Əgilye 40:13 - Bible en Guidar

¹³ Kəgulgən lukutɗe na matuya sən Aron, kəppay səngən mẽlẽ, kəpeslgin dəɗɗa sugən wəza na məsdəlva.

Əgilye 40:13 ပူးပေါင်းရင်းမြစ်များ

Əgilye 28:41

«Kəgul səngən lukut sən Aron məlmuko gəm sit kirtin dəndəni, kəppay sitgən mẽl na mahenziŋ, kəɗigən aka wəza, apesle, dəɗɗaŋgən wəza na məsdəlva.

Əgilye 29:7

sissiŋ kəgəmgən mẽl na mahenziŋ, kəman səngən akani, kəppay səngəni vi kawpeslin.

Əgilye 40:14

Kəkiygin kirtin go'o kəgul sitgin lukutɗe mə gəŋtəŋgeɗi.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Məsdəlveŋge 7:35

Aski haran na Aron gəm haran net kirtin səddəv əvəl nawzla kurmbuɗuk sən Yawe, təŋ səza mərbet vi kaɗɗa wəza na məsdələv aba Yawe,

Məsdəlveŋge 7:36

an Yawe aɗi wən nan napsiti yi, təŋ səza əɗi net aka wəza də əppay sit mẽl aweleŋgit mə Israyelɗe; as mahenziŋ məs adder ɓa vikumi, wasan faɗə.

Məsdəlveŋge 8:13

Moyis akiyik kirtin Aron, agul sitik parmeleɗi, aynan sitik dedeket də maslapa gəm aɗupsitik kulpup na məsdələv aketi, va Yawe aɗi wən nan sən Moyis.

Yohanna 17:19

Nəppanək zu suk ammbeti vi dəsoŋgən məppanən zit suk ammba gegesiŋ.

Yohanna 3:34

Vi ɗəf an Maŋgəlva aslənə, əpel na Maŋgəlva adawpele vi apsənək Əmpəs nan meza meŋge ɓa.

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

1Yohanna 2:20

Ya nokum, kərahaŋ Zeŋgile Salala səza Kristu, ndəni kəsənaŋ gegesiŋ baymokum.

1Yohanna 2:27

Ya nokum Zeŋgile Salala məs kərahaŋ səvanəŋ dəsan a makrokum, wəray tay ɗəf dərbə sukumgən zəga ɓa, adan Əmpəs nan tay əyogokum aka zəga pakə, ya gegesiŋgi awa wən ɓa. Məssoŋ addəvən va ayagan sukum.