Əgilye 32:1 - Bible en Guidar

¹ Ɗiy awlanən na Moyis aliyək dəpriken səka mossorgo, yaŋ ɗiy akkalaŋ aza Aron, aɓsənən na: «Asili, azaɓ səm meŋgilveɗ dədawdawaŋ abamə, vi Moyis ɗəf dəgilgəm səka dələv na Eziptəŋ məsən an dəɗɗa ɓa.»

Əgilye 32:1 ပူးပေါင်းရင်းမြစ်များ

Va'Atəŋ 19:14

Lot agilik ənah sit dəhiŋgiɗin dədawkeynin kirtini, aɓsit na: «Misili! Migil sə walaŋgəlaŋka, vi Yawe wazani.» A maheret dəhiŋgiɗin nek na, va əsmay yi ɗarə.

Va'Atəŋ 21:26

Abimelek, amna: «Nəsən ɗəf dəɗɗa zəgas ɓa; kənah su ɓa, in sən kiyu nəprəm ɗah an dəpaŋki ɓa ɓa.»

Va'Atəŋ 39:8

Yaŋ aɓoŋgu, aɓsət ga ɗəf daya nak na: «Awla ɗəf daya naw aɗiwək abani, zəga neŋgil tay adagəkgrəŋ akan əmpa ɓa. Zəga nan pak ammba vaw apsuwa.

Va'Atəŋ 44:15

Yosef aɓsit na: «Mə wəza miy kəɗɗaŋgəŋ di! Kəsənən na, ɗəf va iynəŋ awla heligi ɓa sa?»

Va'Atəŋ 44:4

Agilyoŋguk sə walaŋgəla-metiŋ, dəzaraŋ ɓuhho ɓa, yaŋ Yosef anah sən daya neŋgil ananda nak na: «Asili! Azbet ɗiy neki, kərufgin kənah sitgin na: Vimi kəmndaganən mbərayən agəla moggon di?

Gəlyaɗe 106:19

Azaɓaŋgək wət wasli a Horeb; appu'oŋguk aba zeŋgile zəga na təbəz məhəsni,

Əgilye 13:21

Də kapaya, Yawe ədaw abet addəv slaybuwən va dədəka, də dəfɗa, tay əkekeɓe' təki abet addəv offo zulorro vi dədawaŋgən aka tive kapay də dəfɗa.

Əgilye 14:11

Apsənən Moyis na: «Magamasɗe dəkkpapaŋ sə Eziptə, kəkiyəm məmtəgən a kapta-muyã sa? Miy aŋ kəgəɗ səm dawgilgəm sə Eziptə əŋdi?

Əgilye 16:3

Mə Israyelɗe aɓsitin na: «Aŋ na! Dəɗah va Yawe dəbayəm aka dələv na Eziptə, pay mədakkal aka mesteɓe na sluwa, mədawzəm Way kpe'i! Kəgilgəmənək kəla kapta-muyãŋ na vi kawbay əsapəŋ pak də may sa?»

Əgilye 20:23

Kədawɗiwən va meŋgilveɗ na təbəz babar gəm na meleŋge ɓa, nokum kədawvotnin ɓa.

Əgilye 24:12

Yawe anah sən Moyis na: «Apeŋ azaw aka gərəm aŋ kəsokgən aŋka, vi nəpsukgən kalaɓɗe: Mahenziŋ də əpel na ənziya məs nəver vi kawyegeti.»

Əgilye 24:18

Moyis toŋ addəv slaybuna, peŋ aka gərma. Moyis asanək aka gərəm əsɓəta kaklaw poɗo, əvoŋ kaklaw poɗo.

Əgilye 32:11

Moyis affetenək makra Yawe Maŋgəlva nani, yaŋ amna: «Yawe, vimi kədaŋgla əfə̃h ədagədəv nok aket ɗiy nok məs kəgilgit səka dələv na Eziptə də gbogboŋ nok gəm də va totokprok nok di?

Əgilye 32:22

Aron amna: «Gədəv daya naw adə ɓa, kəsənək is sən kiyuk na ɗiyiŋ addəv ərayəŋgə.»

Əgilye 32:23

Aɓsuwənən na: «Agəɗ səm meŋgilveɗ dədawaŋgən abamə, ɗəf Moyis dəgilgəm səka dələv na Eziptəŋ, məsən an dəgəɗ sən ɓa.»

Əgilye 32:7

Yawe aɓsən Moyis na: «Doko, apriki, vi ɗiy nok kəgilgit səka dələv na Eziptə nek azlzlaɓaŋka.

Əgilye 33:3

Dok aka dələv məs moŋvo də amama adawdawaŋ akan lokloku. Nəmbat na a walaŋkum ɓa, vi ɗiy kiɓəɓəl kənanəni, wanəzokum aka tive ɗarə.»

Ezekiyel 20:8

Yaŋ aɓoŋgoŋ akawa, dəŋgəmaŋ əprəmwən ɓa, ɗəf tay dəzgan zəga sə maharan ɓa, meŋgilveɗ na Eziptə dayday dəppetin ɓa, nəmna wanəka herɗe naw aketi, wanədəgədəv aket hã ŋgbu' aka dələv na Eziptə.

Hose'a 12:13

Yakob anzanək aka muyã na Aram, Israyel agəɗək wəza ammbat gulku, viyət gulki ataɗə.

Mika 6:4

Vi nəgilgukum sə Eziptə sa? Nəpəluk səka balam gəm nəslin may Moyis, Aron gəm Miryam abokum sa?

Əŋɗa 14:22

taka tay səmmbet ɗiyiŋ dulanən gagdak naw may sekeneɗ naw məs nəgəɗ a Eziptə gəm a kapta-muyã, məs dulanən nazaw təl kəlaw məza əprəm maw ɓaŋka,

Matiye 24:43

Məsən na: An afən gəla asənək pay an məhala adazzan na, wasan ɗezleŋge, appan na dətilikgin gəla nan ɓa.

Matiye 24:48

Ya an balam mbərayni, aɗɗumuk a makran na: Daya naw aliyka,

Wəza net Masləŋɗe 17:29

Adan kan mahəlfa na Maŋgəlva məsamə, mədaɗɗum na Maŋgəlva agilik va meleŋge, va də təbəz babara, awaniɓa va gərəm na sləma məzeɓit də əsəna gəm əɗɗum na ɗəf ɓa.

Wəza net Masləŋɗe 19:26

Munokum tat ulanəni, munokum tat əprəməni, a Efesus kaka ɓa, ya addəv Asiya dəwən nani, ɗəf Pol əŋ tay əgəm maɗɗulet ɗiy diyɗa dawnəh na: Meŋgilveɗ məɗɗet də va ɗəf na, meŋgilveɗiŋ ɓa.

Wəza net Masləŋɗe 7:40

Vini anah sənən Aron na: Agəɗ səm meŋgilveɗ məs nawdawaŋ abamə vi Moyis məs dəgilgəm səka dələv na Eziptə əŋka, məsən an dəgəɗ akan ɓa.

Əmsak aka Mahenziŋ 31:8

Yawe yi dədadaw aboko, Yawe ndəni də isi, appok na firik ɓa, azgokna ɓa; kəgeslne' ɓa, kədawsok zuk baybay ɓa.»

Əmsak aka Mahenziŋ 9:1

Israyel aprəma, dəpaŋ wakəggar ki Yurden kawmõh dəlveŋge gugriɗ gbogboŋɗe day kiyuk ka noko, walaŋgəleɗe gugriɗ mətərwəsl kiyit də zlava ləklək a disiŋ.

Əmsak aka Mahenziŋ 9:9

Gala nəpeŋ aka gərəm kawtef kalaɓɗe, kalaɓɗe na wənmiyna, məs Yawe aynə də mənokum, nəsawək aka gərəm əsɓəta kaklaw poɗo, də əvoŋ kaklaw poɗo, nəzəm way ɓa, nəsə iŋkile ɓa.

Yosuwa 7:13

Asili, abbur heslepe səzet ɗiyi. Kənahgən na: “Məbbur heslepe səzokum sən pummo, vi Yawe Maŋgəlva na Israyel tay ənah na: zəga mətakən tay azok is Israyel; kəɓap na əziw abet meseŋgiɗuk an kəzganən zəga mətakən məs dəsan a walaŋkuməŋ ɓaɓa.”

2Piyer 3:4

Wanahaŋ na: Ŋgay iynama naka əzza nan nak di? Vi va səza efiŋgiɗim amtaŋgə, zəga pak tay va aka məzəməɗən!