Əgilye 34:6 - Bible en Guidar

⁶ Yawe atoŋguk kəlabani, aya: Yawe, Yawe, Maŋgəlva muwəl-sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi.

Əgilye 34:6 ပူးပေါင်းရင်းမြစ်များ

Va'Atəŋ 24:27

dawnəh na: «Soko sən Yawe, Maŋgəlva na daya naw Abraham, məs dəppan bayna nan də moggon aza daya naw gala nədaɗɗa malaka naw ɓa, Yawe adawgəwək aka tive akəwək eŋgil anet milmiŋgiɗin daya nawda.»

2Samiyel 24:14

Davit aɓsən Gad na: «Geslne armuwək diyɗa! Dəɗah məbət addəv va Yawe ki avet ɗiyi, vi nan awla sasãh diyɗa.»

1Milyeŋge 19:11

Yaŋ amna: «Agil aziw aka gərəm aba Yawe; Yawe yaŋka watoŋgu.» Barkataŋ metiŋgin mbiwmbiw aɓletik gərmeŋge, awiɗihik milɓeɗ aba Yawe; Yawe tay addəv barkataŋgəs ɓa. Sədərɓaga barkataŋ, əɓla na dəlva, Yawe tay addəv əɓla na dələv ɓa.

1Milyeŋge 8:30

Kəprəmgən wəɓuh ma na balam nok dit ɗiy nok mə Israyelɗe dədakkamaŋ a təkiyəŋka! Nok kəprəmgən sə təki kəsok a disiŋ; kəprəmgəni, kəvvuyon səmgən mambray namə.

2Alabaraɗe Də Mabərkiziti 30:9

Vi an kəmulyoŋguk aza Yawe na, milmiŋgiɗkum dit kirtukum warəhaŋ ula sahã səzet ɗiy en dəkenin aka balam, wamulyoŋ aka dəlvəŋka. Vi Yawe Maŋgəlva nokum tay də mbəlembəle gəm ulasahã, akkpaŋgan na haran səkokum an kəmulyoŋguk azan ɓa.»

Nehemi 9:17

Aɓoŋgoŋguk daprəma, dəɗɗumetin zəgeɗ naggət aket məs kəgəɗ dənɗaŋ ɓa, aɓɓəlanən kiyti. Yaŋ aɗiyaŋ məlyã, vi kamndoŋ aka balam addəv əɓoŋ neti. Yaŋ is Maŋgəlva məvvuyon mambraya, məgəɗ mbəlembəle, muwəl-sasãhĩ awdagədəv go' ɓa, məgəɗ moggoni diyɗa.

Gəlyaɗe 108:4

Wanəɗi kiyuk aret ɗiyi Daya, wanəlvok də gəlya a weleŋgit ɗiyi;

Gəlyaɗe 111:4

Aŋgələk ɗiy dəɗɗumetin sekeneɗ nani; Daya məgəɗ moggoni, muwəl sasãhĩ.

Gəlyaɗe 111:8

məɗiyit ka faɗə, məɗɗet də gegesiŋ sarra.

Gəlyaɗe 112:4

Əkekeɓe akekeɓe'ək ara guzli viyit ɗiy en təstəsə. Məgəɗ moggoni, muwəl sasãhĩ, təstəsi yi.

Gəlyaɗe 116:5

Yawe məgəɗ moggoni, təstəsi; Maŋgəlva nam muwəl sasãhĩ.

Gəlyaɗe 138:2

Wanəppu' haraw sek dəka gəla salala noko gəm wanəɗi ki iya nok aka batam moggon nok də gesiŋ noko, vi kəɓaygənək əpel nok day ki iya nok əmpa.

Gəlyaɗe 145:8

Yawe məgəɗ mbəlembəle yi, muwəl sasãhĩ, awdagədəv go' ɓa, moggon nan man awsla ɓa.

Gəlyaɗe 146:6

Ndəni dəzəməɗ disiŋ də dəlvafuŋ, pehe gəm zəgeɗ naddəvit pakə, gegesiŋ avani hã faɗə.

Gəlyaɗe 31:19

Met muwaŋ wən dəmsə məpeleŋ wən nawku aka ɗəf təstəs də əɗi kiziti gəm də əzele!

Gəlyaɗe 57:10

Wanəɗi kiyuk aret ɗiyi Daya, wanəlvok də gəlya a weleŋgit ɗiyi,

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Gəlyaɗe 91:4

Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Əgilye 22:27

Kəranən Maŋgəlva ɓa, kəpel mbərayən aka məlĩ net ɗiy nokum ɓa.

Əgilye 33:19

Amna: «Wanətoŋgən moggon naw pak dəboko, waniya iya na Yawe aboko, wanəɗɗa moggon naw aka ɗəf an nəŋgəl əɗɗa moggoni, wanula sasãh ɗəf an nəŋgəl nawla sasãhni.

Wənməkkpaŋga 3:3

Moggon də gegesiŋ adazgokun ɓa, aynet awloko, aver a mokroko.

Məsmaɗula 8:11

Vi ətawwən tay gu' aka wəza mbərayən ɓa yi mekret kirtin Adam aknah də əɗɗa mambraya.

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 65:16

Ɗəf naka dələv dəŋgəl əzaɓ sən kini, waɗɗa də iya na Maŋgəlva an gesiŋ məs ɗəf adawɗi əɗɗum nan akani. Ɗəf naka dələv dəŋgəl əswaya, wasway də iya na Maŋgəlva an gesiŋ məs ɗəf adawɗi əɗɗum nan akani. Kazgəti ki əzəmsãha an na maddaabəŋ vi waɗam faraɗa səma harawa.

Yeremiya 32:18

Is məzəɗɗa moggon nok hã gap sayit ɗiy gabalə gəm məmndagan heslepe net efiŋgiɗit kirin aket kirtit dərɓegeti, Maŋgəlva metiŋ məs gbogboŋgo, iya nok na Yawe Məzuɓappakə.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Əɓuhma 3:23

Tay əkkpaŋ meleketen aza də mompumo pakə. Əziwɓəlɓəl nok metiŋgini.

Yo'el 2:13

Məŋgaran mokrokum məza lukutɗe nokum ɓa, məmndoŋ aza Yawe Maŋgəlva nokum: vi məgəɗ mbəlembəle yi, muwəl sasãhĩ, awdagədəv go' ɓa, məgəɗ moggoni diyɗa. Appanək wən naɗɗa mbərayən sən ɗəfa.

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Mika 7:20

Wakərban moggon nok sən Yakob gəm moggon nok sən zəv Abraham va kəsway sit efiŋgiɗəm aka far lahəŋka.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Yohanna 1:17

Vi də va Moyis mahenziŋ ade, mbəlembəle də gegesiŋ tam azzoŋ dəza Yesu Kristu.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Əmsak aka Mahenziŋ 32:3

Wanərban iya na Yawe; məsən mẽmẽtiŋ na Maŋgəlva namə!

Əmsak aka Mahenziŋ 4:31

Vi Yawe, Maŋgəlva noko, Maŋgəlva məwəl sasãh ɗəfi yi: azgok na firik ɓa, azok na ɓa, azgət na ki wənmiyna asway sit efiŋgiɗuk ɓa.

Əmsak aka Mahenziŋ 5:10

Ya məzəŋgluwəni, məzərmanən an nəɗi naɗɗa, wanərban sit moggon naw hã gap sayit gabalə.

Yakob 5:11

Mənam tat əɗiyit ka ɗiy məs dərəhaŋ zəzaya, vi dəpanən wəɓəs net ɓa. Kəprəmənək wən na Yob pak va aɓəsa. Kəsənnənka Daya atər sənək wəray nan dərɓaga wəzəmsahã nani. Vi Daya məwəl-sasãhi gəm məgəɗ moggoni.