Əgilye 32:32 - Bible en Guidar

³² Ya kakaŋ na, agəm mambray neti, an vaski ɓa na kamə avvuyow səddəv ɗerewel nok an kəveri.

Əgilye 32:32 ပူးပေါင်းရင်းမြစ်များ

Gəlyaɗe 139:16

Horok awlak va məlaku asani. Məvertiŋ pak addəv ɗerewel noko, məziwgiti əvoŋɗe nan tak əgap neti.

Gəlyaɗe 56:8

Vi mambray na, azet na wakohõŋ sa? Maŋgəlva, azlbe də ədagədəv noko!

Gəlyaɗe 69:28

Aŋɗan sit heslepe aka heslepe; adawrahaŋ əvvuy mambray net ɓa.

Əgilye 32:10

Kakaŋ na, appaw də maɗɗulaw nəfə̃hgən ədagədəv naw aketi, nəzetgəni, nəɗiyukgən ka vanday metiŋgini.»

Isaya 4:3

Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Ezekiyel 13:9

Vaw wasan aket məskəleŋɗe məwaŋ wəna gəm aket məskaŋ helik nawaŋ wəna; assoŋ na addəv əsler net ɗiy naw ɓa; kawverti aret ɗiy na Israyel ɓa; amilyoŋ na aka dələv na Israyel ɓa; wakəsənnən na, intə Daya Yawe.

Daniyel 12:1

Pay nani, Mikayel daya net maslayɗe, məga net ɗiy nok warban zəni. Pay nan wasan na tatwãh metiŋgini, zeŋvin dəgəɗ ɗah ɓa təŋ səza ɗiy assoŋgu aka dəlvafuŋ hã gap pay dəpaŋka. Dəpas na, ɗiy nok məs iya net məverin addəv ɗerewel wakõhoŋgu.

Amos 7:2

Səza zaray azəm geslembeɗ naka dələv beymeti, yaŋ nəmna: «Kamə, Yawe Maŋgəlva, avvuyon mambraya. Vas ɓa na mbar Yakob adawɓəsən di? Vi məddakni.»

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Malakiya 3:17

Aka pay an nəɗi na, wassoŋ kanawa, va zəga an naw nawray vawa, Yawe Məzuɓappak anahə. Wanətir va ɗəf adawtər wətən məgəɗ sən wəza.

Əŋɗa 11:15

An vas kədaɗɗa də in na kamə ɗəɗah abaywa! An kəɗɗak moggon nok viyu na, nədawla əray naw ɓa.»

Əŋɗa 11:25

Yawe prik addəv slaybuna, anah sənək Moyisi. Yaŋ agəm əmpəs səzani apsit ɗiy məsɓet kaklaw buhul naka. Səza əmpəs van aprik aket na, atəŋgaŋgək əɗɗa kəleŋ, ya dəzzekenen ɓa hara.

Əŋɗa 14:19

kamə avvuyon heslepe net ɗiyiŋki, va mẽmẽtiŋ na əŋgla nok adassohõni, may va kəɓis ɗiy vetiŋ təŋ sə Eziptə hã aŋkəŋka.»

Luka 10:20

Kədannekenən zukum vi əmpəsɗe mbəreyit aɓe'eŋ sukumən dərəŋ ɓa, mənneken zukum vi iya nokum məverni a disiŋ.

Luka 23:34

Yesu amna: Əbba, avvuyon siti, vi dəsənnən məs adaɗɗaŋ ɓa. Awɗeketinik lukutɗe nan a walaŋ zit də əɗɗa vẽhpəlwa.

Roma 9:3

Wanətaf mahanay na Maŋgəlva kəta gəm uɗak də Kristu vi wən net milmiŋgiɗwa, həlfiŋgiɗu net mbeli.

Əmsak aka Mahenziŋ 25:19

Ya pay Yawe Maŋgəlva nok adapsuk əffet səbet məzuzelɗe dəssoŋ tərwəsl ki dələv məs Yawe Maŋgəlva nok adapsuk kəmõhgən ka nokəŋka, kəzetgən mə Amalekɗe kakãh səmmba dələv pakə. Kədazgət wən nan ɓa!

Əmsak aka Mahenziŋ 29:20

Yawe wago' faraɗa səzet mahəlfaɗe na Israyel pakə, vi tatwãh an dədawrəhni, va aza əray na mefɗeke na wənmiyna məverin addəv ɗerewel na Mahenziŋgiŋka.

Əmsak aka Mahenziŋ 9:14

Appaw nəzeti, wanəvvuyon iya net səka dəlvafuŋgu; ya nok wanəkkpoŋgok ka ɗiy diyɗa gboŋgboŋ daykiti.»

Filipi 4:3

Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Hənhən 17:8

Zəga mamayã məs kədawlaŋka, tay lahəŋka, ya kakaŋ na tay ɓa. Wagil sə delŋgeɗeki kaddan əza. Ɗiy naka dəlvafuŋ məs iya net tay məverin addəv ɗerewel na zeŋgile təŋ əɗi na gabba dələv ɓa, waggətaŋgə an awlanənək zəga mamayã naka, vi tay lahəŋka ya tay kakaŋ ɓa, ya wamil əmpa'a.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.

Hənhən 22:19

An ɗəf akdahək wən na kleŋgəŋ səddəv ɗereweləŋka, Maŋgəlva wakdəh haran nan səza uwa na wəlaŋga na zeŋgile də haran nan səddəv walaŋgəla-metiŋgin məs salala.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.