Əgilye 28:4 - Bible en Guidar

⁴ Vaŋ, adarmehnin lukutɗe veti: lukut na makra ɗəfa, lukut na daya net məsdəlveŋge, lukut silipi, lukut məgbəŋtəŋga məɓəslən, mətərkiya, gəm maslapa nagzeni. Vasna dərmahaŋgən lukutɗe na matuya sən məlmuk Aron, gəm net kirtini, vi dəɗɗaŋ suwəngən wəza na məsdəlva.

Əgilye 28:4 ပူးပေါင်းရင်းမြစ်များ

2Samiyel 6:14

Davit askələk zən soksok aba Yawe, gabaga na lukut na daya net məsdəlveŋge na helege na ngərayã Davit aynə egzen kaka'ə.

Əgilye 25:7

gərmeŋɗe nzoloknzoloku, gərmeŋɗe nawbay gawla aza lukut na daya net məsdəlveŋge gəm taɓak na makra lukut nani.

Əgilye 29:6

kətər səngən kiyən də mətərkiya, kəgəɗgən zəga nawsənən aza mətərkiya nawɗi nan aka wəza;

Əgilye 39:28

Gəm mətərkiya na ngərayã kukulfuto, zəgeɗ nawveret kulpupuɗe na məlĩ na ngərayã, fərŋgbəŋgbəŋɗe na ngərayã kukulfut məɗəmni.

Isaya 11:5

Təstəs gəm an dəslə wassoŋ sən va maslapa naynan dadakni.

Isaya 59:17

Aguluk təstəs azan va lukut na təbza, aɗupuk əkõh akan va kulpup na təbza. Agulik əmpəlkiya azan va lukutɗe; aguluk sələh azan va lukut məsilipi.

Hose'a 3:4

Vi mə Israyelɗe wassoŋ əzva diyɗa məza məlĩ ɓa, məza ɗəf daya ɓa, məza əzaɓ-Maŋgəlva ɓa, məza serek ɓa, məza lukut na wəza na daya net məsdəlveŋge ɓa may terafim ɓa.

Efesus 6:14

Məziw ziw kana, miynan dadakkum də gegesiŋ, mugul təstəs ka lukut na təbəza,

1Tesaloniki 5:8

Ya nam, mənam ɗiy na kapay, məga səm ki zəmə, mugul səm ətafa gəm əŋgla va lukut na təbza, əga nawkõh va kulpup nawgaya.

Hənhən 9:17

Vaŋki pilseŋge dit ɗiy məŋkoroŋ pilseŋge arban addəv ula: Tahəŋ dit lukutɗe nawgay azet pepreŋɗe va offo, tirtir va təki a disiŋ gəm va maməlma. Kiyit pilseŋge tay va kiyit ɓooluɗi. Beret tay əpor offo, enene gəm busuku.

1Samiyel 2:18

Samiyel nan tay əɗɗa wəza aba Yawe. Lukut na məsdələv na helege na ngərayã agulu.

1Samiyel 22:18

Yaŋ məlĩ anah sən Do'ek na: «Nok akkpaŋgə, abey məsdəlveŋge.» Do'ek mə Edom nak kpaŋgə, abey məsdəlveŋge nek dəvani. Ɗiy en nawguloŋ lukut na daya net məsdəlveŋge na ngərayã naɗɗa wəza na Maŋgəlva kaklaw dodopoɗo kiyit sle' abay dəpaska.

1Samiyel 23:6

Pay Abiyatar, wətən Ahimelek anzan aza Davit a Keyla na, akak lukut na məsdələv avani.

1Samiyel 30:7

Davit anah sən məsdələv Abiyatar, wətən Ahimelek na: «Aki su lukut na məsdəlva kamə.» Abiyatar aki sənək Davit.