Əgilye 24:8 - Bible en Guidar

⁸ Moyis agimik mbeli, ndən kusu'kusu' sit ɗiyi, amna: «Eŋkiŋ mbel na wənmiyna məs Yawe aynə də mənokum, aka wəpel temteməŋ pakə.»

Əgilye 24:8 ပူးပေါင်းရင်းမြစ်များ

1Milyeŋge 8:21

Adaki nəzaɓan təki nawɗi akoti məs wənmiyna asan addəvən an Yawe aziwgin dit afiŋgiɗim aka pay agilgit səka dələv na Eziptə.»

1Milyeŋge 8:9

Akoti vani, zəga tay addəvən maɓɓan abbər ki kalaɓɗe sula en Moyis azi addəvən a Horeb pay Yawe aziwgin wənmiyna dit ɗiy na Israyel, dərɓaga əgilye net sə Eziptə ɓa.

Gəlyaɗe 78:36

Ya meti dədawrakani, hərzlumit tay əwə sən wəna;

Əgilye 24:6

Moyis agəmək wəɗak net mbeli, azi addəvit hiliŋgiɗ nawsa zəga; madembirgit mbel na, aksu' sənək matuya.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Məsdəlveŋge 8:30

Moyis agəmək mẽl na mahenziŋ gəm mbel dəssoŋ aka təki nawzaɓ-Maŋgəlva, aksu'ik sən Aron gəm azet lukuɗe nani, azet kirtini gəm lukutɗe net sap dəndəni; awelik Aron, lukuɗe nani gəm awelik kirtini gəm lukuɗe neti.

Haggay 2:5

Va niynan a makraw nawgəɗ sukum gala əgilye nokum səka dələv na Eziptə, adan əmpəs naw tay a walaŋkum kədawgeslne'eŋ ɓa!

Zakarya 9:11

Nok pak dit mbel na wənmiyna nok nəgilgit məfərsəneɗ nok sə vov məza iŋkile addəvən ɓa.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Markus 14:24

Aɓsit na: Eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa.

Luka 22:20

Vas agəɗə'e dət huloŋguk nawsa zəga sə dərɓaga azəmən waya, amna: Huloŋkəŋkə, ndətə wənmiynan meleketeni miynan dit mbel naw məs dəggbo'oŋ vikum.

1Korintus 11:25

Vas agəɗə'e dət huloŋguk nawsa zəga sə dərɓaga azəmən waya, amna: Huloŋkəŋkə, ndətə wənmiynan meleketeni miynan dit mbel nawa. Pay məs kədawsaŋ səddəvət pakə, məɗɗa vi kəɗɗumowəngəni.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Əmsak aka Mahenziŋ 5:2

Yawe Maŋgəlva nam aziwginik wənmiyna nan də mənam a Horeb.

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Yosuwa 24:25

Pay dəpaski Yosuwa aziwgin wənmiyna dit ɗiy a Sikem, aɗi sit mahenziŋɗe dit əsərəkɗe.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.