Əgilye 25:30 - Bible en Guidar

³⁰ Way dəsan ɗayɗay aka tabəl a bawa.

Əgilye 25:30 ပူးပေါင်းရင်းမြစ်များ

1Milyeŋge 7:48

Salomoŋ aɗɗek zəgeɗ naddəv Gəla na Yawe pakə: gəlamatuya na meleŋge, tabəl nawɗi peŋɗe məki əvəl sən Maŋgəlva na meleŋge,

1Alabaraɗe Də Mabərkiziti 23:29

dəzgaŋgən sləma aka way napsən Maŋgəlva, əvəl na gəpa kukuɗo, peŋɗe məslepreke məza wuɗo ɓa dit en muye'it a kasliya də gato məslahãni gəm zəgeɗ nawsla gədəv zəga dit en nawsla zezek na zəga;

1Alabaraɗe Də Mabərkiziti 9:32

Səret mə Kehatɗe, milmiŋgiɗit meɓɓet məpsit wəza nawda peŋ napsən Maŋgəlva, va pay naffet amə' pakə.

2Alabaraɗe Də Mabərkiziti 13:11

Də pummo də moskoy pak tay ədaŋ əvəl nawzla kurmbuɗuk sən Yawe gəm tursan məfok neki, tay əɗinin peŋɗe aka tabəl an salala, əsɗenin lalamɗe səka təki nawɗiyit na meleŋge. Vi nam mənam tat ədawgən wəza na Yawe, Maŋgəlva namə, ya nokum na, kəzganənka.

2Alabaraɗe Də Mabərkiziti 2:3

Awle naw maw aka ərka gəla aka iya na Yawe Maŋgəlva nawa. Dəsan səngən zaɓ nawzla sən tursan abani, nawɗi sən əvəl an ɗayɗayə gəm əvəl nawzla kurmbuɗuk na mompumo gəm na moskoyo, na pay naffete gəm na təlaper gəm wəzləreɗ temtem na Yawe Maŋgəlva namə, dəsangən vas faɗ a Israyel.

2Alabaraɗe Də Mabərkiziti 2:4

Ya gəla nədaŋgəla ərkaŋ na, wasan metiŋgini, vi Maŋgəlva nam metiŋgini daykiyit meŋgilveɗ pakə.

Əgilye 35:13

Tabəl dit zleŋɗe nani dit zəgeɗ nakan pakə, gəm peŋ nabani.

Əgilye 39:36

Tabəl dit zəgeɗ nan pakə də peŋ nabani.

Əgilye 40:23

Aɗiyək ədor na peŋ taka aba Yawe akani, va Yawe aɗi wən nan sən Moyis.

Əgilye 40:4

Kəkiygən tabəl kəzaɓangəni, kəɗigən zəga nakani, kəkiygən zəga nawɗi lalam akan kəsɗegin lalamɗe nani.

Ezekiyel 41:22

Təki nawzaɓ-Maŋgəlva na wəlaŋga, əɓay nan metər taka də mani; zezek nan tay: metər taka, tay də wədoɗ nani; təlni, gəm zək nan na wəlaŋgay yi. Ɗəf nak aɓsu na: «Aŋ tabəli aba Yawe.»

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

Malakiya 1:7

Də wəki way mərnokun aka matuya nawa. Mənokum wənahaŋ na: «Də mi mərnokok di?» Mənokum tat ənahaŋ na: «Tabəl na Yawe na zəga ɗari yi.»

Əŋɗa 4:7

Dəpakaŋgən gabaga mənɗerin va əffuyo na muŋgus, dəɗiyaŋgən mawayɗe, hiliŋgiɗ net iŋkile, hinziwɗe gəm bəbərɗe nawpesl zəga aka tabəl vani.

Matiye 12:4

Va atoŋ addəv gəla na Maŋgəlva, azimin peŋɗe na ma tuya, məs ndəni awaniɓa ɗiy en dəndən tahəŋ də tive nawzimit abbər məsdəlveŋge kaka' ɓa ɓa sa?

Ibriɗe 9:2

Vi mənsləni gizlirke na gabaga gədəven sula. An daabəŋ məyani na təki salala, addəvən na, təki tay nawɗi lalamɗe gəm tabəl dit memtekeɗ mipsin Maŋgəlva akani.

1Samiyel 21:4

Miy avok kakaŋkəŋ di? Avay peŋɗe sle'i, awaniɓa an kərah pakə.»

1Samiyel 21:5

Məsdələv azlan sən Davit na: «Peŋ ɗar tay a vaw ɓa, peŋ məɗi sən Maŋgəlva na, nan tay hara, an ɗiy nok dəsapaŋ dit gil ɓa.»

1Samiyel 21:6

Davit azlan sən məsdəlva, aɓsən na: sessel va nədagilyew ɗayɗay ama əgaya: Mawrəŋgit gil ɓa, əmpa na gulomɗe net ɗiy naw salalaŋgə. Malaka aŋkəŋka ɗari yi, də as zlaŋ dayday na, dəpaŋ salalaŋgə aza an dəwəl sən wənəska.