Əgilye 27:3 - Bible en Guidar

³ Kərkəgən kasliɗe na moŋglo na təki nawzaɓ-Maŋgəlva, ziginɗe, məɗawaɗe naksu' mbeli, zəgeɗ ma yorkok nampa sluwa, met kasliɗe; də təbəz pepreŋ kədaɗɗe zəgeɗis pakə.

Əgilye 27:3 ပူးပေါင်းရင်းမြစ်များ

1Milyeŋge 7:40

Huram agrakək əzeɓ mesteɓeɗi, ziginɗe nawnda moŋglo may hiliŋgiɗ nakso' zəga. Huram agrakək wəza net zəgeɗ nawgəɗ sən məlĩ Salomoŋ addəv Gəla na Daya pakə:

1Milyeŋge 7:45

Ŋgefleŋɗe, ziginɗe gəm kasliɗe, naksu' mbeli. Zəgeɗ Huram agəɗ sən məlĩ Salomoŋ addəv Gəla na Yawe pakə, na təbəz pepreŋ məkkẽhtin.

1Milyeŋge 7:50

Kasliɗe, zindaraɗe, kasliɗe naksu' mbeli, hiŋgiɗ net iŋkile, kasliɗe nawzla tursan, məɗɗet də meleŋge saksakə, zəgeɗ nawbay gawla aka ki maddamba na Gəla an salala day, gəm net maddambeɗe na Gəla na Maŋgəlva pak na meleŋgeŋ.

2Milyeŋge 25:14

Kasliɗe, ziginɗe, slõhoŋɗe, hiŋgiɗ na way dit zəgeɗ na təbəz pepreŋ naɗɗa wəza na Yawe pak andeninke.

2Milyeŋge 25:15

Daya net məzugaŋ nak andek zəgeɗ na meleŋge may na təbəz babara: masərgeɗ dit hiŋgiɗ naksu' zəga dənɗaŋ.

1Alabaraɗe Də Mabərkiziti 28:17

Təbzeŋge mayorkokɗe nawzəma, hiŋgiɗ naksu' zəga, hiŋgiɗ na meleŋge saksak va gagdak na hĩlĩw asan pakə, net hingiɗ na təbəz babara, va gagdak na hĩlĩw asani:

2Alabaraɗe Də Mabərkiziti 4:11

Huram agrakək əzeɓ mesteɓeɗi, ziginɗe nawnda moŋglo may hiliŋgiɗ nakso' zəga, yas agrakək wəza net zəgeɗ nawgəɗ sən məlĩ Salomoŋ addəv Gəla na Maŋgəlva:

2Alabaraɗe Də Mabərkiziti 4:16

ya mesteɓeɗi, ziginɗe nawnda moŋglo, təbəz ma yorkokku, Huram-Abi aɗɗek zəgeɗis pak də təbəz pepreŋ sən məlĩ Salomoŋ vi gəla na Yawe.

Əgilye 24:6

Moyis agəmək wəɗak net mbeli, azi addəvit hiliŋgiɗ nawsa zəga; madembirgit mbel na, aksu' sənək matuya.

Əgilye 27:19

Zəgeɗ naddəv gəlaŋ pak, təbəz pepreŋgi naɗɗan dəndəni, dədəkeɗ dəwən neti, dədəkeɗ na gəla zəknan də təbəz pepreŋgəŋgə.

Əgilye 27:2

Aka əŋzla nan poɗogən pakə, kəgəɗgən mohõŋɗe dəssoŋ sler dəndəni, kəkkəɗ sitgən təbəz pepreŋge.

Əgilye 27:4

Kəhũhsəngən gazway na təbəz pepreŋge, kəvotgən ndemeɗ gugriɗe na təbəz pepreŋ poɗo aza ma gazway poɗogən pakə.

Əgilye 38:3

Aɗɗek zəgeɗ na təki nawzaɓ-Maŋgəlva, kasliɗe na moŋglo, ziginɗe, məɗawaɗe naksu' mbeli, zəgeɗ ma yorkok nampa sluwa, met kasliɗe, də təbəz pepreŋ aɗɗe zəgeɗis pakə.

Məsdəlveŋge 16:12

dəndəgən slay offo nziliwnziliwi də kasliy səka təki nawzaɓ-Maŋgəlva naba Yawe naka gəm tursan nawzla mətakaɗən va ɗəf zloŋzloŋ sula, dəkegin balsən məzlzlara.

Əŋɗa 4:14

Dəɗiningin zəgeɗ naɗɗa matuya dənɗaŋ beymet akani, va: mazaŋzaŋɗe, zəga ma yorkok nampa slu sə koffo, ziginɗe, hĩlĩŋgiɗ nakso' zəga, zəgeɗ na təki nawzaɓ-Maŋgəlva gərakə. Dəpakəngən gəba na kilif metiŋgin məs adawyaŋ na dofeŋ akan bayman, dəgulingin zleŋɗe na təbəz nawslan təki nawzaɓ-Maŋgəlva vani.