Əgilye 32:10 - Bible en Guidar

¹⁰ Kakaŋ na, appaw də maɗɗulaw nəfə̃hgən ədagədəv naw aketi, nəzetgəni, nəɗiyukgən ka vanday metiŋgini.»

Əgilye 32:10 ပူးပေါင်းရင်းမြစ်များ

Va'Atəŋ 12:2

Wanəkkpaŋgok ka ɗiy diyɗa, wanəɗɗa əzaɓ akoko. Wanəkkpaŋgan iya nok metiŋgini. Akəsok ka əzaɓ net ɗiy mbirti.

Gəlyaɗe 106:23

Anahək nawzeti, va Moyis məwele nan dəziw a təki məɓzluwən aban kaffetet herɗe nan nawzet ɓa ɓa.

Əgilye 22:24

An kəpsənək dəmən net koɓeɗ sən məssahã məs dəsan də is naret ɗiy nawa, kədassok dəndən va məzəddakan ɓa; kədassõh iŋkile akan ɓa.

Əgilye 32:11

Moyis affetenək makra Yawe Maŋgəlva nani, yaŋ amna: «Yawe, vimi kədaŋgla əfə̃h ədagədəv nok aket ɗiy nok məs kəgilgit səka dələv na Eziptə də gbogboŋ nok gəm də va totokprok nok di?

Əgilye 32:19

Adan adawgap aza dibirgidiki, yaŋ awla wət wasliya, wəskəlɗe, Moyis adək gədəv diyɗa, azgetik kalaɓɗe navan nek akrep aba mossorgo.

Əgilye 33:3

Dok aka dələv məs moŋvo də amama adawdawaŋ akan lokloku. Nəmbat na a walaŋkum ɓa, vi ɗiy kiɓəɓəl kənanəni, wanəzokum aka tive ɗarə.»

Yeremiya 11:14

Ya nok na, kədakkam viyit ɗiyiŋ ɓa; kədawhəm ammbet ɓa; vi nəprəm na pay an adakkamawən an tatwãh arihik ɓa.»

Yeremiya 14:11

Yawe anah suwək na: Kədaŋgla moggon sit ɗiyiŋ ɓa.

Yeremiya 15:1

Yawe aɓsu na: Kəta Moyis də Samiyel dəziweŋ abaw əkkam ammbet zlaŋ, kiyu asan na aket ɗiyəŋ ɓa. Arɓehet səbawa, dəgilyoŋgu!

Yeremiya 7:16

Isi Yeremiya, kədakkamaw vi ɗiyis ɓa, kədayan zuk uppu' may əkkam ɓa, kəyan zuk əkkamaw tataŋ tataŋ ɓa, vi nəprəmuk na ɓa.

Ezekiyel 20:13

Yaŋ ɗiy na Israyel aɓoŋgoŋ akaw a kapta-muyã; dədawaŋ va mahenziŋɗe naw aŋglaŋ ɓa, azeletinik tiveɗnanziya naw məs ɗəf adaɗɗa dəsangən madaran dənɗaŋ. Araygənənək pay naffet naw diyɗa. Yaŋ nəmna: Wanəka herɗe naw aket a kapta-muyã kawzeti.

Əŋɗa 14:12

Wanətaw sit gəbaymərma, gəm kawtekit səka zəga nawzəmgəla neti; ya səzok nədasɗəw ɗiy gagakɗe, gboŋgboŋ daykiyti.»

Əŋɗa 16:21

«Məgoh dula net ɗiyiski; wanəzet gəgaŋkəŋka.»

Əŋɗa 16:22

Yaŋ azbəraŋ hã mirbizit afuŋ, aɓɗaŋ na: «Aw Maŋgəlva, Maŋgəlva afən zeŋgile na zəga nammba dələv pakə, ɗəf taka dəgəɗ mambraya, yaŋ kədawke herɗe aka sap net ɗiy beymeti!»

Əmsak aka Mahenziŋ 9:14

Appaw nəzeti, wanəvvuyon iya net səka dəlvafuŋgu; ya nok wanəkkpoŋgok ka ɗiy diyɗa gboŋgboŋ daykiti.»

Əmsak aka Mahenziŋ 9:19

Nəgeslne' sənək ədagədəv dit herɗe na Yawe aki akokum kawzokum. Yaŋ Yawe atafsu əkkam naw əmpa'e.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.