Əgilye 25:8 - Bible en Guidar

⁸ Dərkaŋ suwəngən təki nawzaɓ-Maŋgəlva, wanəsaw a weleŋti.

Əgilye 25:8 ပူးပေါင်းရင်းမြစ်များ

1Milyeŋge 6:13

Wanəsaw aweleŋgit mə Israyelɗe, nəppet na ɗiy naw mə Israyelɗe ɓa.»

1Alabaraɗe Də Mabərkiziti 22:19

Kakaŋ na, məɗi mokrokum də zeŋgilokum aka əkayan Yawe Maŋgəlva nokum. Misili, mərka təki salala na Yawe Maŋgəlva, kawki akoti na wənmiyna na Yawe dit zəgeɗ na matuya na Maŋgəlva addəv Gəla an mərkan aka iya na Yawe.»

Əgilye 15:17

Wakəke kawɗiyit aka gərəm nawray voko. Yawe, təki kədassoko, kəzaɓanək salala. Yawe, Vokiy dəzaɓani.

Əgilye 15:2

Gbogboŋ naw də gəlya naw na Yawe yi. Əkõh naw na Maŋgəlva yi. Wanəgagdakan Maŋgəlva net afiŋgiɗwa də wəɗi kini.

Əgilye 29:45

Wanəsaw də gəla a weleŋgit mə Israyelɗe, wanəsaw ka Maŋgəlva neti.

Əgilye 29:46

Wasənnən na, intə Yawe Maŋgəlva net məs dəgilgit səka dələv na Eziptə, vi nəsawgən də gəla a weleŋti. «In Yawe Maŋgəlva neti.»

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Ezekiyel 37:26

Wanəziwgin wənmiyna na zazay dənɗaŋ; wasan wənmiyna an faɗ dənɗaŋgə. Wanəɗiye, wanəweti. Wanəɗi gəla naw a weleŋgit hã faɗə.

Ezekiyel 37:28

Asna ɗiy-ɗar wasənnən na intə Yawe nəɗi Israyel temme, pay nədawɗi gəla naw a weleŋgit hã faɗə.»

Ezekiyel 43:7

Aɓsu na: Wətən ɗəfa, aŋki gəla mazaŋga nawa, təki nawɗi təlwa məs nədawsaw aŋ awaleŋgit mə Israyelɗe faɗə. Mə Israyelɗe arnokonən na iya naw salalaŋ ɗah əmpa ɓa, ndəɗaŋ ɓa, milyeŋge net də əɗɗa polkoyo net ɓa, may də ki gəbeyit milyeŋge net məndəkit addivit gəleɗe-nettuyeŋge net ɓa.

Məsdəlveŋge 10:4

Yas Moyis aye may Mika'el gəm Elsafan, kirtin Uzziyel, madiya Aron, aɓsit na: midder aŋka! Mike milmiŋgiɗkum səba təki nawzaɓ-Maŋgəlva faraɗa səza dibirgidiki.

Məsdəlveŋge 21:12

Adawgilyen səddəv gəla na Maŋgəlva ɓa, vi adawraygən gəla na Maŋgəlva nan ɓa, vi məwelni də əpeslin də mẽl na Maŋgəlva nani. Intə Yawe.

Məsdəlveŋge 26:11

wanəɗi təki nassa naw awalaŋkum; nəzelkum na ɓa;

Məsdəlveŋge 4:6

Məsdələv dəyopgən pərəm van aret mbeli, dəkso'igin mbel vetis tel buhul aba Yawe aza məzlara na gəla salala.

Zakarya 2:10

Haya! Haya! Mənzoŋ səka dələv na kəla disiŋ, Yawe aɗiymani, vi də tapaslay pay poɗo nətəraygukum, Yawe aɗiymani.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Əŋɗa 5:3

Kəgilgitingəni, ɗəf mizilini, gulku, kəgilgitingin sə dibirgidiki. Adarnokonən dibirgidik net mə Israyelɗe məs nəsaw aweleŋtiŋ ɓa.»

Wəza net Masləŋɗe 7:44

Efiŋgiɗəm tahəŋ də gizlirke nalma də Maŋgəlva a kapta-muyã, va məs dəpel sən Moyis aɗi wən nan dəɗɗagən səɗek va an awələ.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Əmsak aka Mahenziŋ 12:11

A təki məs Yawe Maŋgəlva nokum awel nawɗi iya nani, adak kədawkiynən an nəɗi sukum wən nanəŋ pakə: Əvəl nawzla kurmbuɗuku, əzaɓ-Maŋgəlva nawzi mbeli, makəlawet zəgeɗ nawrəh nokum pakə, əvəl nokum də mokrokum paparə də zəga an kəweleŋ naɗɗa əvəl də wiynan mokum sən Yawe pakə.

Ibriɗe 3:6

Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

Yosuwa 22:31

Pinhas wətən məsdələv Ele'azar aɓsit kirtin Ruben dit kirtin Gad gəm kirtin Manase na: «Məsənək pay dəpaŋ na, Yawe tay a walaŋmə adan kəraygənən matuya na Yawe ɓaŋka. Mbaraka, kəɗɗaŋ zəga nawki ədagədəv na Yawe aket mə Israyelɗe ɓa.»

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.