Əgilye 25:20 - Bible en Guidar

²⁰ Maslay Kerubaɗe dəpparnəngən persleket kəla disiŋ vi kawzeŋ ara ma akoti də persleketi; dəssoŋgən heret aza zit sekseki, dulaŋgən dəza mani.

Əgilye 25:20 ပူးပေါင်းရင်းမြစ်များ

Va'Atəŋ 28:12

Assinke: wəlaŋ-maha yaŋ mətukun səfuŋ ŋgbusl a disiŋ; maslayɗe na Maŋgəlva tahəŋ əprikeŋgi, tahəŋ əpeŋgeŋ dəkani.

1Milyeŋge 6:23

Ndən gəɗe' kerubaɗe sula addəv Gəla salala nak dit wəleŋɗe na hereme; əɓay net metər sle' sle'i.

1Milyeŋge 6:27

Addak Gəla nak məɗi kerubaɗe nek kəleŋgili. Kerubaɗe vet, persleket məpparni: keruba maddaabəŋ, persleken tay əne' aza gəla, persleke masulet tam tay əne' aza gəla dahã; persleket sula meɓɓet naddak təki tay əne'eŋ aza ziti.

1Milyeŋge 8:7

Vi kerubaɗe apparnənək persleket aka təki məɗɗan vi akoti na Yawe, vi kawzeŋ ara akoti dit zleŋɗe nawslan dənɗaŋgə.

1Alabaraɗe Də Mabərkiziti 28:18

An dəwəl sən matuya nawzla tursan dəsan na meleŋge saksak də gagdak nani gəm an dəwəl sən zev mawta nawgaya, kerubaɗe na meleŋge məppar persleket pak pak aka akoti na wənmiyna na Yawe.

2Alabaraɗe Də Mabərkiziti 3:10

Agəɗək kerubaɗe sula addəv gəla an salala diyɗa də təbəz məhə̃sən, akkəɗ zit də meleŋge.

Əgilye 25:18

Kəzaɓgən maslay kerubaɗe sula na meleŋge; kəvotgin a metteɓ ma man nak dahãdahã.

Əgilye 25:19

Kəvotgən maslay kerubaɗe nek aza man dahãdahã; kəɗɗeningin maslay kerubaɗe vet ɗoŋgor ɗoŋgor aka man naka, aza metteɓ ma man dahãdahã.

Ezekiyel 1:20

Əddoŋ də təki səmyã aŋgəl nadda, təlit mawteɗ vet əsilyoŋ məstaka dənɗaŋ; vi əmpəs net zəgeɗ mederet vet addəv tilit mawteɗ veti yi.

Ezekiyel 28:14

Is keruba məɓayən məgə təkiya, nəɗikuk aka mossorgo metiŋ salala na Maŋgəlva, is tat lahəŋ ədaw addak slayoffo.

Matiye 24:31

Waslin maslayɗe nan də gozloro metiŋgini, wakkeletin məweleɗe nan səmmba tapaslay pay poɗo pak təŋ sə meteɓ ma dəlva hã a met təɓ man mbərən.

Yohanna 1:51

Aɓsən əmpa na: Gesiŋ gesiŋ nədawnah suko, akulanən disiŋ məkolən, maslayɗe na Maŋgəlva əpeŋgeŋ gəm əpurkoŋ aka Wətən Ɗəfa.

1Korintus 11:10

Sən aski guluk tədawsərət kiyita ərban gagdak na zilta, sən wən net maslayɗe.

1Korintus 4:9

In tat ulan na, Maŋgəlva aɗimək mənam maslənɗe a dərɓe, va ɗiy mətawwən namta aketi, mərbesəmi wil egge, a maheret maslayɗe də a maheret ɗiy pakə.

Efesus 3:10

Vi maɗɗula na Maŋgəlva va asan temtem pak dərbəgən kakaŋ azet ɗiy gugriɗ gəm azet milyeŋɗe na disiŋ sə kəlazet ɗiy na Maŋgəlva.

Kolosi 2:10

Dəndəni kərəhən zəga pakə. Daya yi aket deyeɗe gəm migil gagdaka.

Ibriɗe 1:14

Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Ibriɗe 9:5

Aka akoti vani, kerubaɗe dədarbanən gagdak na Maŋgəlva ateŋginik persleket aka man məs adaksu'oŋ mbel adak vi kavvuyon mambray net ɗiyi. Ya wəray tay nawpel akan kakaŋ taka taka ɓa.

1Piyer 1:12

Maŋgəlva arban sitik na, wənəs sit aneti ɓa, sukumi. Məɗɗaŋ wəza na wənəskəŋ məs kakaŋ mərban sukum də met ɗiy en dəki sukumən Alabara Neneke də gagdak na Zeŋgile Salala məs məslənən sə disiŋ. Maslayɗe dayday aŋglaŋ dəsənnəngən wən vanəŋka.

1Piyer 3:22

Nan ateŋgik a disiŋ tay aka va dəzəŋ na Maŋgəlva, tay əzəm məlĩ aket maslayɗe də aket gagdakɗe, də aket əɓapɗe.