Əgilye 23:21 - Bible en Guidar

²¹ Asla zuko, aprəm mani, kədawdan sən gədəvən ɓa, wavvuyet tepelke nokum ɓa, vi tay də iya nawa.

Əgilye 23:21 ပူးပေါင်းရင်းမြစ်များ

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Gəlyaɗe 72:19

Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

Gəlyaɗe 78:40

Təl ɓaɓay aɓoŋgoŋ akan a kapta-muyã, adansənənək gədəvən a təki mukuro!

Gəlyaɗe 78:56

Mətemtiŋ, aslanənək Maŋgəlva Məsəɗəɗə, dərmenin wəsəɓɗe nan ɓa.

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Əgilye 3:14

Maŋgəlva aɓsən Moyis na: «IN TAT MƏS NƏSAWA.» Yas amna: «Kənah sitgin mə Israyelɗe vaska: IN TAT dəslənu azokum.»

Əgilye 32:34

Ya kakaŋ na, doko! Ake ɗiy a təki nənoh suko, maslay naw yaŋ wambat aboko. Ya pay nədaɗɗum aka wən nan na, asna wanəzge'sit aka mambray neti.»

Əgilye 6:3

Nərbanək zu aza Abraham, aza Isak gəm aza Yakob va Maŋgəlva Məzuɓappak, nərban zu azet də iya naw Yawe ɓa.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Isaya 45:6

Mammba dələv baymani kawsənni na zəga tay mə balsu ɓa. Naw intə Yawe, tay mabərən əmpa ɓa.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 9:5

Vi məwəsəmi wiyna, məpsəmi wiyin mizilin. Gagdak na məlĩ tay akani. Kawyani də iyaŋka: Məzusəɓ sən ɗəf va ndən tuwãhə, Maŋgəlva gbogboŋgo, afən an faɗə, Daya na zazaya.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Yeremiya 5:7

Aka askəsna wavvuyan suk sa? Kirtuk azgawənka, aswayaŋgək də zəga məs Maŋgəlva yi ɓa. Nəbetke, də as pak ndəɗaŋ əku a gizbe, ndəɗaŋ əsap addəv gəla nat məpolkoyoku.

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Əŋɗa 14:11

Yawe apel sən Moyis amna: «Hã gap dewɗe ɗiyiŋ adazbanən əzelew di? Hã dewɗe adawɓoŋgoŋ dawtaf wən naw də va nədaɗɗe sekeneɗ naw aweleŋtiŋ pak di?

Əŋɗa 14:35

In Yawe, nəpelke, səway, vas nədaɗɗa də sap net ɗiy mbəreytiŋki, məs dəslerin met akawəŋki. Wagrakaŋ beymet a kapta-muyãŋka; eske adamtaŋgə.»

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 17:5

Aka adawpele, slaybuwən məzuwiɗ adeke, asirite, ɓaɓəlma adek səddəv slaybuwən naka, amna: Aŋki wətu an nəŋgələ, in tat ənneken zu dəndən sawɓa. Məprəm mani.

Yohanna 10:30

In də Afəni taka mənani.

Yohanna 10:38

Ya an in tat əɗɗeti, an kətafən na wən naw ɓa zlaŋ, mətaf wəzeɗe veti, vi kəprəmnəgəni gəm kəsənnəgən na Afən tay addəvwa, in tat addəv Afəni!

Yohanna 5:23

vi ɗiy pak dəgagdakanəngən Wətən va adawgagdakanən Afəni. Ɗəf məs awgagdakan Wətən ɓa, awgagdakan Afən məs dəslən ɓa.

Efesus 4:30

Kədawɗəkanən Zeŋgile Salala na Maŋgəlva, məs məɗɗa sukum lamba dəndən də əya əga pay nawmokuməŋ ɓa.

Əmsak aka Mahenziŋ 18:19

Ya an ɗəf dəprəm wəpel na məskəleŋ apel də iya nawəŋ ɓa, in sən kiyu wanəssohõn wən nan amani.

Əmsak aka Mahenziŋ 9:7

Aɗɗumoni, kədazgət na kədan sənək gədəv Yawe Maŋgəlva nok a kapta-muyã ɓa! Təŋ səza pay kəgil sə Eziptə gap əzza nokum a təkiyəŋka, məɓoŋkum kənanən aka Yawe.

Kolosi 2:9

Vi addəv gəɓa zə Kristu gərak na Maŋgəlva asani.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

Ibriɗe 3:16

Vi mədəŋgaŋ dəprəməni gəm dəsilginin əɓoŋ di? Ya namna en məs Moyis agilgit sə Eziptə pakəŋ ɓa sa?

Yosuwa 24:19

Yosuwa aɓsit ɗiy kan na: «Wakəɓapən əɗɗa wəza sən Yawe ɓa. Maŋgəlva an salala yi, Maŋgəlva məskotoroki yi, məs aɓəs na kiɓəɓəl nokum dit mambrayɗe nokum ɓa.

1Yohanna 5:16

An ɗəf awlak məlmən əɗɗa mambraya, ya mambray nawkan aka əmtay ɓa, dəkkamə, Maŋgəlva wapsən zeŋgile. Sit ɗiy məɗɗaŋ mambray məs nawka ɗəf aka əmtay ɓa, mambray maɓɓan tay nawka ɗəf aka əmta, aka aski nənah na dəkkamə ɓa.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa:

Mətawaŋwəna 13:18

Maslay na Yawe aɓsən na: «As vimi kədassõhõn iya naw di? Na sekene yi.»