Əgilye 29:18 - Bible en Guidar

¹⁸ Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Əgilye 29:18 ပူးပေါင်းရင်းမြစ်များ

Va'Atəŋ 22:13

Abraham le'gən haran na, awla ndargayã yaŋ mərman aza mohon addəvit gaslambeɗi. Abraham tek kãw ərma ndargayã, aɗɗa əvəl nawzla kurmbuɗuk dəndən a gəla wətəni.

Va'Atəŋ 22:2

Yaŋ Amna: «Agəm Isak, wutuk karmalay məs kəŋgələŋka. Dok aka dələv na Moriya, ataw su wəlan adak ka əvəl nawzla kurmbuɗuk aka taka net mossorgoɗe gugriɗe an nədawna suko.»

Va'Atəŋ 22:7

Isak anah sən Abraham afən na: «Əbba», Abraham azlan səni: «In yakəŋkə wətuwa.» Yaŋ amna: «Slohõ dit motoffoɗe yeŋki; ya ŋgay wət time naɗɗa əvəl nawzla kurmbuɗuk van di?»

Va'Atəŋ 8:20

Nuwe arkək təki nawzaɓ-Maŋgəlva naɗɗa əvəl nawzla kurmbuɗuk sən Yawe. Agəmək sə weleŋgit zəgeɗ memeyẽɗ en nawzəm pakə, səret biŋgeɗ en nawzəma, aɗɗak əvəl nawzla kurmbuɗuk aka təki nawzaɓ-Maŋgəlva naka.

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

1Milyeŋge 18:38

Offo na Yawe abətka, ahhətək sluwa, sesemeɗi, gərmeŋge neki, burɗuku, gəm akorɓetik iŋkile sə vov neki.

1Milyeŋge 3:4

Məlĩ mbat a Gabawən kawzaɓ-Maŋgəlva adaka, vi adaki təki nawzaɓ-Maŋgəlva metiŋgini, Salomoŋ adək əvəl nawzla kurmbuɗuk aka matuya van dit zəgeɗ memeyẽɗ gabal.

Gəlyaɗe 50:8

Aka əzaɓ-Maŋgəlva nok nədawhõyok ɓa, əvəl nawzla kurmbuɗuk nok tay tepelle abawa.

Əgilye 29:17

Kətawangən ndargayã van də ngaɗakən, kəskoɓgən herɗen gəm tetewirgeni, kəɗiygin aket ngaɗakənɗe neki gəm aka kini.

Əgilye 29:25

Kətefgin səveti, kəzlagən aka matuya aka əvəl nawzla kurmbuɗuku, vi məŋgənən dəffeten səngən makra Yawe, ndəni way məhhətən sən Yawe.

Isaya 1:11

Mi nədaɗɗa də Maŋgəlva nokum kədawzaɓaŋ diyɗaŋ di? Yawe amna. Nəbək də əda əvəl nawzla kurmbuɗuk net timeŋgiɗi gəm səlhã net zəgeɗ memeyẽɗ mikirti. Mbel net medgeɗgeɗe, net timeŋgiɗi gəm net murgoŋɗe tay nek azaw ɓa.

Yeremiya 6:20

Mi tursan na Saba adawtər su gəm kevile məffok nek naka dələv faraɗa di? Əvəl nawzla kurmbuɗuk nokum tay əmbat su ɓa əzaɓ-Maŋgəlva kədawdaŋ tay nek azaw ɓa.

Məsdəlveŋge 1:17

Dəpəɗakgən sə walaŋ persleken pəɗak sula məza əboŋgon ɓa asna məsdələv dətosgən aka təki nawzaɓ Maŋgəlva aket motoffoɗe məkkpuɓit akoffo. Aska əvəl nawzla kurmbuɗuki yi, way məzlan kurmbuɗuk məzəffok nek aka Yawe yi.

Məsdəlveŋge 1:9

dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aski əvəl nawzla kurmbuɗuku, way məzlan məzəffok nek aka Yawe.

Məsdəlveŋge 4:31

Dətorgən səlhã nazan pak va adawtorun pay na əzaɓ-Maŋgəlva nawslere, məsdələv dəzlagən aka matuya ka tursan məzəffok sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 8:21

Moyis askoɓək zəga naddəvən gəm tetewirge aret iŋkile, azlak slu na ndargayã van dəwənnan aka matuya; ndəni əvəl nawzla kurmbuɗuk dəffeten səngən makrani, nan way məhhətən sən Yawe yi, va Yawe aɗi wən nan sən Moyis.

Məsdəlveŋge 9:24

Offo agilik səba Yawe azlak əvəl nawzla kurmbuɗuku gəm səlhã naka matuya. Ɗiy pak awlanənka; aŋzlaŋgək vaŋvəl sən ənneke yas appu'oŋ afuŋ də ma gidifti.

Markus 12:33

əŋgluwən də mokrok pakə, də maɗɗulok pakə, də gbogboŋ nok pakə, gəm əŋglu megge va əŋglu ki zuko. Ndəni dəday ki əzla əvəl nawzla kurmbuɗuku gəm əzaɓ-Maŋgəlva temtem pakə.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.

1Samiyel 7:9

Samiyel agəmək ndargayãk məzuwaɗa, adə əvəl nawzla kurmbuɗuk sən Yawe; Samiyel akkaman Yawe ammbet mə Israyelɗe, Yawe azlan sənka.