Əgilye 30:34 - Bible en Guidar

³⁴ Yawe aɓsən Moyis na: «Agəm zəgeɗ məs məŋgənit nek sən kiyko: timbe na wəlaŋga neneke, gərəm mazakalyãkalyã, zəga məzəffok məs adawyaŋ na galbanum gəm zəga məffok neki wəɗak dakadaka adawsani.

Əgilye 30:34 ပူးပေါင်းရင်းမြစ်များ

Nehemi 13:5

yaŋ appansən gədəv gəla taka metiŋgin məs adakkalan zəga lahəŋ addəvən va: əvəl də zəga na mabardaw, tursan, may hiŋgiɗ naɗɗa wəza addəv gəla na Maŋgəlva, makəlawan na haykəmari, mbazla na meketepe, gəm mẽlẽ, məs məɗiywən nan napsit mə leviɗe, may sit məyaŋ gəlya dit məgaŋ metiveɗi gəm an məsdəlveŋge adawgəmaŋgə.

Əgilye 25:6

mẽl nasɗa offo kerkeri, gaŋgəlya naɗɗa ara mẽl nappaya gəm nawzla,

Əgilye 30:23

«Akay tursan sən kiyko, mẽl va telembe məs əŋgiti kilo sle'i, sinnamom məs məŋgənən pəɗak nani, kilo sula də mani, goɗoŋgoy məs məŋgənən nenek kilo sula də mani.»

Əgilye 30:33

Ɗəf dəgəɗ tursan va ndəni, dəppay sən ɗəf ɗarə, asna kawgilgini yi səret ɗiy nani.

Əgilye 30:35

Kəɗɗagən ka tursan məslãhãn va əda na mədə tursan, lem, saksak, salala.

Əgilye 30:7

Aron dəzlagən tursan adak aza va təki addaŋ pakə, pay adawzeɓet lalamɗe, dəzlagəni.

Əgilye 31:11

Mẽl nappay na mahenziŋ, tursan nawzla na gəla na Maŋgəlva, va nəɗi suk wən nan pak adaɗɗanəni.»

Əgilye 35:15

Təki nawzaɓ-Maŋgəlva na tursan, dit zleŋɗe nani, mẽl nappay na mahenziŋ gəm tursan neneke nawzla də məteŋge na maddamba na gəla.

Əgilye 37:29

Agəɗək mẽl nappay na mahenziŋ salala, gəm tursan nawzla saksakə, as wəza na mədə tursani.

Gəlya net Gəlyaɗe 3:6

«Naway məzəzzan sə kapta-muyã hirtiŋhirtiŋ va enene, də məŋgənən fitfit va mẽle gəm va timbe na gegeriŋ, də tursan mətakaɗə na guwəŋ di?»

Isaya 43:23

Kəkisu time nawzaɓ-Maŋgəlva nok na əvəl nawzla kurmbuɗuk ɓa, kəgagdakaw də əzaɓ-Maŋgəlva mədan nok ɓa. Nəska wəlok nawkisu əvəl ɓa, ya nəyok də əttok tursan ɓa.

Məsdəlveŋge 16:12

dəndəgən slay offo nziliwnziliwi də kasliy səka təki nawzaɓ-Maŋgəlva naba Yawe naka gəm tursan nawzla mətakaɗən va ɗəf zloŋzloŋ sula, dəkegin balsən məzlzlara.

Məsdəlveŋge 2:1

An ɗəf tay əki əvəl na zəga na mabardaw sən Yawe, əvəl van dəsangən gəpa kukuɗ məman mẽl akan gəm telembe nawzla a matuya;

Məsdəlveŋge 2:15

Kəmə'gən mẽlẽ gəm kəɗigən zəga məffok nek akani, aski əvəl na zəga na mabardaw;

Məsdəlveŋge 24:7

Aka gəlan kpewwe taka pak kəɗigən zəga məffok neneke; dəsangən ka zəga naɗɗum akan a gəla peŋ; wasan ka way məhhətən sən Yawe;

Məsdəlveŋge 5:11

An ɗəf tay dit mukuɗuŋguleɗ sula ɓa awaniɓa biŋgeɗ na maha sula ɓa, waɓap əki gəpa zəga na kilo hoku ka matuya vi mambray an agəɗə. Adawmə mẽl ɓa gəm adawɗi tursan ɓa, vi matuya na mambray yi.

Əŋɗa 4:16

Ele'azar wətən məsdələv Aron dəzgəgən sləma aka mẽl na zəga nawkekeɓe' təkiya, tursan nawzla, əzaɓ-Maŋgəlva naɗɗa pay pak də zəga na mabardaw an məɗɗa pay pakə may mẽl nappay na mahenziŋ; ndəni nazlga sləma aka təki nassa də man nani gəm zəgeɗ en naddəvən beymeti, may aka gəla salala dit zəgeɗ en dulaŋ sənəni.»

Əŋɗa 7:14

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Matiye 2:11

Atoŋgoŋguk eŋgili, awlanənək wiyna dət man, Miryam. Agdukoŋguk afuŋ agagdakanənka. Yaŋ apələn ma gabal net apsənənək zəga, meleŋge də gaŋgəlnya, gəm tursan nani.