Əgilye 23:23 - Bible en Guidar

²³ Vi maslay naw wadaw aboko, watoŋguk kəlanet mə Amorɗe da, mə Hittiɗe da, mə Perziɗe da, dit mə Kana'anɗe da, mə Hivviɗe da, gəm kəlanet mə Yebusɗe da, ya wanəzeti,

Əgilye 23:23 ပူးပေါင်းရင်းမြစ်များ

Va'Atəŋ 24:7

Yawe, Maŋgəlva na disiŋ, dəgəmu səŋgil ana əbba da, səka dələv net ɗiy nawa, dəpel suwa, asway dawnah su na: “Sit kirtuk nədapsit dəlvəŋka;” waslən maslay nan aboko; kəgəmgən guluk sən wətu sədaka.

Va'Atəŋ 34:2

Sikem, wətən Hamor mə Hitti, ɗəf metiŋ naka dələv vani, awlət arməta, avoŋgət aŋgarta.

Əgilye 18:8

Moyis abotonək zəga an Yawe agəɗ sən Farawən gəm sən Eziptə aka batam Israyel sən dəhni, tatwãhɗe an arahaŋ aka tive, Yawe akõhgiti.

Əgilye 23:20

«Wanəslən maslay naw aboko, vi dəgukgən aka tive, vi dəgapgukgən a təki nəzaɓ suko.

Əgilye 3:17

nənahək na: wanəgilgukum səka wəzəmsahã na Eziptə, Kawkukum kəlaka dələv na Kana'an, na Hitti, na Amori, na Perzi, na Hivvi, gəm na Yebusi, aka dələv məs moŋvo də amama adawdawaŋ akan lokloku.

Əgilye 32:2

Aron aɓsit na: «Məprət metendeŋɗe na meleŋge sə sləmet gil nokum, kirtukum mezeŋgleket dit muguluŋgiti, məki suwe.»

Isaya 5:13

Vini Yawe anah na: kawketi ɗiy naw aka balamə, vi gabba zəga tay asənaŋ ɓa. Ɗiy tektek wamtaŋ sən maya, ɗiy diyɗa wamtaŋ sit meme.

Əmsak aka Mahenziŋ 9:3

Wakəsən dəpaŋ na, Yawe Maŋgəlva nok dədawtoŋ abok va offo məpalkat zəga; ndəni dədawzeti gəm kaska wəlet səboko. Asna wakəmõhẽti, wakəzet də kakara va Yawe apel suko.

Yosuwa 23:9

Yawe arɓehetik ɗiy gambereɗ diyɗa səbokum, hã gap pay dəpaŋka ɗəf tay təttaka dəziw ama horokum ɓa.

Yosuwa 5:13

Aka Yosuwa asan go'o aza Yeriko na, ndən kiyən legəni, dəwəl na: ɗəf yaŋ ama haran ziwwe də masalam nan məgdəhən səddəv gəlan avan kawwã. Yosuwa nak tek azani, aɓsən na: «Nam kənan sa net meseŋgiɗmə?»

Yosuwa 9:1

Səza milyeŋge na dəgar ki Yurden beymet aprəmən wən nani, vasna: En naket gərmeŋge, a təki məpəlayya, may ama məlpa, təŋ sə ma pehe naddak təki hã gap a Liban. Ndəɗaŋgə kan mə Hittiɗe, mə Amorɗe, mə Kana'anɗe, mə Perziɗe, mə Hivviɗe dit mə Yebusɗe