Əgilye 24:10 - Bible en Guidar

¹⁰ Awlanənək Maŋgəlva na Israyel, təki məkkəɗən ammba tələn dit gərmeŋge adawyaŋ na safir tiyir səɗek va təki a disiŋ.

Əgilye 24:10 ပူးပေါင်းရင်းမြစ်များ

Va'Atəŋ 32:30

Yakob assohõni: «Kamə, arban su iya noko.» Amna: «Kamən kədassohõn iya naw di?» Aɓuh sən ma eske van ləŋgə.

Va'Atəŋ 32:31

Yakob alvan təkiyəs na Penuwel va wənəh na Hara Maŋgəlva, vi «nulak Maŋgəlva haraw də harani, yaŋ zeŋgilew akõhũ.»

1Milyeŋge 22:19

Amna: «Aprəm əpel na Yawe dərəŋgə. Nulak Yawe tay ɗewwe aka mazaŋga nan dit məzəlpaŋ na disiŋ ziwziw a maŋgavani, dəka dəzəŋ gəm dəka zlaɓay.

2Alabaraɗe Də Mabərkiziti 6:17

Gəgaŋ na, Yawe Maŋgəlva na Israyel, asɓan əpel nok an kəpel ammba gawla nok Davit!

Əgilye 24:11

Ɗiy məsɓet na Israyelis, Maŋgəlva dəgəɗ sit zəga ɓa; asəŋgləkanənək Maŋgəlva, ndəɗaŋ namnamə, hərəh hərəhə.

Əgilye 3:6

Yaŋ amna: «Intə Maŋgəlva na afuko, Maŋgəlva na Abraham, Maŋgəlva na Isak, Maŋgəlva na Yakob.» Moyis aɗamanək harani, vi tay əgeslne' dawla Maŋgəlva.

Əgilye 33:20

Amna: Kəɓap na ula haraw ɓa, vi ɗəf tay nawlu ndən ɗew madaran ɓa.»

Əgilye 33:23

Wanəgəm vaw səkoko, gəɓaw kədawla, kula na haraw ɓa.»

Gəlya net Gəlyaɗe 5:14

Van tay va mipa'a na meleŋge Məzaɓən na sləma də təbəz maməlma. Gədəvən tay babar ndasl va gozlobekne məkkəɗsən zəga titir va təki a disiŋ.

Gəlya net Gəlyaɗe 6:10

«Nawattə məzərban zət va bapummo, lalawək va təla, məzəwiɗ va pay məzuzlagən makra ɗəf va gabaga narban wəgay di?»

Əɓuhma 4:7

Hã day ki ɓeɓrezlerizze deyeɗe nan adawiɗeŋ lahəŋka babar day ki moŋvo. Badak zit pərreŋgi day ki ambalyãmbalyã heret tay va gərəm Safir.

Ezekiyel 1:1

Aka əzva makaklaw hoku, təla mapoɗon də wəvoŋ nan sle'i, in tat aret ɗiy mərmeti, go'o də məlpa Kebar; disiŋ akolko, yaŋ Maŋgəlva arbə su ula.

Ezekiyel 10:1

In təm na: zəga yaŋ vit va gərəm masalay-masalay aka təki berŋgeŋge na disiŋ kiyit kerubaɗe naka, zəga dəgil va mazaŋga na məlĩ tay ərban zən aketi.

Daniyel 10:17

Mbari in gawla aba ɗəf ɗar nədawɓap əpel də daya naw di? Ya naw kakaŋ na gbogboŋ tay azaw də əmpəs ɓa.

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Matiye 17:2

Gəɓa zən akkpaŋgək a mahereti. Haran tay əwiɗ va paya, lukutɗe nan kpaŋgaŋ əwiɗ babarɗe ndasl va əkeɗeɗe'e.

Yohanna 1:18

Ɗəf tay dula ɗah Maŋgəlva ɓa. Ya Wətən karmalay, dəsan Maŋgəlva addəv Afəni, ndəni dərbani.

Yohanna 14:9

Yesu aɓsən na: Filip nənziyək də munokum diyɗa, yaŋ kəmna kəsənu ɓa? Ɗəf duluwa, awlak Afəni. Mbarmbar nok kədawnəh na arban səm Afəni di?

Yohanna 6:46

Ɗəf tay dula Afən ɓa, abbər məs dəde səza Maŋgəlva yi, ndən dula Afəni.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

1Yohanna 4:12

Ɗəf tay dula Maŋgəlva ɗah ɓa. Ya an mənam tat əŋglu zəmə, asna Maŋgəlva tay addəvmə, əŋgla nan wasan gərrak addəvmə.

Hənhən 1:16

Ngərzleɗ tahəŋ buhul dəka van dəzəŋ kãwwã, masalam məs man sula agilik səmani. Haran əwiɗ va pay aka tataŋpaya.

Hənhən 21:11

Walaŋ gəla nan tay wiɗ də gagdak na Maŋgəlva, uwiɗ nan tay va gərəm na sləma, va gərəm məs adawyaŋ na yaspa kəɗeslkəɗesl va darawgal.

Hənhən 4:3

Ɗəf dəsan akan vani, tay əwiɗ va gərəm Yaspi gəm va gərəm sardiya. Məzzəɗa tay ki mazaŋga na məlĩ nan van tərwəslə, əwiɗ nan va gərəm imaradi.