Əgilye 24:11 - Bible en Guidar

¹¹ Ɗiy məsɓet na Israyelis, Maŋgəlva dəgəɗ sit zəga ɓa; asəŋgləkanənək Maŋgəlva, ndəɗaŋ namnamə, hərəh hərəhə.

Əgilye 24:11 ပူးပေါင်းရင်းမြစ်များ

Va'Atəŋ 16:13

Hagar təyak na Yawe məs dəpel suwa: «Istə Maŋgəlva məzuluwa.» Vi tənahək ɗah na: «Aŋ nula gesiŋ, dərɓaga awluwəŋ sa?»

Va'Atəŋ 18:18

Abraham wakkpaŋ vanday metiŋgin gboŋgboŋgu, vanday naka dələv pak warahaŋ əzaɓ ammbani,

Va'Atəŋ 31:54

Yakob azaɓək-Maŋgəlva aggərma. Ayek milmiŋgiɗin aka peŋ; azəmənək peŋ, ndəɗaŋ kim aggərəm adaka.

1Milyeŋge 21:8

Ndət ɗerewelɗe verver aka iya na Akab, təɗi vat aket də ndama nan tusso; təslin ɗerewelɗe nek aket ɗiy naba məlyã, ɗiy məsɓet na walaŋgəla-metiŋ nani, məs dəssoŋ a təki taka də Nabot.

2Alabaraɗe Də Mabərkiziti 23:20

Yoyada əmpa ande deyeɗe naket məzəlpaŋ səkat pakə, may ɗiy en də sləmeti gəm ɗiy en də gagdak aket ɗiyi gəm ɗiy naka dələv van baymeti; aprikgin məlĩ səddəv gəla na Yawe, atoŋgoŋ addəv gəla na məlĩ kəla maddamba mətiŋ, asugənən məlĩ aka mazaŋga na Məlyã.

Nehemi 2:16

Ɗiy naba məlĩ dəsənnən aŋga ndaw di, may mi ndaw əɗɗa di ɓa, vi aka dəpas na, tay məs nənah sit mə Yudeɗ ɓa, sit məsdəlveŋge ɓa, ɗiy na meŋgle na məlĩ ɓa, ɗiy naba məlĩ ɓa may sit meddembirgit məɗɗaŋ wəza ɓa.

Gəlyaɗe 139:5

Dərɓagaw də dəbaw pak kətakawka, kəɗiyək vok akawa.

Əgilye 18:12

Yetro, dəhən Moyis, aɗɗak əvəl nawzla kurmbuɗuk gəm əzaɓ-Maŋgəlva sən Maŋgəlva, yas Aron dit ɗiy məsɓet na Israyel azzoŋ pak kawzəm peŋ də dəhən Moyis aba Maŋgəlva.

Əgilye 19:21

Yawe anah sən Moyis na: «Aprik anah sit ɗiyi, vi adaggaraŋ də kakara kiyit meŋge əpeŋ kawla Yawe ɓa, wəmta wagəɗ diyɗa aweleŋti.

Əgilye 24:1

Yawe aɓsən Moyis na: «Apeŋ azawa, isi, Aron, Nadab gəm Abihu, dit ɗiy məsɓet net mə Israyelɗe kaklaw buhulu, kəgdukoŋgən kup səka faraɗa.

Məsmaɗula 9:7

Doko, azəm way nok də ənneken zuko, asa mbazla nok də mokrok taka, vi Maŋgəlva atafək wəza nok səkay.

Yeremiya 14:3

Deyeɗe aslinik belemɗe net əmbaɗ iŋkile. Ambataŋgək ama bobok dərəhaŋ iŋkile ɓa. Ndəɗaŋ buryok gagiya net mekeleŋ, wil adeninke, zit so'or so'oru, asərətənək kiyti.

Daniyel 10:17

Mbari in gawla aba ɗəf ɗar nədawɓap əpel də daya naw di? Ya naw kakaŋ na gbogboŋ tay azaw də əmpəs ɓa.

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Əŋɗa 21:18

Vov net iŋkile məs milyeŋge aso'oŋgu, məs gebbet milyeŋge atilikeŋ dit zleŋɗe na məlĩ neti, dit mikkeɗe neti.» Sə kapta-muyã na, addoŋ a Mattana;

Əmsak aka Mahenziŋ 12:7

Kəzəmnəngən adak aba Yawe Maŋgəlva nokum, zukum dənnekgən də gəla nokum də zəga an kəɗɗaŋ pakə, vi Yawe Maŋgəlva nok azoɓokko.

Əmsak aka Mahenziŋ 4:33

Ɗiy tahəŋ dəprəmaŋ wəla maŋgəlva ɗah dawpel səddak offo va nok kəprəma, ndəɗaŋ ɗew mederet sa?

Mətawaŋwəna 13:22

Mano'ah aɓsət ɗak nan na: «Nam məmtək səkay, vi mulak Maŋgəlva.»

Mətawaŋwəna 5:13

Yaŋ en dəkõhoŋ apurkoŋ ezet milyeŋge, Yawe aɗɗak ka nəskəgən wəla aket ɗiy gembereɗi.