Əgilye 34:7 - Bible en Guidar

⁷ Tay ərma moggon nan azet sayit ɗiy gabalɗe, də əɓəs heslepe, əɓoŋgo gəm mambraya, appan na məs dəraygən wən ɓa hara wazək sləma aka heslepe net afiŋgiɗit kirin aket kirtiti, gəm aket kirtit kirtiti, aza sayit mahoko'o də mapoɗo'o.

Əgilye 34:7 ပူးပေါင်းရင်းမြစ်များ

Va'Atəŋ 19:16

Adan asan gərət gərətə, ɗiy sula nek armanən va Lot agdəhənək, ndən dət ɗak nani, gəm kirtin sula neki vi Yawe awələk sahã akani; agilgitinik sə walaŋgəla a mapoho.

1Milyeŋge 8:30

Kəprəmgən wəɓuh ma na balam nok dit ɗiy nok mə Israyelɗe dədakkamaŋ a təkiyəŋka! Nok kəprəmgən sə təki kəsok a disiŋ; kəprəmgəni, kəvvuyon səmgən mambray namə.

1Milyeŋge 8:32

nok, aprəm sə disiŋ; atawwən net gewleɗ noko, arban məs heslepe na, məs heslepe yi, də əkkpaŋgan mbərayən ka kini; arban ɗəf an man bartata na, bartatay yi, də əgəɗ sən zəga aza bartata nani.

2Alabaraɗe Də Mabərkiziti 30:9

Vi an kəmulyoŋguk aza Yawe na, milmiŋgiɗkum dit kirtukum warəhaŋ ula sahã səzet ɗiy en dəkenin aka balam, wamulyoŋ aka dəlvəŋka. Vi Yawe Maŋgəlva nokum tay də mbəlembəle gəm ulasahã, akkpaŋgan na haran səkokum an kəmulyoŋguk azan ɓa.»

Nehemi 1:5

nəmna: «Kamə, Yawe Maŋgəlva na disiŋ, Maŋgəlva metiŋ, məs dəgap nawgeslne' səni, məzərma wənmiyna də əɗɗa moggon azet ɗiy en dəŋglunəni gəm en dərmanən wən nan məs aɗiyə.

Nehemi 9:32

Ya gəgaŋ na, Maŋgəlva namə, Maŋgəlva metiŋ məzuɓapa, məs dədah nawgeslne' səni, məɗi kiyən aka wənmiyna gəm moggoni, kədawgəsan əzəmsahã məs dərəhəm anam dit milyeŋge namə gəm məsdəlveŋge namə may məskəleŋɗe namə, may efiŋgiɗmə gəm ɗiy nok baymet təŋ səza pay net milyeŋge na Asiri hã gap pay dəpaŋkəŋ ɓa.

Ɗerewel na Yob 10:14

An nəgəɗək mbərayən, kuluwəka aka mambray naw na, kədaɗiyu ka ɗəf təstəs ɓa.

Gəlyaɗe 103:3

Ndəni məzəvvuyon heslepe nok pakə, ndəni məzənzeɗ gbəgbaɗe nok pakə.

Gəlyaɗe 109:14

Kəta dəɗɗumon sənən mambray net efiŋgiɗin sən Yawe, kəta heslepe nat man adavvuy ɓa.

Gəlyaɗe 130:4

Vi əvvuy mambray avoki yi, ka kawgeslne'suko.

Gəlyaɗe 136:10

Ndən məs dəbey magaziɗe net mə Eziptəɗe, vi moggon nan tay hã faɗə,

Gəlyaɗe 136:15

asleŋgitik may Farawən dit məzəlpaŋ nan addəv pehe net vəlarɗe, vi moggon nan tay hã faɗə.

Gəlyaɗe 25:11

Aka iya noko, Yawe, avvuyet su heslepeɗe naw diyɗaŋka!

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 99:8

Yawe, Maŋgəlva namə, istə kəzlan siti, Kəsok sitik lahəŋ Maŋgəlva məgəɗ məssawdi, ya kəmpələkkiya aka əɗɗa neti.

Əgilye 23:21

Asla zuko, aprəm mani, kədawdan sən gədəvən ɓa, wavvuyet tepelke nokum ɓa, vi tay də iya nawa.

Əgilye 23:7

Azar faraɗa səza əpel na uwawəna. Kədawbay ɗəf də mazlibezlibe na man may ɗəf təstəs ɓa, vi nənah na, ana ɗəf məs mambray na təstəs yi ɓa.

Əgilye 33:19

Amna: «Wanətoŋgən moggon naw pak dəboko, waniya iya na Yawe aboko, wanəɗɗa moggon naw aka ɗəf an nəŋgəl əɗɗa moggoni, wanula sasãh ɗəf an nəŋgəl nawla sasãhni.

Əgilye 34:9

Amna: «An kəɗɗak moggon nok viyu na Yawe, kəta dok a walaŋmə kamə, vi ɗiyiŋ kiyit ɓəli yi, wakəvvuyon səm heslepe nam də mambray namə, kəɗiyəmgən ka ɗiy nawray noko.»

Isaya 45:21

Məpele, mərban əɗɗum nokum məsapə, məpeleni! Naway dəpel dafsən aka an dədaɗɗa kəkaŋ van arban aka dəpas di? In Yawe tə ɓa sa? Dabərkiwa, Maŋgəlva tay maɓɓan əmpa ɓa. Maŋgəlva təstəsə, məkõhgən ɗəf tay mbərən abbəruk ɓa.

Yeremiya 30:11

In tat də is vi kawkõhguko Yawe aɗiymani; pay nədawki əza aket dəlveŋge en nətraygukum adak pak na, istə kaka' məs nəzok na ɓa. Wanəzga suk va an dəslə nuluk na va ɗəf məs də mezlibezlibe na man ɓa!

Yeremiya 32:18

Is məzəɗɗa moggon nok hã gap sayit ɗiy gabalə gəm məmndagan heslepe net efiŋgiɗit kirin aket kirtit dərɓegeti, Maŋgəlva metiŋ məs gbogboŋgo, iya nok na Yawe Məzuɓappakə.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Daniyel 9:4

Nəkkamanək Yawe Maŋgəlva nawa. Nənahək na: Kamə Daya Maŋgəlva matuŋguk kənani, nawgeslne' suk kənani. Kakkpaŋgan mok səka wənmiyna nok ɓa, is tat ərban əŋgla nok pay pak viyit ɗiy məzəɗɗaŋ wəŋgla noko gəm məzuɓe'en sənən an kəziwgini.

Daniyel 9:9

Ulasahã gəm əvvuyon mambray na, na Daya Maŋgəlva na miyi, də məsam məɓoŋgəm akok zlaŋgə.

Mika 6:11

Wanule məslaŋ zəga aka məsləgagdak na zəga na daraw awaniɓa məs gərəm nawhal də əsla gagdak na zəga, a gabal azet na, va dəɗɗaŋ zəga ɓa sa?

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Nahum 1:6

Naway nawɓap iziw aba ədagədəv nan di? Naway nawsilyen an makran asilik di? Makran tay vakvak va offo; awehetik gərmeŋge səbani.

Matiye 12:31

Vi vaski nədawnah sukum: Mambraya gəm əpel mbərayən aka Maŋgəlva pak kavvuyon siti ɗiyi. Ya əpel mbərayən aka Zeŋgile Salala kavvuyoni ɓa.

Matiye 6:12

Avviyon səm heslepe namə, vi nam pak mənam tat əvvuyon sit ɗiy en dəɗɗaŋ səmən heslepe.

Luka 7:42

Adan tahəŋ də zəga nawfaɗən ɓa, apan sitike, ndəɗaŋ sulegit pakə. Naway dədaŋgluwən day kan səmmbet di?

Luka 7:48

Yaŋ anah sət guluk nak na: Mambray nok avvuyko.

Wəza net Masləŋɗe 13:38

Milmiŋgiɗwa, məsən na, alabara na əvvuy mambray ade sukumək dəndəni gəm təstəs məs kərahaŋ də mahenziŋ na Moyis ɓaŋ pakə,

Wəza net Masləŋɗe 5:31

Anani Maŋgəlva agagdakan də van dəzəŋ ka Daya gəm məkõhgit ɗiyi. Vi kapsən əɗi marava gəm əskoɓ mambray sən Israyel.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 4:32

Ya məssoŋ neknek a walaŋ zukum, də ulasahã aka zukum, də əɗɗa mbəlembəle a walaŋ zukum va Maŋgəlva agəɗ sukum mbəlembəle addəv Kristu.

Əmsak aka Mahenziŋ 32:35

Intə məmpəlkiya, məfaɗ an ɗəf adawrah ammba vani pay ataŋgbanyaŋgə, pay nawray net van gu'oy, an məzaɓən ammbet aliy na dawgap ɓa.»

Əmsak aka Mahenziŋ 7:10

ya hara na, alya əmpəlkiya aka məzuzelən ɓa, tay əzani, anziya dampəlkiya aka məzuzel nan ɓa, tay əmndan sən go'u.

Əmsak aka Mahenziŋ 7:9

Wakəsən na, Yawe Maŋgəlva noko ndəni Maŋgəlva, Maŋgəlva an gesiŋgi; tay ərma wənmiyna nan gəm moggon nan viyit sayit ɗiy gabal məs dəŋgluwnəni, dərmanən əpel na ənziya,

Ibriɗe 12:29

Vi Maŋgəlva nam offo məhhət zəga yi.

Yosuwa 24:19

Yosuwa aɓsit ɗiy kan na: «Wakəɓapən əɗɗa wəza sən Yawe ɓa. Maŋgəlva an salala yi, Maŋgəlva məskotoroki yi, məs aɓəs na kiɓəɓəl nokum dit mambrayɗe nokum ɓa.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.

Hənhən 20:15

Ɗəf awandi məs iya nan tay meverin addəv ɗerewel na zeŋgile ɓa pak, kazgani addəv vov na offo.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.