Əgilye 23:31 - Bible en Guidar

³¹ Wanəɗi suk dələv nok təŋ sə pehe net vəlarɗe gap pehe net mə Filistiɗe, təŋ sə kapta-muyã gap a məlpa guzlo, vi wanəppet ɗiy naka dələv ammba vok kərɓehetigin suboko.

Əgilye 23:31 ပူးပေါင်းရင်းမြစ်များ

Va'Atəŋ 15:18

Pay nan dəpaska, Yawe aɗiyik wənmiyna də Abram vaŋka: «Sən mazlalwõki nədapsən dəlvəŋka, təŋ sə məlpa na Eziptə hã gap Efrat, məlpa metiŋgini

1Milyeŋge 11:2

Gilis pak səka guw temtem məs Yawe anah sit mə Israyelɗe na: «Kədawtoŋgoŋ aweleŋgit ɓa, adawtoŋgoŋ awalaŋkum ɓa, vas ɓa na, wakkpaŋgakumən azet meŋgilveɗ neti.» Salomoŋ asap azet na sən əŋgla gil nanəŋki.

1Milyeŋge 20:13

Yaŋ məskəleŋ maɓɓan azar go'o aza Akab məlĩ na Israyel, amna: «An Yawe anah yaŋka: Kulak vandayəŋ ɓa sa? Wanəpsuk avok dəpaŋka, wakəsən na, intə Yawe.»

1Milyeŋge 8:65

Aka təla mabuhulonəski, Salomoŋ aɗɗa wəzləra net guɗukɗe sap dit mə Israyelɗe ŋgboŋ diyɗa; azzoŋ sə Lebo-Hamat gap məlpaŋgək na Eziptə. Azləraŋgək lumu taka, gəm lumu taka əmpa, aba Yawe Maŋgəlva, vasna, əvoŋ kəlaw kiyən poɗo yi aɗɗaŋgə.

2Alabaraɗe Də Mabərkiziti 9:26

Askak wəlet milyeŋge baymet təŋ səza məlpa metiŋ, hã aka dələv net mə Filistiɗe gəm hã aket meŋge də Eziptə.

Gəlyaɗe 72:8

Dəsan məlĩ aka pehe hã aka pehe, təŋ səka məlpa hã təki dələv abaymani

Əŋɗa 21:34

Yawe aɓsən Moyis na: «Kəgeslne' sən ɓa! In tat əpsuk ammba voko, ndəni, ɗiy nan beymeti gəm dələv nani; Kəɗɗa səngən va kəgəɗ sən Sihon məlĩ net mə Amorɗe məs dəsan də gəla a Hesbon naka.»

Əŋɗa 34:2

«Aɗi wənəŋ abet mə Israyelɗe, kənah sitgən na: pay kəltoŋgoŋ aka dələv na Kana'an na, dələv an nawsan ka nokum yaŋka: dələv na Kana'an dit meŋge nan vaŋka.

Əmsak aka Mahenziŋ 1:7

Məkkpaŋ kəddoŋgən ətoŋ aggərəm net mə Amorɗe, anet meggeŋgiɗit da a Araba, a walaŋ gərma, a təki məpəlayya, də Dohoŋ, gəm ama Pehe aka dələv net mə Kana'anɗe, gəm a Liban, hã gap ama məlpa metiŋ Efrat.

Əmsak aka Mahenziŋ 1:8

Mula, nəppanək dəlvəŋ abokum. Məddoŋgu, kətafnəngən dələv məs Yawe asway sit may Abraham, Isak, Yakob efigiɗkum. Kapsiti gəm sit kirtit dərɓegeti.»

Əmsak aka Mahenziŋ 11:24

Təki məs gədəv təlkum aɗi pak wasan sukum; wasan təŋ sə kapta-muyã, də Liban, təŋ sə məlpa na Efrat ŋgbusl a ma pehe naddak təkiya dəmmba pay na moskoy wasan dələv nokum.

Əmsak aka Mahenziŋ 2:33

Yawe Maŋgəlva nam apsəmək avamə; məskak wəlan ndən dit kirtini, gəm ɗiy naka dələv nan pakə.

Əmsak aka Mahenziŋ 2:36

Gəm sə Arower, ama lolohõ na Arnon, gəm sə walaŋgəla-metiŋ zimiɗɗə ama lolohõ vanəs hã ŋgbusl a Galad, walaŋgəla-metiŋ tay dəggbak zən azam ɓa: Yawe Maŋgəlva nam apsəmək avam humsuku.

Əmsak aka Mahenziŋ 20:16

Walaŋgəleɗe net ɗiyiŋ məs Yawe Maŋgəlva nok apsuk ka nokuŋ na, ndəɗaŋgə kaka' məs kəpəl na ɗəf təttaka madaran adak ɓa.

Əmsak aka Mahenziŋ 3:2

Yawe aɓsu na: «Kəgeslne' sən ɓa, vi nəppanək ammba voko, ndəni, ɗiy nani gəm dələv nani, kəgəɗ səngən va kəgəɗ sən Sihon, məlĩ net Amorɗe dəsan a Hesbon.»

Əmsak aka Mahenziŋ 6:19

də ərɓehet məzuzelɗe nok pak faraɗa səzok va Yawe anahə.

Əmsak aka Mahenziŋ 9:3

Wakəsən dəpaŋ na, Yawe Maŋgəlva nok dədawtoŋ abok va offo məpalkat zəga; ndəni dədawzeti gəm kaska wəlet səboko. Asna wakəmõhẽti, wakəzet də kakara va Yawe apel suko.

Yosuwa 1:4

Təŋ sə kapta-muyã gəm dələv na Liban hã gap aza məlpa metiŋ Efrat, dələv net Hittiɗe baymani, dəlgən a pehe naddak təkiya, dəmmba pay na moskoyo, vas dələv nokum adawsani.

Yosuwa 10:19

Ya nokum kədawziweŋ ɓa, məzbet meseŋgiɗkum, mərsle məzəlpaŋ net sə dərɓegeti; kədappetin dətoŋgoŋgən a walaŋgəleɗe gugriɗ net ɓa, vi Yawe Maŋgəlva nokum apsukumik ammba vokum.»

Yosuwa 10:8

Yawe aɓsən Yosuwa na: «Geslne aduk ɓa! Vi nipsukuk ammba voko; ɗəf tay nawziw abok səmmbet ɓa.»

Yosuwa 13:6

ɗiy naggərəm beymet təŋ sə Liban hã a Misrefot-Mayim, beymet mə Sidonɗe. In nədarɓihit səbet mə Israyelɗe. Kuɗakgən dələv van sit mə Israyelɗe ka neti va nəɗi suk wən nan kaka'ə.

Yosuwa 2:24

Aɓsənən Yosuwa na: «Gesiŋ, Yawe apsəmək dələv bayman ammba vamə. Ɗiy nadak vet kpak beymet geslne armek səmə.»

Yosuwa 21:44

Yawe apsitik əffet kiyit tərwəsl va asway sit efiŋgitti. Meseŋgiɗit mə Israyelɗe va assoŋgu, ɗəf taka tay səret dəɓap əgar sit mə Israyelɗe ɓa. Yawe apsitik meseŋgiɗit beymet ammba veti.

Yosuwa 23:14

Naw na, in yakəŋ pay dəpaŋ əddaw dəka tive an məver sit ɗiy pakə. Kəsənənək a mokrokum də megenegenekum pak na, əpel nenek məs Yawe Maŋgəlva nokum apel temtem akokuməŋ pak tay məza dərbə ɓa ɓa, bayman pak agəɗək akokum: təttaka tay dəbət afuŋ səran ɓa.

Yosuwa 24:11

Yas kəggaraŋ ki Yurden, kəgapaŋ a Yeriko. Migil Yeriko asilyoŋguk əgay də mənokum. Ndəɗaŋgə mə Amorɗe, mə Perziɗe, mə Kana'anɗe, mə Hittiɗe, mə Girgasɗe, mə Hivviɗe gəm mə Yebusɗe, ya nəpsukumik ammba vokum.

Yosuwa 24:12

Nəslənək apapray na bekne abokum, arɓehet milyeŋge net mə Amorɗe sula neki, məza dit masalam nokum ɓa, məza dit bəleɗe nokum ɓa!

Yosuwa 24:18

Yawe arɓehetik ɗiy sə bam beymeti, mə Amorɗe məs dəssoŋ də gəla aka dələv vani. Nam van pak waməgəɗ sən wəza sən Yawe, vi ndəni yi Maŋgəlva namə.»

Yosuwa 24:8

Siske nəkukum aka dələv net mə Amorɗe dəssoŋ də gəla dəgar ki Yurden. Akayokumənək də wəgaya, ya nipsukumik ammba vokum, kəmõhunək dələv net ka nokum, nəzetik kəkãh sə bokum.

Yosuwa 8:18

Yaŋ Yawe aɓsən Yosuwa na: «Atəl tulhõ navokəŋ dəka Ay, vi nəpsukuk avoko.» Yosuwa atəl tulhõ navan nak dəka walaŋgəla-metiŋ vani.

Yosuwa 8:7

Asna, kəgulyoŋgən pissim sə təki kəɗamaŋgə, kətakəngən walaŋgəla-metiŋ van kana; Yawe Maŋgəlva nokum wapsukum ammba vokum.

Yosuwa 9:7

Yaŋ mə Israyelɗe azlan sitin mə Hittiɗe na: «Kuzuŋ azam aŋ kənanaŋ go'o soko? Vasna mbarmbar mədaɗɗa wənmiyna də mənokum di?»

Mətawaŋwəna 1:4

Yuda nak peŋgi, yaŋ Yawe agim mə Kana'anɗe dit mə Perziɗe apsit ammba veti, abayaŋ zel gabal kəlaw a Bezek.

Mətawaŋwəna 11:21

Ya Yawe Maŋgəlva na Israyel apsitik Sihon dit ɗiy nan pak ammba va Israyel, abeyini, Israyel amõh dələv net mə Amorɗe va assoŋ akan baymani.

1Samiyel 23:4

Davit assohõnək Yawe əmpa, Yawe azlan səni, amna: «Asili dok a Keyla! In tat ipsuk mə Filistiɗe ammba voko.»