Əgilye 24:12 - Bible en Guidar

¹² Yawe anah sən Moyis na: «Apeŋ azaw aka gərəm aŋ kəsokgən aŋka, vi nəpsukgən kalaɓɗe: Mahenziŋ də əpel na ənziya məs nəver vi kawyegeti.»

Əgilye 24:12 ပူးပေါင်းရင်းမြစ်များ

1Milyeŋge 19:11

Yaŋ amna: «Agil aziw aka gərəm aba Yawe; Yawe yaŋka watoŋgu.» Barkataŋ metiŋgin mbiwmbiw aɓletik gərmeŋge, awiɗihik milɓeɗ aba Yawe; Yawe tay addəv barkataŋgəs ɓa. Sədərɓaga barkataŋ, əɓla na dəlva, Yawe tay addəv əɓla na dələv ɓa.

Ezra 7:10

Vi gesiŋ nan na Ezra, appanək makran, aka wəkayan mahenziŋ na Yawe, wəzbani, gəm əyagan mahenziŋɗe sit ɗiy, gəm va asərəkaŋ əɗɗaŋ a Israyel.

Nehemi 9:13

Yaŋ Kəpirik aka mossorgo metiŋ na Sinay, kəpel dənɗaŋ hã sə disiŋ; kipsit tivenanziya an sarara gəm mahenziŋɗe na gegesiŋ, tiveɗnanziya kəɗiyə gəm an kəɗi moggon temtem naɗɗa.

Nehemi 9:14

Kərban sitik pay naffet an na salala noko gəm an kəɗi temtem naɗɗa, may əhãy temtemi, may mahenziŋ kipsit də va gawla nok Moyis.

Gəlyaɗe 19:12

Wakol sənənən hara gawla nok pak bodoŋgu; watər sən wəray diyɗa dawɓesiti.

Əgilye 19:3

Yas Moyis apeŋ aza Maŋgəlva. Yawe ayak səka mossorgo metiŋ, amna: «Vaŋ kədawnah sən gəla na Yakob, kəboton sitgən mə Israyelɗe:

Əgilye 24:15

Moyis peŋ aka gərma; yaŋ slaybuwən asərət ki gərma,

Əgilye 24:18

Moyis toŋ addəv slaybuna, peŋ aka gərma. Moyis asanək aka gərəm əsɓəta kaklaw poɗo, əvoŋ kaklaw poɗo.

Əgilye 24:2

Moyis yi kaka' nawzar go'o aza Yawe; net adawzar azan ɓa, ɗiy adawpegeŋ dəndən ɓa.»

Əgilye 31:18

Adan agrak əpel də Moyis aka mossorgo na Sinay, apsənək kalaɓɗe narban wənmiyna sula, kalaɓɗe na gərəm məverit də pərəm va Maŋgəlva.

Əgilye 32:1

Ɗiy awlanən na Moyis aliyək dəpriken səka mossorgo, yaŋ ɗiy akkalaŋ aza Aron, aɓsənən na: «Asili, azaɓ səm meŋgilveɗ dədawdawaŋ abamə, vi Moyis ɗəf dəgilgəm səka dələv na Eziptəŋ məsən an dəɗɗa ɓa.»

Əgilye 34:1

Yawe aɓsən Moyis na: «Asləm kalaɓɗe na gərəm sula va en na maddaabəŋ, nəvergən əpel naket kalaɓɗe na maddaabəŋ məs kəkrap neki.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Matiye 5:19

Ɗəf an dəzelen mahenziŋ akən muzliyəkə, awaniɓa arban sit ɗiy dəɗɗaŋgən vaska, nan wasan muzliya addəv məlĩ na Maŋgəlva. Ya ɗəf an dərma wən nani, arbanək sit ɗiy dərmanəngən wən nan vaska, nan wasan ɗəf metiŋgin addəv məlĩ na Maŋgəlva.

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

2Korintus 3:7

Ya an wəza namta məverin dəver aket gərmeŋge tay də gagdaka hã mə Israyelɗe awɓap əzinən heret aka hara Moyis ɓa sən əwiɗ na haran məs anzi na ɓa dərəŋ na,

Əmsak aka Mahenziŋ 4:14

Pay nan dəpas na, Yawe aɗi suwək wən nan kawyeget sukum mahenziŋɗe dit tiveɗnanziya, vi kərmeningin addəv dələv məs kədaddoŋ adak kawmõhən ka nokum.

Əmsak aka Mahenziŋ 5:22

Wəpelɗeski, Yawe dəpel səka gərəm səddəv offo, səddəv slaybuna gəm guzliyo, sən əkkal nokum pak də wəlan koɓo'koɓo'u, tay akip aket ɓa; averik aket kalaɓɗe sula, apsuwe.

Əmsak aka Mahenziŋ 5:31

Nok na, asok aŋ də ina; nənoh sukgən əpel na ənziya pakə, mahenziŋɗe dit tiveɗnanziya məs kədawyagan sit dəɗɗaŋgən wəza dənɗaŋ addəv dələv an nədapsitiŋka, vi dəgəməngən ka neti.»

Ibriɗe 9:4

də zəga nawzla tursan na meleŋge gəm akoti na wənmiyna məkkəɗ sən meleŋge. Addəv akoti vani, hinziw na meleŋge tay adak də manhu addəvən, gəm zleŋge məndəfən na Aron, gəm kalaɓɗe sula də wənmiyna aketi.