Əgilye 32:30 - Bible en Guidar

³⁰ Mazayən nan Moyis anah sitik ɗiy na: «Kəɗɗaŋgək mambray metiŋgini, ya kakaŋ wanəpeŋ aza Yawe kuzuŋ wanəvvuyon mambray nokum soko.»

Əgilye 32:30 ပူးပေါင်းရင်းမြစ်များ

2Samiyel 12:9

Vimi kəzelen əpel na Yawe kaɗɗa mbərayən ama haran di? Kəbayək Uri mə Hitti də masalam, is gəm əgəmət guluk nan ka guluk noko, ndən sən kiyən is bay əbayən də masalam net mə Ammonɗe.

2Samiyel 16:12

Kuzuŋ Yawe wawla ərba wil nawa, asna Yawe wakkpaŋgan su moggon a gəla wəra nan dəpaŋkənka.»

2Milyeŋge 17:21

Vi Israyel arslak kiyən səza zev Davit, aɗiyənək Yerobo'am wətən Nebat ka məlyã, Yerobo'am azetik mə Israyelɗe səmmba Yawe, atoŋgit əɗɗa mambray metiŋgini.

Gəlyaɗe 99:6

Moyis də Aron, aret məsdəlveŋge nani, gəm Samiyel aret miyaŋ iya nani, tahəŋ iyanən iya na Yawe, ndən əzlan siti.

Əgilye 32:29

Yaŋ Moyis amna: «Dəpaŋ məɗikumi ka na Yawe, vi ɗəf pak a gəla wətəni, gəm a gəla məlməni, vi kapsukum wəzaɓ nan dəpaŋka.»

Amos 5:15

Məzel mbərayən, məŋglu moggoni. Məziwgin wən də tiven a təki ətawwəna, Asna kuzuŋ, Yawe Maŋgəlva Məzuɓappak, wawəlsahã aket mambirgit kirtin Yosef soko.

Yonas 3:9

Nawa dəsən di kuzuŋ Maŋgəlva wakkpaŋgan mani, makran waffeti, wakkpaŋ səka ədagədəv nani, məzəna ɓa soko.»

Əŋɗa 25:13

Wənmiyna van wasan vini gəm viyit kirtin naddəvən. Wapsit mahenziŋ na wəza net məsdəlveŋge ammba vet faɗə, adan arban kotorok ammba Maŋgəlva nani, aɗɗa mahenziŋ naskoɓ mambray embet kirtin Israyeləŋka.»

Luka 15:18

Wanəsili, wanəmndaw aza əbba, wanənah sən na: Əbba nəgəɗək mbərayən aza Maŋgəlva gəm azoko,

Luka 7:47

Vini nədawnah suko: Mambray nat ɗiyɗaŋka avviko vi əŋgla nat diyɗa yi. Ya an məvvuyon sən siɗikke, əŋgla nan siɗikke yi.

Roma 9:3

Wanətaf mahanay na Maŋgəlva kəta gəm uɗak də Kristu vi wən net milmiŋgiɗwa, həlfiŋgiɗu net mbeli.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

2Timote 2:25

Adahək dərbangən zəga sit ɗiy məzupeleŋ akan mbərayən də maɗɗula. Kuzuŋ Maŋgəlva wabbah sit nawɗi marava gəm nawsən gegesiŋ gərakə,

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.

1Samiyel 12:17

Pay nawtaw haykəmari yi kakaŋ ɓa sa? Dəpaŋ wanəkkaman Yawe wahãyə, buwən waziyə. Məsəna, mula əday na mambray nokum an kəɗɗaŋ ama hara Yawe də wəssõh məlĩ avani.»

1Samiyel 12:19

Ɗiy pak anahaŋ sənən Samiyel na: «Akkaman Yawe Maŋgəlva nok ammbet belemɗe noko, vi mədamta ɓa, vi də wəssõh məlĩ namə məzleɓək mambray aket mambrayɗe nam pakə.»

1Samiyel 12:20

Samiyel aɓsit ɗiy na: «Kəgeslne'eŋ ɓa. Vaski yi, mənokumtə kəraygənəni, ya kədaktuhnən gəɓokum səza Yawe əmpa ɓa, məgəɗ wəza sən Yawe də mokrokum taka.

1Samiyel 12:23

Kəlazaw anaw na, dədah nəgəɗgən mambray aza Yawe, nəppangən əkkam ammbokum ɓa; waniyogokum tive moggon sarra.

1Samiyel 2:17

Vaski mambray net gewleɗ van asan metiŋgin diyɗa aba Yawe, vi ɗiyis awlanənək əvəl sən Yawe va zəga ɗarə.