Əgilye 30:7 - Bible en Guidar

⁷ Aron dəzlagən tursan adak aza va təki addaŋ pakə, pay adawzeɓet lalamɗe, dəzlagəni.

Əgilye 30:7 ပူးပေါင်းရင်းမြစ်များ

1Alabaraɗe Də Mabərkiziti 23:13

Kirtin Amram: Aron də Moyis. Aron məwelni dəgəɗgən wəza a təki salala diyɗa, ndən dit kirtin hã faɗə, kawzla tursan sən Yawe, kawsan aka wəza nani, gəm kaɗɗa wəzaɓ aket ɗiy də iya nan hã faɗə.

1Alabaraɗe Də Mabərkiziti 6:34

Aron dit kirtin məzuzlaŋ zəga mətaw wəlan aka matuya nawzla zəga kurmbuɗuk gəm tursan aka matuya nawzla tursan, na wəza na təki an salala day gəm navvuyon mambray səka Israyel va Moyis məgəɗ wəza na Maŋgəlva aɗi wən nani.

2Alabaraɗe Də Mabərkiziti 2:3

Awle naw maw aka ərka gəla aka iya na Yawe Maŋgəlva nawa. Dəsan səngən zaɓ nawzla sən tursan abani, nawɗi sən əvəl an ɗayɗayə gəm əvəl nawzla kurmbuɗuk na mompumo gəm na moskoyo, na pay naffete gəm na təlaper gəm wəzləreɗ temtem na Yawe Maŋgəlva namə, dəsangən vas faɗ a Israyel.

2Alabaraɗe Də Mabərkiziti 2:4

Ya gəla nədaŋgəla ərkaŋ na, wasan metiŋgini, vi Maŋgəlva nam metiŋgini daykiyit meŋgilveɗ pakə.

2Alabaraɗe Də Mabərkiziti 26:18

Aziweŋ aza məlĩ Oziyas, aɓsənən na: «Is Oziyas tə nawzla tursan sən Yawe ɓa, məsdəlveŋge kirtin Aron əŋgə məwelit sən wəzaŋka! Agil səddəv gəla salalaŋka, adan kəggbakək ma Yawe, is tat də gagdak aba Yawe Maŋgəlva ɓa!»

2Alabaraɗe Də Mabərkiziti 29:7

hã ndəɗaŋ maddembeɗe na gəla na memeŋgle kpuɓkpuɓ əmseti, amtetin lalamɗe, appanən gabba əzla tursan may əvəl nawzla kurmbuɗuk addəv Gəla na Maŋgəlva na Israyel.

Gəlyaɗe 141:2

Wəkkam naw dəsan abok va tursan, vaw an nəsilgəni, agilik va əvəl na moskoyo.

Əgilye 30:34

Yawe aɓsən Moyis na: «Agəm zəgeɗ məs məŋgənit nek sən kiyko: timbe na wəlaŋga neneke, gərəm mazakalyãkalyã, zəga məzəffok məs adawyaŋ na galbanum gəm zəga məffok neki wəɗak dakadaka adawsani.

Əgilye 30:6

Kəɗigən aba məzlzlara naka akoti na ɗerewel na wənmiyna, aba man naka miziwe məs nədawləm suk adaka.

Əgilye 30:8

Pay Aron adasɗe lalamɗe də pay piriŋpiriŋgi, dəzlagən tursan ɗayɗay aba Yawe aza sayit kirtukum.

Əgilye 40:27

Azlak tursan akan va Yawe aɗi wən nan sən Moyis.

Məsdəlveŋge 6:5

Offo na təki nawzaɓ Maŋgəlva tamə, adamta ɓa dəsangən gidigidi; də mompumo pak, məsdələv dəɗi sitgin motofɗe, dəzaɓangən əvəl nawzla kurmbuɗuku gəm dəzlagən slu məs səlhã azan na əzaɓ-Maŋgəlva nawrəh zazaya.

Əŋɗa 7:56

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Luka 1:9

məwelni də vẽpəlwa, va matuya adazba, vi kawtoŋ addəv gəla na Daya, kawzla tursan adaka.

Wəza net Masləŋɗe 6:4

Nam na, məzbangən əkkama gəm wəza na əpel na Maŋgəlva ɗayɗayə.

Əmsak aka Mahenziŋ 33:10

Tahəŋ iyaganən tiveɗnanziya nok sit mə Israyelɗe gəm mahenziŋ noko; tahəŋ əɗiyən tursan ama məŋkənko, gəm əvəl nawzla kurmbuɗuk aka təki na matuya noko.

1Samiyel 2:28

Səddəvit mahəlfaɗe na Israyel pak anan nəwel dəsangən məsdələv nawa, naddan a matuya, kawzla tursan, nawgul lukut na məsdələv abawa. Əvəl məhhətən an ɗiy na Israyel adawvayaŋ pak nəpsənək gəla na afuko.

1Samiyel 3:3

Lalam na Maŋgəlva dəɓəl əmta tagay ɓa. Samiyel tay ɗuffo addəv gəla na Yawe, a təki akoti na Maŋgəlva asani.