Yawe akiyəm aka dəlvəŋ kamta sən masalam di? Karmeti gil nam dit kirtəmə. Dəɗah səm əmnda a Eziptə ɓa sa?»

1Samiyel 13:4

Mə Israyelɗe pak aprəmənək na, Sawlu abayək ŋgaɓa net məzəlpaŋ net mə Filistiɗe ndəni mə Israyelɗe tahəŋ lew aret mə Filistiɗe ɓa. Yaŋ zel nalpa akkalaŋ aza Sawlu a Gilgal.

1Samiyel 27:12

Akis appanək makran sən Davit, dawnəh na: «Davit akkpaŋgək mbərayən a maheret ɗiy nan mə Israyelɗe. Vasna wasan su faɗ aka wəza nawa.»