Əgilye 29:20 - Bible en Guidar

²⁰ Kətawgən wəla ndargayã, kəgəmgən mbel nan kənisgən aza mətekɗeke na sləma Aron gəm aza mətekɗeke na sləmet kirtin dəka dəzəŋ, aza vet mizilin dəzəŋ, tilit mizilin dəzəŋ; gəm kəksu'gin mbel ki təki nawzaɓ-Maŋgəlva tərwəslə.

Əgilye 29:20 ပူးပေါင်းရင်းမြစ်များ

Əgilye 29:19

Asna kəgəmgən ndargayã masula'ən may Aron dit kirtin dəɗiynəngən vet aka ki ndargayã vani.

Əgilye 29:21

Kəgəmgən mbel naka təki nawzaɓ-Maŋgəlva neki gəm mẽl nappaya, kəksu'gən aka Aron gəm aket lukutɗe nani, aket kirtini gəm aket lukuɗe net kirtin sap dəndəni, wassoŋ məweliti, ndən dit lukutɗe nani, kirtin dit lukutɗe net sap dəndəni.

Isaya 50:5

Daya Yawe akol suwək sləmawa, nəɓoŋ sən ɓa, nəmndaw dərɓe ɓa.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Məsdəlveŋge 14:14

Məsdələv dətefgin mbel na zəga nawzaɓ-Maŋgəlva navvuyon mambraya; dəɗisəngən ɗəf naslslay aka metekɗeke na sləman dəzəŋ, aka van mizilin dəzəŋ gəm aka tələn mizilin dəzəŋ.

Məsdəlveŋge 14:16

məsdələv dəgulgən van məttəl ɗəf ara mẽl naka van zlaɓay naka; dəksu'gən mə̃l nak də pərəm van təl buhul aba Yawe.

Məsdəlveŋge 14:17

Mẽl an dəpəl aka vani, məsdələv dəɗisəngən ɗəf naslslay aka metekɗek sləman dəzəŋ, aka van mizilin dəzəŋ gəm aka tələn mizilin, a təki aɗi mbel na matuya nawzaɓan mambraya.

Məsdəlveŋge 14:25

Dətawgən wəlat ndargayãk na matuya nawzaɓan mambraya; məsdələv dətefgin mbel na zəga na matuya nawzaɓan mambraya; dəɗisəngən ɗəf naslslay aka metekɗeke na sləman dəzəŋ, aka van mizilin dəzəŋ gəm aka tələn mizilin dəzəŋ.

Məsdəlveŋge 14:28

Məsdələv dəppaygən mẽl naka van sən ɗəf naslslay aza metekɗeke na sləman dəzəŋ, aka van mizilin dəzəŋ gəm aka tələn mizilin dəzəŋ, a təki məs məɗi mbel na zəga na matuya nawzaɓan mambraya.

Məsdəlveŋge 14:7

Dəksu'gin aka ɗəf məskokolo naslslay nak təl buhul; dərbangən na heslepe tay azan ɓa; dəppangən bəŋga an madaran dəveŋgin kəladdesl muyã.

Məsdəlveŋge 16:19

Dəksu'gin mbel aka təki nawzaɓ-Maŋgəlva də pərəm van təl buhulu, dəpeslgən vi mambray net mə Israyelɗe vi dəkkpaŋgən salala.

Məsdəlveŋge 8:23

Moyis atawək wəlani gəm atefik mbeli; aɗiyik aza mətekɗeke na sləma Aron dəzəŋ, aka van mizilin dəzəŋ gəm aka tələn mizilin dəzəŋ.

Məsdəlveŋge 8:24

Moyis eki kirtin Aron gəm aɗek mbel aza mətekɗeke na sləmet dəzəŋ, aka vet mizilin dəzəŋ gəm aka tilit mizilin dəzəŋ; gəm Moyis aksu'ik mbel ki matuya tərwəslə.

Markus 7:33

Yesu agilgənik sə walaŋgit ɗiyi, aziwginik takərgəni, aguluk pərəm van a sləmani, atufuk mefɗe arəŋgənək hərzləmən.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.