Əgilye 25:22 - Bible en Guidar

²² Nələmgən də is adaka, səka man naka, sə weleŋgit kerubaɗe sula naka akoti na wənmiyna, wanənoh suk wəsəɓɗe en nədapsuk sit mə Israyelɗe.

Əgilye 25:22 ပူးပေါင်းရင်းမြစ်များ

Va'Atəŋ 18:33

Yawe ambatək adan agrak əzga meŋ də Abraham yas Abraham amil ananda.

2Samiyel 6:2

Yaŋ Davit asil ambat dit ɗiy nan pak a Ba'ala na Yuda, kawgəm akoti na Maŋgəlva sədaka, məs ayaŋ na: «Akoti na Yawe» net məzəlpaŋ na disiŋ, məs dəsan aket kerubaɗe.

2Milyeŋge 19:15

Hizkiya akkam aba Yawe, amna: «Yawe Maŋgəlva na Israyel, istə aket kerubaɗe, istə kaka' Maŋgəlva aket milyeŋge naka dələv pakə, vi istə kəzəməɗ disiŋ də dəlvafuŋgu.

1Alabaraɗe Də Mabərkiziti 13:6

Davit mbat dit mə Israyelɗe pak a Ba'ala, a Kiryat-Ye'arim na Yuda, vi kawgəm akoti na Maŋgəlva sədaka, məs Yawe asan aket kerubaɗe, a təki adawyanən iya nani.

Gəlyaɗe 80:1

Səza daya net məyaŋgəlya, əpel na miziwe Asaf məyan də gaŋgara, gəlyanalva.

Gəlyaɗe 80:2

Məzutaɗa na Israyel, aprəma. Is məzuke kirtin Yosef va gilewi, is məzusok aket kerubaɗe, awiɗi.

Gəlyaɗe 90:1

Wəkkam na Moyis, ɗəf na Maŋgəlva. Daya, va sayit ɗiy asani kəsokuk təki nassa namə.

Gəlyaɗe 99:1

Yawe tay əzəm məlyã: Ɗiy dəkkereŋgi! Aket kerubaɗe asani: dəlvafuŋ tay əkkere!

Əgilye 20:24

Noko, matuya na dələv kədarka, akani kədaɗɗa əvəl nawzla kurmbuɗuku, də əzaɓ-Maŋgəlva nawrah zazay dit gilew gəm wasliɗe noko. A təki nədarban iya nawa, wanəde azoko, wanəzaɓoko.

Əgilye 27:21

Addəv gizlirke nalma də Maŋgəlva, aba gabaga məzlzlarən dəɗaman akoti na wənmiyna, may Aron dit kirtin waɗiynən dəzləgən də moskoy hã təki dadaŋ aba Yawe: Mahenziŋ məs addəɗ na ɓay ammba sayit mə Israyelɗe faɗə.

Əgilye 30:36

Kətakaɗgən kuɗkuɗu, kəɗigən aba akoti naddəv gizlirke nalma də Maŋgəlva məs nədawləm suk adaka, dəsangən salala an faɗ vikum.

Əgilye 30:6

Kəɗigən aba məzlzlara naka akoti na ɗerewel na wənmiyna, aba man naka miziwe məs nədawləm suk adaka.

Əgilye 31:18

Adan agrak əpel də Moyis aka mossorgo na Sinay, apsənək kalaɓɗe narban wənmiyna sula, kalaɓɗe na gərəm məverit də pərəm va Maŋgəlva.

Əgilye 31:6

Yaŋ naw nəɗi Oholiyab, wətən Ahisamak zev Dan a maŋgavani, nəɗiyək maɗɗula a təki məs maɗɗula pak dəɗɗanəngən an nəɗi suk wən nan pakə.

Isaya 37:16

«Yawe Maŋgəlva na Israyel, istə aket kerubaɗe, istə kaka' Maŋgəlva aket milyeŋge naka dələv pakə, istə kəzəməɗ disiŋ də dəlvafuŋgu.

Ezekiyel 43:6

Nəprəmək ɗəf taka əpel su səddəv gəla na Maŋgəlva, aka ɗəf nak tay ziwwe a maŋgavawa.

Məsdəlveŋge 1:1

Yaŋ Yawe, səddəv gizlirke nalma də Maŋgəlva aya Moyis, apel dawnah sən na:

Məsdəlveŋge 16:2

Yawe anah sənək Moyisi: Anah sən Aron məlmuk na adawtoŋ addəv gəla na Maŋgəlva balsən məzlzlara aba ma akoti ɗarɗar ɓa, vasna, an nəgilik aka ma akoti addivit enene, amtə na ɓa.

Əŋɗa 17:4

Məsdələv Ele'azar hãs ənde mazaŋzaŋɗe na təbəz pepreŋ məs ɗiy məzlet arbaŋ neki, yaŋ məkepit kaɗɗet ka nawɗup aka təki nawzaɓ-Maŋgəlva.

Əŋɗa 7:89

Aka Moyis atoŋ a gizlirke nalma də Maŋgəlva vi kawpel də Daya na, aprəmək wəla ɗəf əpel sən sə disiŋ ki təki nawrəh zazaya, sə weleŋgit kerubaɗe sula. Təki nawrəh zəzay van aka ma akoti na ɗerewel nawsleri. Yaŋ adawpel səni.

Mətawaŋwəna 20:27

Yaŋ mə Israyelɗe assohõnən ma Yawe, vi aka pay nan na, akoti na wənmiyna na Maŋgəlva adaki yi.

1Samiyel 4:4

Yaŋ ɗiy aslənaŋ a Silo, sədak akiynən akoti na wənmiyna na Yawe Məzuɓappak na disiŋ dəsan aket kerubaɗe. Hofni də Pinhas kirtin məsdələv Eliya suleŋ tahəŋ adak də akoti na wənmiyna na Maŋgəlva.