Əgilye 4:5 - Bible en Guidar

⁵ «Vi dətafəngən na, Yawe, Maŋgəlva net afiŋgiɗit arbanək zən azoko, Maŋgəlva na Abraham, Maŋgəlva na Isak, Maŋgəlva na Yakob.»

Əgilye 4:5 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 18:1

Yawe arbanək zən aza Abraham ammbet wəleŋɗe adawyaŋ na, Elon na Mamre, tay ɗewwe ama gizlirke aka tataŋpaya.

Va'Atəŋ 26:2

Yawe arbanək zən azani, aɓsən na: «Kəprik a Eziptə ɓa, asok aka dələv məs nədarbə suko.

Va'Atəŋ 28:13

Yawe yaŋ ziwwe a disiŋ kini amna: «Intə Yawe Maŋgəlva na afuk Abraham, Maŋgəlva na Isak. Dəlvafuŋ kəvoŋ akanəŋka, wanəpsuk də mazlalwõko.

Va'Atəŋ 48:15

Aɓuhma sən Yosef amna: «Maŋgəlva məs afiŋgiɗu, Abraham də Isak adawaŋ abani, Maŋgəlva məs dətaɗu səza məwu hã gap dəpaŋkəŋka,

Va'Atəŋ 48:3

Yakob anah sən Yosef na: «Maŋgəlva Məzuɓappak arbanək zən azaw a Luz aka dələv na Kana'an, azaɓawəka.

1Milyeŋge 18:36

Adan Pay nawvəl agapə, məskəleŋ Eliya azarək go'o, amna: «Yawe Maŋgəlva na Abraham, na Isak gəm na Israyel, aɗɗa, dəsənkungən dəpaŋ na, istə Maŋgəlva a Israyel, gəm intə məgəɗ wəza noko, dəka əpel noki yi, nəɗɗe zəgeɗiŋ pakə.

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

Əgilye 19:9

Yawe aɓsən Moyis na: «Awle, wanəde azok addəv slay buna, vi ɗiy dəprəmnəngən gala nədawpel də isi ka dətafnəngən wən nok hã faɗə tamə.» Yaŋ Moyis aboton əpel net ɗiy sən Yawe.

Əgilye 3:15

Maŋgəlva anah sən Moyis əmpa na: «Yaŋ an kədawpel sit mə Israyelɗe: Yawe, Maŋgəlva net afiŋgiɗkum, na Abraham, Maŋgəlva na Isak, Maŋgəlva na Yakob, dəslənu azokum. Aski iya naw faɗə, vaski adakkamawən aza va sayit ɗiy asani.

Əgilye 3:16

Doko, akkelet ɗiy məsɓet na Israyel, anah sit na: Yawe, Maŋgəlva net afiŋgiɗkum, Maŋgəlva na Abraham, na Isak, na Yakob, dərban zən azaw, dawnah su na: Nətoŋ addəv wən nan ambokum na, aka an məgəɗ sukum a Eziptə yi,

Əgilye 3:18

Waprəmən moko, kətoŋgoŋgən, ana məlĩ na Eziptə da, isi, gəm ɗiy məsɓet na Israyel; kənahaŋ sənəngən na: Yawe, Maŋgəlva net mə Ibriɗ, arbanək zən azamə; ya kakaŋ na, kamə, mam aka əmbat malaka nasɓəta hoku aka ədaw a kapta-muyã, ətaw wəla zəga nawzaɓ-Maŋgəlva sən Yawe, Maŋgəlva namə.

Əgilye 3:4

Yaŋ Yawe awla na, tay əkkpaŋ kawla, Maŋgəlva ayak səddəvit gaslambeɗi: «Moyis! Moyis!» Amna: «In yakəŋkə!»

Əgilye 3:6

Yaŋ amna: «Intə Maŋgəlva na afuko, Maŋgəlva na Abraham, Maŋgəlva na Isak, Maŋgəlva na Yakob.» Moyis aɗamanək harani, vi tay əgeslne' dawla Maŋgəlva.

Əgilye 4:1

Moyis azlanəka: «Ya awle! Watafən wən naw ɓa, waprəmən maw ɓa. Vi wanahaŋ na: Yawe dərban zən azok ɓa!»

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

Əgilye 4:4

Yawe anah sən Moyis na: «Atəl voko, arma kuturun.» Moyis atələk vani, armaka: dohõ nak kpaŋ zleŋge ammba vani.

Isaya 7:9

Vi ki Efrayim na Samari yi, ki Samari na wətən Remalya yi; an ətaf nokum tay ɓəlɓəl ɓa na kəziweŋ na ɓa.

Yeremiya 31:3

Sə faraɗa Yawe arban zən azawa; amna, nəŋglukuk va nəŋgluwuk farə, vini nədawŋgəlsuk moggoni.

Yohanna 11:15

Ya zu neki ammbokum adan in tat adak ɓa, vi kətafaŋgəni. Asna, məndam azani.

Yohanna 11:42

Nəsənka is tat əprəm maw pay pakə, ya nənah vasna vi ɗiy məs ziwziw tərwəsləŋ dətafəngən na istə kəslənwa.

Yohanna 20:27

Yaŋ aɓsən Tomas na: Atəl pərəŋ vok aŋka. Awla vawa, atəl voko, agul aka təkzləmwa, apan ənzla ma, atafə.

Yohanna 20:31

Məverit eŋ vet na vi kətafəngən na Yesu iyi Kristu Wətən Maŋgəlva, gəm vi kərəhaŋgən zeŋgile addəv iya nan də ətaf vani.

Yohanna 5:36

Ya naw məzuwe naw tay dayki an na Yohanna: Wəzaɗe məs Afu avayəŋ vi nəɗɗegəni, wəzeɗe məs nəgəɗ veti, ndəɗaŋ vet dədawpeleŋ akaw na Afən dəslənwa.

Wəza net Masləŋɗe 7:2

Etiyen azlanəka: Milmiŋgiɗu dit efiŋgiɗwa, məprəma, Maŋgəlva məs də gagdak arbanək zən aza afəm Abraham aka asan a Mesopotami tak əssa nan a Karan də gəla.

Ibriɗe 11:16

Gesiŋ nan na, ammba dələv moggon day nassan ka net adawgayaŋgə, ammba dələv net na disiŋ. Ndəni kan wil awdanən Maŋgəlva an məyani na Maŋgəlva neti ɓa, vi azaɓ sitik walaŋgəla-metiŋ.