Əgilye 33:11 - Bible en Guidar

¹¹ Yawe apelik də Moyis heret seksek va ɗəf adawpel də galani, ndən əmndan a dibirgidiki, gawla Yosuwa wətən Nun, məbbaha nani, awzar səddəv gizlirke ɓa.

Əgilye 33:11 ပူးပေါင်းရင်းမြစ်များ

Va'Atəŋ 32:30

Yakob assohõni: «Kamə, arban su iya noko.» Amna: «Kamən kədassohõn iya naw di?» Aɓuh sən ma eske van ləŋgə.

2Alabaraɗe Də Mabərkiziti 20:7

Istə Maŋgəlva nam məs dərɓih ɗiy naka dəlvəŋ səbet ɗiy nok mə Israyelɗe, dəpsən dələv van faɗ sən zev Abraham məs dəŋgluwuk nak ɓa sa?

Ɗerewel na Yob 16:21

Nani, dəsan məziw aka walaŋ ɗəf də Maŋgəlva kana, gəm aka walaŋ ɗəf də məlməni.

Əgilye 17:9

Moyis anah sən Yosuwa na: «Awel səm ɗiy mezeŋgleketi, agil əddalpa dit mə Amalek; mazayən wanəziw aka dadwar ki mossorgo də zleŋge na Maŋgəlva avawa.»

Əgilye 24:13

Moyis le'i, də Yosuwa, masulani, Moyis peŋ dəka gərəm na Maŋgəlva,

Əgilye 32:17

Yosuwa aprəmək wəlet ɗiy, aɓsən Moyis na: «Ɓaɓəlma əlpay a dibirgidiki.»

Əgilye 33:10

Ɗiy pak tahəŋ ulanən slaybuwən ɓulotto ama gizlirke, ɗiy pak le'le', ndəɗaŋ əppu'oŋ naway pak a ma gizlirke nani.

Əgilye 33:9

An Moyis atoŋguk a gizlirke na, slaybuwən ɓulotto əprikeni, ndən əziw ama gizlirke, ndən əpel də Moyis.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Əŋɗa 11:28

Yosuwa wətən Nun, məs dəgəɗ wəza təŋ səka gawla nan aba Moyis azlanək aka wən nan na: «Moyis, daya nawa ateke!»

Əŋɗa 12:7

Ya vaski də məgəɗ wəza naw Moyis ɓa, nan ndəni ɗəf na makraw sə nawda gərakə:

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Yohanna 11:11

Səza apel wənəska, aɓsit na: Baynam Lazar aleŋke, wanəmbat vi kafɗahani.

Yohanna 3:29

Ɗəf məs dəɓel gulku, ndəni zilta. Ya bayna na məs dəɓeli, tay ziwwe əprəmən də ənneke, tay zən nek də wəla məs dəɓeli. Vaski kan ənnek naw gərakə.

Əmsak aka Mahenziŋ 31:14

Yawe aɓsən Moyis na: «Yaŋ na, pay namta nok go'oy. Aya Yosuwa; kəziweŋgən addəv gizlirke nalma də Maŋgəlva; nənah səngən an na mawa.» Yaŋ may Moyis də Yosuwa addoŋ əziw addəv gizlirke nalma də Maŋgəlva naka.

Əmsak aka Mahenziŋ 34:10

Məskəleŋ tay dəgil a Israyel va Moyis ɗah ɓa, ndəni məs Yawe azgə meŋ dəndən heret aza zit sekseki,

Əmsak aka Mahenziŋ 5:4

Man də mokum Yawe apel sukum aka gərəm səddəv offo;

Yakob 2:23

Vaski aknahan wən an məs Maŋgəlva anah addəv ɗerewel məzvani, amna: Abraham atafək Maŋgəlva, Maŋgəlva aŋɗanək ka ɗəf təstəs abani. Yas Maŋgəlva aya na baynawa.