Əgilye 34:14 - Bible en Guidar

¹⁴ Kədappu' sən maŋgəlva maɓɓan ɓa, vi Yawe Maŋgəlva məskotoroki, tay də kotoroku.

Əgilye 34:14 ပူးပေါင်းရင်းမြစ်များ

1Milyeŋge 14:15

Yawe warbə sit mə Israyelɗe; wakkereŋ aban va eflere eret iŋkile. Waptiw mə Israyelɗe gbuh gbuh səka dələv moggon an apsit efiŋgiɗtiŋka, watəraygit dəgar ki məlpa, vi ampaŋgək Astera, adan sənən gədəv Yawe.

1Milyeŋge 19:10

Yaŋ amna: «Əŋglu nəŋglu Yawe Maŋgəlva net məzəlpaŋ na disiŋ: vi mə Israyelɗe azganənək wənmiyna noko, aɓzluwinik matuyaɗe noko, gəm abeyinik məskəleŋɗe nok də masalam, in takərgu nəpələ, naw van zlaŋ met aka əzan zeŋgilewa.»

Əgilye 33:19

Amna: «Wanətoŋgən moggon naw pak dəboko, waniya iya na Yawe aboko, wanəɗɗa moggon naw aka ɗəf an nəŋgəl əɗɗa moggoni, wanula sasãh ɗəf an nəŋgəl nawla sasãhni.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Ezekiyel 23:25

Wanərban kotorok naw akoko; waɗɗukun net herɗe, waboŋnən məŋkunuk də sləmoko, də masalam adawbeynin madambirgit ɗiy noko. Wandenin kirtuk mezeŋgleket dit muguluŋgiti, en dəppaŋ sukuni offo nawzimti.

Nahum 1:2

Maŋgəlva məskotoroki, Yawe ampəl kini. Yawe ampəl kini; ədagədəv nan gədaki yi. Yawe tay əmpəl kiyən aket məzuseɓɗe nani; herɗe nan addəɗ səket məzuzelɗe nani.

Matiye 4:10

Yaŋ Yesu aɓsən na: Azar səzawa Satan. Məverni gesiŋ na: Daya Maŋgəlva noki yi kədawgeslne' səni, anan kədawgəɗ sən wəza.

1Korintus 10:22

Awaniɓa mam aka əsilgin kotorok na Daya sa? Gbogboŋ mənan daykiyən sa?

Əmsak aka Mahenziŋ 29:20

Yawe wago' faraɗa səzet mahəlfaɗe na Israyel pakə, vi tatwãh an dədawrəhni, va aza əray na mefɗeke na wənmiyna məverin addəv ɗerewel na Mahenziŋgiŋka.

Əmsak aka Mahenziŋ 32:16

Akkpaŋganənək məskotorok də əzbet meŋgilveɗ meɓɓeti, dit zəgeɗ nawmə'a, adan sənən gədəven,

Əmsak aka Mahenziŋ 32:21

Akkpaŋgawənək məskotorok dit meŋgilveɗ en ɗarə, adan suwənək gədəvu dit ɗarɗarɗe neti. Naw pak, wanəsilgin kotorok neti dit ɗiy en dəgapaŋ ɗiy ɓa, wanədan sit gədəvit dit ɗiy məza maɗɗulet ɓa.

Əmsak aka Mahenziŋ 4:24

Vi Yawe Maŋgəlva nok, offo məzuzlay yi, Maŋgəlva məskotoroki yi.

Əmsak aka Mahenziŋ 5:24

Kəɓɗaŋ na: «Yawe Maŋgəlva nam arban səmək gagdak nan də mẽmẽtiŋ nani, məprəmək wəlan səddəv offo; dəpaŋ mulak na, Maŋgəlva waɓaɓ kawpel də ɗəf məza ndən zam ɓa!

Əmsak aka Mahenziŋ 5:7

Meŋgilveɗ nok meɓɓet adassoŋ abbəru ɓa.

Əmsak aka Mahenziŋ 6:15

vi Yawe Maŋgəlva dəsan addəvuk Maŋgəlva məskotoroki, vi Yawe Maŋgəlva nok adawki herɗe akok ɓa, ka ndən kawzok səka dəlvafuŋ ɓa.

Yosuwa 24:19

Yosuwa aɓsit ɗiy kan na: «Wakəɓapən əɗɗa wəza sən Yawe ɓa. Maŋgəlva an salala yi, Maŋgəlva məskotoroki yi, məs aɓəs na kiɓəɓəl nokum dit mambrayɗe nokum ɓa.

Mətawaŋwəna 6:10

Nənah sukumək na: intə Yawe, Maŋgəlva nokum, kədaw geslne'eŋ sit meŋgilveɗ net mə Amorɗe məs kəssoŋ aka dələv netiŋ ɓa! Ya kəprəmən maw ɓa.»