Əgilye 24:6 - Bible en Guidar

⁶ Moyis agəmək wəɗak net mbeli, azi addəvit hiliŋgiɗ nawsa zəga; madembirgit mbel na, aksu' sənək matuya.

Əgilye 24:6 ပူးပေါင်းရင်းမြစ်များ

2Milyeŋge 17:15

Azgetinik mahenziŋɗe nan də wənmiyna nan məs aynan dit efiŋgiɗti gəm wən an aprəman siti; yaŋ azbanən zəga ɗarə, akkpaŋgaŋ tam va zəga ɗarə, gəm azbetin ɗiy-ɗar en tərwəsl kiyiti məs Yawe aɗi sit wən nan na kədaɗɗaŋ va net ɓa naka.

Gəlyaɗe 99:6

Moyis də Aron, aret məsdəlveŋge nani, gəm Samiyel aret miyaŋ iya nani, tahəŋ iyanən iya na Yawe, ndən əzlan siti.

Əgilye 12:22

Kəgəməngən Isop minan ndiɗi, kəyopnəngən aret mbel naddəv kasliya, kəppay sənəngən ki maddamba gəm wəleŋɗe na maddamba maŋgava dahãdahã, ya nokum na ɗəf adawgilyen siŋgil ananda ɓa, hã təki dadaŋgə.

Əgilye 12:7

Dəgimingən mbeli; dəppeyningən azet wəleŋɗe na maddamba dahãdahã, aka kiyit maddambeɗe na gəleɗe məs adawzəman addivti.

Əgilye 24:8

Moyis agimik mbeli, ndən kusu'kusu' sit ɗiyi, amna: «Eŋkiŋ mbel na wənmiyna məs Yawe aynə də mənokum, aka wəpel temteməŋ pakə.»

Əgilye 29:16

Kətawgən wəla ndargayã, kətefgin mbel nani, kəksu'gin ki təki nawzaɓ-Maŋgəlva tərwəslə.

Əgilye 29:20

Kətawgən wəla ndargayã, kəgəmgən mbel nan kənisgən aza mətekɗeke na sləma Aron gəm aza mətekɗeke na sləmet kirtin dəka dəzəŋ, aza vet mizilin dəzəŋ, tilit mizilin dəzəŋ; gəm kəksu'gin mbel ki təki nawzaɓ-Maŋgəlva tərwəslə.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Məsdəlveŋge 1:11

Dətawgən wəlan də disiŋ ki təki nawzaɓ-Maŋgəlva, aba Yawe; asna məsdəlveŋge, kirtin Aron, dəksoningin mbel na zəga van ki təki nawzaɓ-Maŋgəlva tərwəslə;

Məsdəlveŋge 1:5

Dətawgən wəla wasli van aba Yawe; as kan na məsdəlveŋge, kirtin Aron dəgimingin mbel veti, dəksoningin mbel vet sulək ki təki nawzaɓ-Maŋgəlva məs dəsan a maddamba na gizlirke nalma də Maŋgəlva.

Məsdəlveŋge 3:2

Dəɗigən van aka ki zəga mamayã nawvəl nani, dətawgən wəlan a ma tive na gizlirke nalma də Maŋgəlva; asna məsdəlveŋge, kirtin Aron, dəkso'ingin mbel ki təki nawzaɓ-Maŋgəlva tərwəslə.

Məsdəlveŋge 3:8

Dəɗigən van aka ki zəga mamayã na əvəl nani, dətawgən wəlan aba gizlirke nalma də Maŋgəlva; asna kirtin Aron dəkso'ningin mbel nan ki təki nawzaɓ Maŋgəlva tərwəslə.

Məsdəlveŋge 4:6

Məsdələv dəyopgən pərəm van aret mbeli, dəkso'igin mbel vetis tel buhul aba Yawe aza məzlara na gəla salala.

1Korintus 11:25

Vas agəɗə'e dət huloŋguk nawsa zəga sə dərɓaga azəmən waya, amna: Huloŋkəŋkə, ndətə wənmiynan meleketeni miynan dit mbel nawa. Pay məs kədawsaŋ səddəvət pakə, məɗɗa vi kəɗɗumowəngəni.

Kolosi 1:20

Dəndən aŋgəl əsleren zəga pak də zək nani, səza aziwgin zazay dit mbel na məzliwrihe nani, dəssoŋ zəgeɗ naka dəlvafuŋ, dəssoŋ zəgeɗ na disiŋ zlaŋ.

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 8:9

Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.

Ibriɗe 9:18

Vaski wənmiyna an məzvan zək nan məziwgini məza əksu' mbel ɓa ɓa.

Ibriɗe 9:19

Səza Moyis aŋɗan an məziwgin sit ɗiy pak va aza mahenziŋ, ndən mbel net kirit wasliɗe mãy net porsokɗe gəmə, siske agim iŋkile, deɓekeɗ pepreŋɗe na time gəm isop aksu' aka ɗerewel zək nani gəm aket ɗiy pak,

Ibriɗe 9:21

Siske aksu' mbel sən gizlirke na gabaga gəm sit zəgeɗ naɗɗa wəza nawɗi ki Maŋgəlva.

1Piyer 1:19

Ya də mbel na sləma na Kristu iyi, məs dəssoŋ va na ndargayã məs heslepe tay azan ɓa gəm tay məs dəray azan ɓa.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.