Əgilye 3:14 - Bible en Guidar

¹⁴ Maŋgəlva aɓsən Moyis na: «IN TAT MƏS NƏSAWA.» Yas amna: «Kənah sitgin mə Israyelɗe vaska: IN TAT dəslənu azokum.»

Əgilye 3:14 ပူးပေါင်းရင်းမြစ်များ

Ɗerewel na Yob 11:7

Nok wakərah kpukpum na va Maŋgəlva asan sa? Awaniɓa wakərah təstəs na Məzuɓappak sa?

Gəlyaɗe 68:4

Ya ɗiy en təstəs wannekeŋgi, waɗiyaŋ salalay aba Maŋgəlva, zit mamyãk mamyãk də ənneke:

Gəlyaɗe 90:2

Tak mossorgoɗe gugriɗ dərbaŋ ɓa, tak əsɗu dəlvafuŋ də enziya egge, far na sete, hã faɗə, istə Maŋgəlva.

Əgilye 15:3

Yawe məzəlpay. Yawe yi iya nani.

Əgilye 23:21

Asla zuko, aprəm mani, kədawdan sən gədəvən ɓa, wavvuyet tepelke nokum ɓa, vi tay də iya nawa.

Əgilye 3:13

Moyis aɓsən Maŋgəlva na: «Yaŋ in tat əddaw azet mə Israyelɗe, wanənah sit na: Maŋgəlva net afiŋgiɗkum dəslənu azokum. An anahaŋ suwənək na: mbari yi iya nan di na, mbar nədawneh sit di?»

Əgilye 6:2

Maŋgəlva anah sən Moyis na: Intə Yawe.

Əgilye 6:3

Nərbanək zu aza Abraham, aza Isak gəm aza Yakob va Maŋgəlva Məzuɓappak, nərban zu azet də iya naw Yawe ɓa.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Isaya 44:6

Aŋki an Yawe anahə, ndən məlĩ na Israyel məzukõhgit ɗiy nani, Yawe Məzuɓappak, intə wətəŋga, intə əbaymani. Dabər kiwa, Maŋgəlva tay maɓɓan ɓa.

Matiye 18:20

Vi a təki an ɗiy sula awaniɓa hoku akkalaŋ vi iya nawa, wanəsaw aweleŋgit adaka.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Yohanna 8:24

Vini nənah sukum na: Wakəmtaŋ addəv mambray nokum. Ya an kətafnən na Intə Iyna ɓa wakəmtaŋ addəv mambray nokum.

Yohanna 8:28

Yaŋ Yesu aɓsit na: An kəlawənək Wətən Ɗəfa, asna wakəsənnən na Intə Iyna, tay məs nədaɗɗa na kiyu ɓa, vaski Əbba ayeget su zəget məs nədawpeliŋki.

Yohanna 8:58

Yesu azlan sitik na: Gesiŋ gesiŋ nədawnah sukum: Tak muwani Abraham ɓa, in tatə.

2Korintus 1:20

Iynama na Maŋgəlva temtem pak ha'aw net addəvni. Vi dəndəni mədawnəh na Amin sən Maŋgəlva, vi gagdak nani.

Ibriɗe 13:8

Yesu Kristu məstakayi na ɗəfɗaŋga dəpaŋka gəm hã faɗə.

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.

Hənhən 1:4

Səza Yohanna sit gəleɗe na Maŋgəlva buhul na Asiya: Mbəlembəle gəm zazay dəsan sukum səza Maŋgəlva, ndən məs kakaŋka, məs dəsan lahəŋka gəm məs dədazani, gəm səzet əmpəsɗe buhul məs dəssoŋ aba mazaŋga na məlĩ nani,

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 4:8

Zəgeɗ memeyẽɗ poɗo neki, awandi pak tay də persleken sləre sləre, zit tərwəslə gəm kəladdivit pak hereti. Kapay də dəfəɗ pak awɓətaŋ dawtəlma ənəh na: Salala, salala, salala, Daya məlĩ Maŋgəlva ɓa, ndən məs dəsan farə, dəsan kakaŋka gəm dədazzani.