Əgilye 28:36 - Bible en Guidar

³⁶ Kəvotgən miypa'a na meleŋge saksakə, kətiɗipgən azan va adawɗiyaŋ tampoŋ: «Məpsən Yawe»,

Əgilye 28:36 ပူးပေါင်းရင်းမြစ်များ

1Alabaraɗe Də Mabərkiziti 23:13

Kirtin Amram: Aron də Moyis. Aron məwelni dəgəɗgən wəza a təki salala diyɗa, ndən dit kirtin hã faɗə, kawzla tursan sən Yawe, kawsan aka wəza nani, gəm kaɗɗa wəzaɓ aket ɗiy də iya nan hã faɗə.

Gəlyaɗe 93:5

An kəziwgən sessel gesiŋgi. Gəla nok salala yi, Yawe, pay pak Maŋgəlva kənani.

Əgilye 19:6

Wakəssoŋ suwən ka məlĩ net məsdəlveŋge, Kirtindələv en salala. Aski əpel an kədawnah sit mə Israyelɗe.»

Əgilye 28:11

Mətaw gərəm dədawtip iya net mə Israyelɗe aketi, va adawɗiyaŋ tampoŋ; kəgulgin addəvit gəlet na meleŋge.

Əgilye 28:35

Aron iyi dədawgul lukut nan pay adaɗɗa wəza; ɓaɓəlmet motondoloŋɗe dəprəmgən pay atoŋ aba Yawe addəv təki nawzaɓ-Maŋgəlva, gəm an tay əgilyeni: vasna: amtə na ɓa.

Əgilye 28:37

kəɗɗaŋgən aka gabaga iŋkilen va əffuyo na muŋgus, dəsangən aka mətərkiya də bani.

Əgilye 28:9

Kəndəgən gərmeŋɗe nzoloknzolok sula, kəvergən iya net mə Israyelɗe aketi:

Əgilye 29:6

kətər səngən kiyən də mətərkiya, kəgəɗgən zəga nawsənən aza mətərkiya nawɗi nan aka wəza;

Əgilye 39:27

Aɗɗaŋgək lukutɗe na ngərayã kukulfuto, wəza na məskokono na gabaga sən Aron gəm sit kirtini.

Əgilye 39:30

Aɗɗaŋgək zəga nawsənən aza mətərkiya na meleŋge saksak nawɗi ɗəf aka wəza salala, məveri akan də əver na tampoŋ: Salala na Yawe.

Əgilye 39:31

Məŋgba'i halagak mənɗerət va əffiyo na muŋgus, kaŋgba'ən aka mətərkiya va Yawe aɗi wən nan sən Moyis.

Isaya 23:18

An arah gəm an məfaɗ səni, kepsini sən Daya. Kakkeleti ɓa, kawzeɓeti zaɓ ɓa, ərəh nan wasan ka nawzəm kpe' gəm əgul na sləma sit ɗiy məɗɗaŋ wəza aba Daya.

Ezekiyel 43:12

Vaŋki mahenziŋ na gəla na Maŋgəlva: aka dadwar ki gərma, aka va nan tərwəsl salalay diyɗa. Vaski mahenziŋ na gəla na Maŋgəlva asani.

Məsdəlveŋge 10:3

Moyis anah sənək Aron amna: Aŋki məs Yawe apel anah na: Salala naw warbə azet ɗiy nazawa, kawgagdakawi a maheret ɗiy pakə. Yas Aron asan ɓatə.

Məsdəlveŋge 19:2

Apelsən sap net mə Israyelɗe; anah sit na: Məssoŋ salala, vi in Yawe Maŋgəlva nokum salala nani.

Məsdəlveŋge 8:9

atər sənək kiyən də mətərkiya, aka mətərkiya nak də mirbizin, alawək uffiyo məzaɓən na meleŋge, dərbangən əɗi nan aka wəza, va Yawe aɗi wən nan sən Moyis.

Zakarya 14:20

Pay nan na, weweɗe net pilseŋge, əver wasan azet na: «Ammba Yawe əŋgə»; mesteɓeɗ naddəv Gəla na Yawe na, wassoŋ va maɗaweɗ aba gəlamatuya.

Ibriɗe 12:14

Məkayan əssa zay dit ɗiy pakə gəm əssa salala, vas ɓa na, ɗəf tay nawla Daya ɓa.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.